1 Pita5
1Aboobo ndakumbila baalu bali akati kanu, mbuli umwi wabaalu akamboni wakupenzegwa kwaKkirisitu alubo mbuli simulimunyina mubulemu oobo buyooyubununwa.2Mweembele butanga bwaLeza ooyo nguumulimu wanu. Muzichite peepe achanguzu pesi akuyanda kwaLeza, peepe nkaambo kampindu italuleme pesi achiyandisyo chakuwutawuka.3Peepe kubapa mukuli aabo mbimweendelezya pesi mube zitondeezyo kubutanga.4Alimwi kuti Mweembeli mupati waakuliboniya muyoojana musini utakulumpali pe wabulemu.5Mbumbubo inywe nibakubusi amulibombye kubaalu. Ngamulisamike, moonse, akulibombya kuli umwi awumwi, nkaambo, “Leza ulabakazya balisumpula, pesi upa luzyalo kuli balibombya.”6Nkikaako ngamulifwiinsye munsi aluboko lwaLeza ugambya, kuchitila kuti muchiindi cheelede akamusumpule.7Amupe mikuli yanu yoonse kulinguwe, nkaambo ulamulemutuzya.8Ngamube babeteme, akuchenjela. Sinkondonyokwe Sikuchenga uleendenda mbuli mulavu uvuluma, kayanduula umwi ngwatakanke.9Ngamumukazye, ngamuzyandamane mulusyomo lwanu, kamuzi kuti kupenzegwa kukozyene nkumwakalaako kulayandikana kuli babunyoko munyika yoonse.10Alimwi nimutamane kupenzegwa kwachiindi chiniini biyo, Leza waluzyalo loonse, ooyo wakamwiita kubulemu bwakwe butamani muliKkirisitu, we lwakwe uyoomubukulusya, uyomuzyandaminisya, akumuyaka, akumusimya.11Kulinguwe ngakube bweendelezi kwalyoonse alyoonse. Ameni.12Alugwasyo lwaSilivanasi, mukwesu usyomekede mbuli mbundimwaamba, ndamulembela mubufwiifwi, kandimusungwazya akwaamba bukamboni bwakuti oolu nduzyalo lwakasimpe lwaLeza, amwiimikile nji mulindulo.13Eelyo mbungano ilikuBbabbiloni, eeyo mbuboobo yakasalwa, ilamujuzya, alakwe mwana wangu mulombe Makko.14Ngamujuzyane akujuzyaniya kwabunyina.
Luumuno lube andinywe moonse nimuli muliKkirisitu.
Luumuno lube andinywe moonse nimuli muliKkirisitu.
The Word for the World International