Chiyubunuzyo22
1Eelyo mungelo wakanditondezya mulonga wameenda abuumi, abalangala mbuli ibbwe litegwa Kkirasitali, uyenda kuuzwa kuchuuno chaLeza achaMwana wambelele,2kuuyinda akati kakazila kachisi. Kulubazu lumwi alumwi lwamulonga kwakalimenede musamu wabuumi, ulaamisyobo yamichelo ilikkumi ayibili, izyala michelo yaayo myeezi yoonse, alimwi matu aayo akali akusilika manyika.3Takukoyooba chimbi chitukidwe.
Pesi chuuno chabwami bwaLeza achaMwana wambelele chiyooba mumo, alimwi balanda bakwe bayoomukomba,4bayoobona busyu bwakwe, alimwi izina lyakwe linoli ankumu zyabo.5Takukwe kuyooba limbi mansiku, takuyandi kumwinikilwa achimwinikizyo pe nikuba chazuba, nkaambo Mwami Leza nguyooba mumuni wabo, alimwi bayooyendelezya kwalyoonse alyoonse.6Alimwi mungelo wakati kulindime, “Majwi aaya alasyomeka mpawo ngakasimpe. Mpawo Mwami, Leza wamyuuya yabasinsimi, watuma mungelo wakwe kuzootondezya balanda bakwe zintu zyeelede kuba achakufwambana.”7“Alimwi amulange, ndilaza akufwambana. Ulaachoolwe ooyo ubamba majwi achisinsimi chabbuku eeli!”8Ime Joni ndime ndakamvwa akubona zintu eezi. Alimwi nindakamvwa akuzibona, ndakawida aansi amawulu amungelo kuti ndimukombe ooyo wakazitondeezya kulindime,9pesi wakati kulindime, “Tweelede kuchita oobo pe! Ndilimulanda ime anduwe ababunyina basinsimi, aabo babamba majwi abbuku eeli. Komba Leza.”10Alimwi wakati kulindime, “Utabambi kilinsiswa majwi achisinsimi chabbuku eeli, nkaambo chiindi chaba afwiifwi kuti choonse eechi chikakuchitike.11kufumbwa uchita bubi kachita bubi, kufumbwa uchita busofwazi kachita busofwazi, kufumbwa ululeme kapona mubululami, kufumbwa usalala kapona mubusalali.”12“Langa, ndilaza achakufwambana! Kandeeta bulumbu bwangu, bwakuliya woonse mukwiinda mumilimu yakwe njakalikuchita.13Ndime Alufa aOmega, mutaanzi amamanino, matalikilo amagolelo.”14Balaachoolwe aabo basapa midabba yabo, kuti bakabe acheelelo kumusamu wabuumi akuti bakanjile amilyango yachisi.15Pesi anze achisi kuli bankala abalozi abasimamambi abajayi abasikukomba mituni, awoonse uyandisya akuchita zyakubeja.16“Ime ndiJesu ndakatuma mungelo wangu kulindinywe kuti akamupe bukamboni oobu kumbungano. Ndime chisyuukilwa alunyungu lwaDevidi, ntanda imwekesya.”17Muuya anabwiinga bati, “Kuza!”
Alimwi amuleke umvwa aambe kuti, “Kuza.”
Alimwi amuleke ulaanyota aze, amuleke ooyo uyanda anywe maanzi abuumi atakwe muulo.18Ime, ndichenjezya muntu woonse umvwa majwi aaya abusinsimi bwabbuku eeli, naa umwi wayungizya kulingawo, Leza uyooyungizya kulinguwe zyuumyo zyakaambwa mubbuku eeli.19Alimwi kuti umwi wagwisya majwi azwa kubbuku eeli lyabusinsimi oobu, Leza uyoogwisya chaabilo chakwe kumusamu wabuumi achamuchisi chisalala, aayo akaambwa mubbuku eeli.20Ooyo upa bukamboni atala azintu eezi kaamba kuti, “Nichoonzyo ndiliikuza chakufwambana!”
Ameni. Kuza, Mwami Jesu!21Luzyalo lwaMwami Jesu lube abantu boonse.
Pesi chuuno chabwami bwaLeza achaMwana wambelele chiyooba mumo, alimwi balanda bakwe bayoomukomba,4bayoobona busyu bwakwe, alimwi izina lyakwe linoli ankumu zyabo.5Takukwe kuyooba limbi mansiku, takuyandi kumwinikilwa achimwinikizyo pe nikuba chazuba, nkaambo Mwami Leza nguyooba mumuni wabo, alimwi bayooyendelezya kwalyoonse alyoonse.6Alimwi mungelo wakati kulindime, “Majwi aaya alasyomeka mpawo ngakasimpe. Mpawo Mwami, Leza wamyuuya yabasinsimi, watuma mungelo wakwe kuzootondezya balanda bakwe zintu zyeelede kuba achakufwambana.”7“Alimwi amulange, ndilaza akufwambana. Ulaachoolwe ooyo ubamba majwi achisinsimi chabbuku eeli!”8Ime Joni ndime ndakamvwa akubona zintu eezi. Alimwi nindakamvwa akuzibona, ndakawida aansi amawulu amungelo kuti ndimukombe ooyo wakazitondeezya kulindime,9pesi wakati kulindime, “Tweelede kuchita oobo pe! Ndilimulanda ime anduwe ababunyina basinsimi, aabo babamba majwi abbuku eeli. Komba Leza.”10Alimwi wakati kulindime, “Utabambi kilinsiswa majwi achisinsimi chabbuku eeli, nkaambo chiindi chaba afwiifwi kuti choonse eechi chikakuchitike.11kufumbwa uchita bubi kachita bubi, kufumbwa uchita busofwazi kachita busofwazi, kufumbwa ululeme kapona mubululami, kufumbwa usalala kapona mubusalali.”12“Langa, ndilaza achakufwambana! Kandeeta bulumbu bwangu, bwakuliya woonse mukwiinda mumilimu yakwe njakalikuchita.13Ndime Alufa aOmega, mutaanzi amamanino, matalikilo amagolelo.”14Balaachoolwe aabo basapa midabba yabo, kuti bakabe acheelelo kumusamu wabuumi akuti bakanjile amilyango yachisi.15Pesi anze achisi kuli bankala abalozi abasimamambi abajayi abasikukomba mituni, awoonse uyandisya akuchita zyakubeja.16“Ime ndiJesu ndakatuma mungelo wangu kulindinywe kuti akamupe bukamboni oobu kumbungano. Ndime chisyuukilwa alunyungu lwaDevidi, ntanda imwekesya.”17Muuya anabwiinga bati, “Kuza!”
Alimwi amuleke umvwa aambe kuti, “Kuza.”
Alimwi amuleke ulaanyota aze, amuleke ooyo uyanda anywe maanzi abuumi atakwe muulo.18Ime, ndichenjezya muntu woonse umvwa majwi aaya abusinsimi bwabbuku eeli, naa umwi wayungizya kulingawo, Leza uyooyungizya kulinguwe zyuumyo zyakaambwa mubbuku eeli.19Alimwi kuti umwi wagwisya majwi azwa kubbuku eeli lyabusinsimi oobu, Leza uyoogwisya chaabilo chakwe kumusamu wabuumi achamuchisi chisalala, aayo akaambwa mubbuku eeli.20Ooyo upa bukamboni atala azintu eezi kaamba kuti, “Nichoonzyo ndiliikuza chakufwambana!”
Ameni. Kuza, Mwami Jesu!21Luzyalo lwaMwami Jesu lube abantu boonse.
The Word for the World International