1 Timoti1
1Ndime Pawulu, mutumwa waKkirisitu Jesu, akulayilila kwaLeza Mufutuli wesu akwa Kkirisitu Jesu ooyo bulangilizi bwesu,2Kuli Timoti, mwana wangu wachoonzyo mulusyomo: Luzyalo, luse, aluumuno kuzwa kuli Leza Taata aKkirisitu Jesu Mwami wesu.3Mbuli mbundakakulayilila nindakali kuya kuMasedoniya, chaala kuEfeso kuti ukalalile bamwi bantu kuti batayiisyi injiisyo isiyene,4nikuba kulipeda ansyomo amazyalane atajinki apa kukangana kwiinda kusungwazya mabambe aLeza aayo alimulusyomo.5Impalamo yamalayilile eesu nduyando oolo luzwa kumoyo ululeme amuzeezo mubotu alusyomo lululeme.6Bamwi bantu bakaleya kuli zeezi bakasweekela mukwaambuula majwi abiyo,7kabayandisya kuba bayiisi bamulawu, pesi kabatamvwisisisyi nikuba eezyo nzibaamba nikuba zintu nzibachita abusichaamba.8Lino tulizi kuti mulawu mubotu, kuti umwi wawubelesya munzila yeelede,9katumvwisisisya eechi, kuti mulawu teewakabikkilwa baluleme pe, pesi kuli batyola mulawu abataswiilili, kuli batakombi abasizibi, batasalali abasofwede, bajeya bamawisi abajeya bamanyina, abajayi babantu,10bantu bachita malalane, bawonana baalumi kubaalumi, banakazi kubanakazi, babba bantu kababatola mubuzike, babeji, bakonka chakubeja, alimwi kufumbwa chimbi chikazyaniya anjiisyo iluleme,11mukweendelana amakani mabotu abulemu aLeza ulongezedwe ngindakasyomegwa.12Ndilamulumba Kkirisitu Jesu Mwami wesu, wakandipa nguzu nkaambo wakandichita usyomekede akundisala kumulimu wakwe,13nikuba kuti muchiindi chakayinda ndakasampawula akupenzya alimwi ndakalwaniya, pesi ndakatambula luse nkaambo ndakazichita mukutaziba amukutasyoma,14alimwi luzyalo lwaMwami wesu lwakafwasuka zyiindilide ankaambo kandime akweeta lusyomo aluyando eezyo zili muli Kkirisitu Jesu.15Kwaamba ooku nkwachoonzyo alimwi kuleelela kuzumizigwa kuzwide, kuti Kkirisitu Jesu wakasika munyika kuti afutule basizibi. Alimwi ndime ndisizibi mupati;16pesi ndakatambula luse ankaambo kacheechi, kuti mulindime, mbuli sizibi uyindilide, Jesu Kkirisitu atondeezye kuba amoyo mulamfu ululeme nkaambo kachitondeezyo kuli baabo bayoosyoma muli nguwe kwalyoonse.17KuMwami walyoonse, utafwi, utaboneki, Leza alikke, kube kulemeka abulemu kwalyoonse alyoonse. Ameni.18Timoti, mwanaangu, mulayizyo ooyu nduupeda kulinduwe, mbuli mukweendelana amajwi abusinsimi aayo akalulama kuli nduwe, aayo akambuulwa ambabo kuchitila kuti akwaatobelezya ukonzye kulwana kabotu,19kujisi lusyomo achiwa chibotu. Akukaka chiwa, bamwi bantu bakanyonyoona lusyomo lwabo.20Bamwi babo kuli Himeniyasi aAlekizanda, aabo mbindakaaba kuli Satani kuchitila kuti bayiye kutasampawula.
The Word for the World International