Chiyubunuzyo21
1Eelyo ndakabona ijulu pya anyika mpya, nkaambo julu taanzi anyika ntaanzi zyakayinda, alimwi lwizi teelwakachiliwo pe.2Alimwi ndakabona chisi chisalala, Jerusalemu mupya, kuuseluka kuzwa kujulu kuli Leza, wasakatizigwa mbuli nabwiinga mbwasamina mulumi wakwe.3Alimwi ndakamvwa ijwi ipati lizwa kuchuuno chabwami kaliti, “Laanga, bukkalo bwaLeza buli kubantu. Uyookkala ambabo, alimwi bayooba bantu bakwe, alakwe Leza lwakwe uyooba ambabo, alimwi uyooba Leza wabo.4Uyoosinda misozi yoonse kumeso aabo. Takukwe kuyooba lufu limbi pe, takukwe kuyooba mawuse nikuba koomoka nikuba machise limbi pe, nkaambo zintu zyoonse zyachiindi zinooli zyayinda.”5Mpawo ooyo ukkede achuuno chabwami wakati, “Laanga, ndiliikuchita zintu zyoonse kuba zipya.” Alimwi wakati, “Lemba eechi, nkaambo majwi aaya alasyomeka alimwi ngakasimpe.”6Eelyo wakati kulindime, “Zyachitika! Ndime Alufa aOmega, matalikilo amamanino. Kuli ooyo ulaanyota ndiyoomupa meenda abuumi azwa kukasensa katakwe muulo.7Ooyo uzunda uyojana lukono oolu, alimwi ndiyooba Leza wakwe mpawo uyooba mwana wangu mulombe.8Pesi kubantu bayoofu, batasyomi, bachita zisesemya, bajeyi, basibwaamu, balozi, bakomba mituni, aboonse babeja busena bwabo buyooba mubbila lyamulilo lyuumpa amulilo utegwa ulasalufa, oolu nduulufu lwachibili.”9Eelyo kwakasika umwi wabaangelo balimusanu ababili bakali andido zilimusanu azibili zyakalizwide zyuumyo zyakumamanino zilimusanu azibili, mpawo wakaambuula andime kati, “Kuza, ndiyookutondeezya Nabwiinga, mwanakazi waMwana wambelele.”10Alimwi muMuuya wakanditola kuchilundu chipati kachili chilamfu, mpawo wakanditondeezya chisi chisalala chitegwa Jerusalemu kachizwa kujulu kuli Leza,11kachijisi bulemu bwaLeza, kuŋayima kwacho kwakali mbuli ibbwe liyandisi, mbuli ibbwe litegwa jasipa, libalangala mbuli kkirasitali.12Chakalijisi bulambo bupati kabuli bulamfu, chakali amilyango iliikkumi ayibili, akumilyango kwakali baangelo balikkumi ababili, alimwi amilyango kwakalilembedwe mazina amikowa yabana baIzirayeli balikkumi ababili.13Kwakali milyango itaatu kujwe, kunyika milyango itaatu, kumusanza milyango itaatu, alimwi kumbo milyango itaatu.14Alimwi bulambo bwachisi bwakalijisi ntalisyo zilikkumi azibili, mpawo alinzizyo kwakali mazina abatumwa balikkumi ababili baMwana wambelele.15Mungelo ooyo wakaambuula andime wakalijisi cheelesyo changolide wakweela chisi amilyango yawo abulambo.16Chisi chakaliyakidwe azyooko zine, bulamfu kabweelene abusasa, mpawo wakeela chisi akalamu, wajana intaamo zyakali kwamba kuba chuulu chiindulwidwe azyuulu zibili amyaanda iine, bulamfu bwacho, busasa, abwiime, kazyeelene.17Mpawo mungelo wakeela bulambo mukweela kwamuntu, wakajana ntaamo zilimbuli makumi musanu akkumi limwi antaamo zilimusanu.18Bulambo bwakaliyakidwe amabwe ategwa aJasipa, anukuti chisi chakali changolide yanchoonzyo, yakali kubalangala mbuli ibbwe libalangala.19Intalisyo yabulaambo bwachisi bwakalisakatide amabwe mayandisi woonse, itaanzi lyakali kutegwa Jasipa lyakali lyamuntondo, lyachibili lyakalikutegwa safiro wakali mbuli sikkaka, lyachitatu lyakali kutegwa kkalikedoni lyakali amabalamabala, alyachine lyakali kutegwa emeraludi,20lyachisanu lyakali kutegwa Onikkisi, lyachisanu alimwi lyakalikutegwa Kkaneliya, lyachisanu aayibili lyakali kutegwa Kkirisolayiti lya chisanu ayitatu lyakali kutegwa bbereli, lyachisanu atune lyakali tegwa Topazi, lyakkumi lyakali kutegwa Kkirisoperize, lyakkumi alimwi litegwa Jasiniti, lyakkumi aabili lyakali kutegwa Ametisiti.21Alimwi milyango ilikkumi ayiibili njangale mbuli maŋoŋo zilikkumi azibili, umwi awumwi mulyango ngwangale imwi, anzila mpati yachisi njangolida yachoonzyo ibalangala mbuli ibbwe libalangala.22Alimwi teendakabona ŋanda yaLeza pe muchisi, nkaambo ŋanda yawo nguMwami Leza Singuzu Zyoonse aMwana wambelele.23Mpawo chisi tachiyandi zuba nikuba mweezi pe kuti uchimwinikile, nkaambo bulemu bwaLeza ngumumuni wacho, alimwi chimwinikisyo lyacho nguMwana wambelele.24Amumuni wacho manyika ayooyenda, abaami bamunyika bayooyeta bulemu bwabo mulinchicho,25amilyango yacho tikoyoojalwa pe sikati, alimwi takukwe kuyooba mansiku pe nkuko,26bayooyeta kulinchicho bulemu alulemeko lwamanyika.27Taakwe pe chisofwede chiyoonjila mumo, nikuba umwi uchita zisesemya nikuba zyakubeja, pesi luzutu aabo balembedwe mubbuku lyabuumi lyaMwana wambelele.
The Word for the World International