BaHebburu11
1Lino lusyomo ndusinizyo lwazintu nzitulangilila, kuzumina zintu zitaboneki.2Nkaambo kandulo bantu bakale bakatambula kuzumininwa kwaLeza kubotu.3Alusyomo tumvwisisisya kuti inyika yakalengwa ajwi lyaLeza, kuchitila kuti chibonwa chakachitwa kuzwa kuzintu zitalibonyi pe.4Alusyomo Abbelo wakapa chipayizyo kuliLeza chitambulika kwiinda chaKkayini, mukwiinda mulinchicho mwaakajana kuzumininwa mbuli musalali, nkaambo Leza wakalijisi bukamboni wakakondwa kuzipo zyakwe, wakafwa, pesi mukwiinda mulusyomo lwakwe uchaambula.5Alusyomo Inokki wakatolwa kujulu kuchitila kuti ataboni lufu pe; alimwi teewakajanika pe, nkaambo Leza wakali wamubweza. Lino katana bwezegwa wakabalwa mbuli wakakondezya Leza.6Alimwi atakwe lusyomo tachikonzeki kumubotezya. Nkaambo kufumbwa uswena afwiifwi kuliLeza weelede kusyoma kuti mpali alimwi kuti ulalumbula aabo bamuyanduula.7Alusyomo Nowa, naakachenjezegwa aLeza atala azintu zitanabonwa, wakaswiilizya mpawo wayaka bwaato bupati bwakufutula baŋanda yakwe; acheechi wakiipa mulandu inyika mpawo wakakoona busalali oobo buza alusyomo.8Alusyomo Abburahamu wakaswiilila naakayitwa kuti aye kubusena oobo nkwakakutambula lukono; mpawo wakeenda, katazi nkwakalikuya.9Alusyomo wakeenda kunyika yachisyomezyo, mbuli munyika yabweenzu, kakkala mumadumba aAyizekki aJakkobbu, basikukona aamwi anguwe muchisyomezyo chimwi.10Nkaambo wakalanga kunembo kuchisi chakali antalisyo, eecho sikuchita asikuyaka kakuli nguLeza.11Alusyomo Sara lwakwe wakatambula nguzu zyakumita, nikuba kuti chiindi chakali chayinda, mbukunga wakamubweza kasyomede ooyo wakamusyomezya.12Nkikaako kuzwa kumwaalumi umwi, alimwi we kali mbuli muntu ufwide, kwakazyalwa lunyungu lwiingi mbuli nyenyezi zyakujulu alimwi mbuli tubwe twamuse tutakonzeki kubala tuli kunkomwe yalwizi.13Aaba boonse bakafwa mulusyomo, peepe kabali batambula zyakali zyasyomezegwa, pesi kabali bazibona mpawo baambuula atala anzizyo kule, alimwi kabazumina kuti mbeenzu abanakweenda anyika.14Nkaambo bantu baambula bazibikka antanganana kuti bayanduula nyika yabo.15Kuti bakali kuyeeya atala anyika eeyo njibakazwa, nikuli bakali kunoojana mweenya wakubweeda.16Pesi mbuli mbukubede, bayandisya inyika ilimbubo, nkukuti, yakujulu. Nkikaako Leza takwe bweeme pe kuti aambwe kuti nguLeza wabo, nkaambo wakababambila chisi.17Alusyomo Abburahamu, naakasunkwa, wakapa Ayizekki, alimwi ooyo wakatambula zisyomezyo wakali libambilide kupa mwana wakwe umwi luzutu,18ooyo wakaambwa kuti, “Mukwiinda muli Ayizekki lunyungu lwako luyoowunikwa.”19Wakayeeya kuti Leza ulakonzya kubusya bantu nikuba kuzwa kubafu; anukuti, mumaambila mbali, wakamutambula lubo.20Alusyomo Ayizekki wakalongezya Jakkobbu aIsawu azilongezyo zyakachili kuyobuza.21Alusyomo Jakkobbu, naakalikuya kukufwa, wakalongezya bana balombe baJozefu boonse, wakavuntama mpawo wakomba kasiminide mutwe atala amusako wakwe.22Alusyomo Jozefu, kumamanino abuumi bwakwe, alimwi wakaamba atala akulonga kwaba Izirayeli