1 Timoti2
1Lutaanzi, eelyo, ndamukumbila kuti kukumbila, nkombyo, akukumbilila akupa kulumba zichitilwe bantu boonse,2kubami aboonse bali mubweendelezi, kuti tupone chuumunizi abuumi bwaluumuno, bwabu leza alimwi bwakulemekana munzila yoonse.3Eechi nchibotu, alimwi chilatambulika mubusyu bwaLeza Mufutuli wesu,4ooyo uyandisya kuti bantu boonse bafutulwe alimwi kuti babe aluzibo lwakasimpe.5Nkaambo kuli Leza umwi luzutu, alimwi kuli simwiimaakati umwi akati kaLeza abantu, muntu Kkirisitu Jesu,6wakalipeda mbuli chinunuzyo chabantu boonse, bukamboni bwakapegwa kuchiindi cheelede.7Nkaambo kacheechi ndakasalwa kuti ndibe mukambawusi amutumwa amuyiisi kubantu batazi Leza mulusyomo akasimpe. Tandiliikubejape, ndiliikwaamba kasimpe.8Eelyo ndayandisya kuti mubusena boonse baalumi beelede bakombe, kabasumpwide maboko asalala kakutakwe lunyemo nikuba kukazyana;9alubo kuti banakazi beelede kusama chabulemu alimwi zili kabotu mukulangika mubuntu, peepe kupesa masusu nikuba ingolide nikuba bulungu nikuba zisamo zyamuulo udula10pesi amilimu mibotu, mbuli iyeelede banakazi balipedelede kukukomba Leza.11Muleke mwanakazi ayiiye muchuumunizi akulibombya koonse.12Tandizumizyi mwanakazi pe kuyiisya nikuba kuba abweendelezi atala abaalumi; weelede kawumwide.13Nkaambo Adamu wakalengwa lutaanzi, eelyo Eva;14Alimwi Adamu teengwakeenwa pe, pesi mwanakazi ngwakeenwa mpawo wakaba sikubisya.15Kakuli mwanakazi uyoofutulwa mukwiinda mukutumbuka bana, naa wayinkilila anembo mulusyomo, aluyando, abusalali akulibamba.
The Word for the World International