Efeso3
Isalu hya Pahuli huli bangoyi
1Ni mu buuna, me Pahuli, me ndi ikondaayi hya Yisu Kristo, mu uyabisa benu ba lili bangoyi musamu a nde.2Me tsimi ti benu laayuhi isalu hi Nzambi haaviidi me mu hyese hya nde, mu tooni a benu.3Ni mu imono-miisu, Nzambi haamweesi me lisuunda la nde la tswehi. Me miitsonehe mo mu mikuma mya hoole.4Bu benu luutaanga mo, benu luutsikaha nzaabili yi me ndi na yo mu tswehi a Kristo.5Hutsomi, Nzambi a haayabisi tswehi mo yiina huli baatu ve. Ka bunuubu, nde li mu umweese yo mu nzila Livupu la nde, huli biluumbi bya nde bya ngidi na huli mimbihuli.6Tswehi mo ni yiniiyi: mu nzila a Musamu wu Mubwe, bangoyi na Bayudaayo buubyalila mukobe ni nde mumosi. Bo bali binama bya nyutu mosi, na buuyaka lahi ndulu ni lo limosi li Nzambi haamiisiila bo mu Yisu Kristo.7Me aka mulongisi a Musamu wu Mubwe, mu tooni bungodu bu Nzambi haamiiva me, mu bubwe bwa nde, na mu matwala ma nde.8Huli me, wu afulala bukenyi ŋa hati la bangidi boosi, Nzambi aviidi me hyese hi uyabisa huli bangoyi, busina bwa Kristo bu buuveletwala uyelemese.9Me ambaha hyese hi uyalusa baatu boosi, buni Nzambi huuvangimasa lisuunda la nde la tswehi. Nde ni muvaangi a bisiha byosi. Nde aswehe lisuunda mo liina umata beleve,10mana mu taangu mo yiniiyi, mu likumbasa li libundu, banga lituma na banga matwala ba hu mbuha ya hu mayulu, bayaaba tsiki a Nzambi ya pila mu pila.11Maana moosi maayelemene na lisuunda la Nzambi li bilima na bilima, li nde haatswihasa mu nzila a Yisu Kristo Pfumu a bisu.12Mu itwadi hya na Kristo, na mu imiinu hya bisu mu nde, bisu lili na bunyanga bu uyaasusaha ŋa busu bwa Nzambi na hiitu hi hyakuha.13Buuna, me ndi mu upondo huli benu, mu uvelekolese binama, mu munyongi wu me ndi mu umono mu tooni a benu. Munyongi mo wuuna, ni wu ubwese benu kaluha yi muyusu.Litondo la Kristo
14Ni mu buuna, me ndi mu utsokomo ŋa busu bwa Nzambi Taata.15Pasi ibaandu, umata hu yulu natee ŋa toto, hyabaha nduhi a hyo mu nde.16Me ndi mu upondo nde, we bu hu li busina bu muyusu a nde, mana mivumu mya benu mihwada mu matwala ma Livupu la nde.17Me ndi mu upondo kaka ti Kristo aba hutso mitima mya benu mu imiinu, na ti benu limene manganzi na benu lituunga litondo li laavaanga.18Buuna, benu sa litwala ubaangula na bangidi boosi, buni litondo la Kristo lili na taha, bula, idoongi na mutaabu.19Mu mbuli, benu luuyaaba litondo la Kristo, tso bu lo laalutahala pasi nzaabili, mana benu liba ba baaluula mu muvumu woosi, na mu matwala, bi bibaamata huli Nzambi.20Huli Nzambi wu ubaasala mu bisu, mu matwala ma uvaanga bi byafulala bi bisu libaavondo nde, na ma maavyoho ma bisu libaatsima.21Nyaha muyusu aba wa nde, mu libundu mu nzila a Yisu Kristo, mu matuungi moosi, na mu bilima na bilima. Ameni!Wycliffe Bible Translators, Inc.