mpawo wakapa malayilile atala akubambwa kwamafuwa aakwe.23Alusyomo Mozesi, naakazyalwa, wakasiswa abazyali bakwe kwamyeezi iitatu, nkaambo bakabona kuti mwana wakali mubotu; alimwi teebakayoowa mulawu wamwami pe.24Alusyomo Mozesi, naakakomena, wakakaka kwitwa kuti mwana wamwana musimbi waFaro,25wakasala kupenzegwa antoomwe abantu baLeza kwiinda kubotelwa bunone bwachibi kwachiindi chiniini.26Wakasala kupenzegwa nkaambo kabuvubi bupati bwaKkirisitu kwiinda buvubi bwaIjiputi, nkaambo wakalangilila kumpindu.27Alusyomo wakasiya Ijiputi, katakwe buyofu bwalunyemo lwaMwami; nkaambo wakakakatila mbuli kuti ubwene ooyo utabonwi.28Alusyomo wakabamba Pobwe Lyakwiindilila lwabaJuda akusansa bulowa, kuchitila kuti Sikunyonyoona wabana bataanzi atabagumi.29Alusyomo bantu bakazubuka Lwizi Lusalala mbuli kuti ninyika njumu; pesi baIjiputi, nibakayezya kuchita oobo, bakanikila.30Alusyomo bulambo bwaJerikko bwakakolomoka nibakamana kubuzyunguluka bulaambo kwamazuba alimusanu aabili.31Alusyomo Rahabbu sibwamu taakafwa amwi pe abaabo bataswiilila, nkaambo wakali watambula basikutwela achabuuya.32Alimwi ndaambuule zyiingi zili biyeni? Nkaambo chiindi chamana kuti ndimwaambile atala aGidiyoni aBbarakki aSamusoni aJefuta waDevidi aSamuyeli abasinsimi.33aabo mukwiinda mulusyomo bakazunda maami, bakabikka bululami, bakatambula zisyomezyo, bakajala milomo yabalavu,34bakazima bukali bwamulilo, bakachija kuyasa kwapanga, bakajana nguzu kuzwa kubukompami, bakaba anguzu munkondo, bakazunda basilumamba bazwa kule akuchija.35Banakazi bakatambula bafwide babo akubuka.
Bamwi bakapenzegwa, bakakaka kutambula kwaangununwa, kuti bakabuke lubo kubuumi buli mbubo.36Bamwi bakapenzegwa kukuweelwa akuumwa, alimwi nikuba kwaangwa anketani akutolwa muntolongo.37Bakadonkolwa, bakaduunsulwa akati, bakajeegwa apanga; bakali kweenda kabasama zikwiye zyambelele azyampongo, kabafwaba, kabapenzegwa, kabajatwa bubi,38inyika teeyakabachita beelela pe, bakali kuyingayila munkanda amuzilundu, alimwi mumaseenengo amumagolo anyika.39Alimwi boonse aaba, nikuba bakazumininwa alusyomo lwabo, teebakatambula pe eecho nchibakasyomezegwa,40mbukunga Leza wakali chibwene kale chimwi chili mbubo kuli ndiswe, kuti kuteensi ndiswe teebakali kuchitwa baluleme pe.
Bamwi bakapenzegwa, bakakaka kutambula kwaangununwa, kuti bakabuke lubo kubuumi buli mbubo.36Bamwi bakapenzegwa kukuweelwa akuumwa, alimwi nikuba kwaangwa anketani akutolwa muntolongo.37Bakadonkolwa, bakaduunsulwa akati, bakajeegwa apanga; bakali kweenda kabasama zikwiye zyambelele azyampongo, kabafwaba, kabapenzegwa, kabajatwa bubi,38inyika teeyakabachita beelela pe, bakali kuyingayila munkanda amuzilundu, alimwi mumaseenengo amumagolo anyika.39Alimwi boonse aaba, nikuba bakazumininwa alusyomo lwabo, teebakatambula pe eecho nchibakasyomezegwa,40mbukunga Leza wakali chibwene kale chimwi chili mbubo kuli ndiswe, kuti kuteensi ndiswe teebakali kuchitwa baluleme pe.
The Word for the World International