MAAKO4
1Ape Jesu wakatalika kwiisya ankomwe yo Lwizi lwa Galileya. Bantu banji bakamubunganina, kaambo kokuvula kwabantu, Jesu wakanjila okukala mumugolo wali mumaanzi. Bantu bo baimvwi ankomwe yo lwizi.2Wakabaiisya zintu zisiyene-siyene mukubelesya zikozyanyo, mukwiisya kwakwe wakateeti:3“Amumvwe! Kwali umwi mulimi wakainka kuyoohasa mbuto.4Naakali kuhasa mbuto mumuunda, zimwi zyakawida mumbali enzila, mpoonyina bayuni bakasika okuzilya.5Zimwi mbuto zyakawida munyika yebbwe lipateme yakajesi muse muce. Mpoonyina imbuto eezyo cokufwambaana zyakamena kaambo muse wakali muce.6Mpoonyina zuba nilyakabala, zyakapya okuyuma kaambo miyanda taakwe niyakainka loko ansi.7Mbuto zimwi zyakawida munyika yakamenede myuumvwa. Mpoonyina nizyakakomenena antoomwi, myuumvwa yakazifundilizya zisyango okuzisinkilizya, cokuteeti zyakakacilwa kuzyala micelo.8Mbuto zimwi zyakawida mumuse mubotu, zyakamena okukomena okuzyala micelo. Zimwi zyakavuzyanya makumi otatwe, zimwi makumi aali cisambomwi, zimwi mwaanda.”9Mpoonyina Jesu wakamanizya okuteeti, “Amuswiilizye namulaamatwi okumvwisya!”10Jesu naakalaalike, bamwi bakamumvwa abasikwiiya bakwe bali kumi abobile bakamwiinkila okuyoomukumbila kuteeti abapandululwide zikozyanyo.11Mpoonyina wakabataba kuteeti, “Mwapegwa zisisidwe zyo Bwami bwa Leza, kono bamwi bantu balapegwa zyoonseneni kwiinda muzikozyanyo.12Kuteegwa‘Kabalanga okulangisyakono kabataboni,kabaswiilizya okuswiilizisyakono kabatamvwi.Kaambo nibali kumvwanibasandukila kuli Lezampoonyina naabajatila’”.13Mpoonyina Jesu wakababuzya kuteeti, “Ino taakwe nimwacimvisisisya cikozyanyo eeci na? Ino muyooziziba buti zikozyanyo zimwi zyoonse?”14Mulimi wakaminza majwi aa Leza.15Oobu mbobupanduluzi bwembuto yakawida mumbali enzila: Majwi aa Leza aminzwa, abantu baamvwa, cokufwambaana Satani uleza okubweza cakaminzwa mulibo.16Oobu mbobupanduluzi bwembuto yakawida anyika yebbwe lipateme yakajesi muse muce: Majwi aa Leza aminzwa, abantu bacaamvwa feela balaatambula cokufwambaana okubotelwa.17Kono taanjililili, ape taakalilili. Makatazyo amapenzi abasikila kaambo kamajwi balatyompwa okuleka kusyoma mpoonyinaawo.18Oobu mbobupanduluzi bwembuto yakawida mumuse wemiyanda yemyuumvwa: Aaba mbantu baamvwa majwi aa Leza,19kono kulikalelwa zyobuumi okweeneenwa obuvubi okuyandisisya ezimbi, eezi zikasya majwi kuzyala micelo.20Oobu mbobupanduluzi bwembuto yakawida mumuse mubotu: Mbantu baamvwa majwi aa Leza, balaatambula mpoonyina balazyala micelo ivuzyanya, bamwi makumi otatwe, bamwi makumi ali cisambomwe, abamwi mwaanda.21Jesu wakazumanana kateeti, “Ino kuli muntu ubweza lampi okulivunika ecisuwo na kulibika munsi obulo? Ino talibikwi antangalala na?”22Mbweenya namu, “Kufumbwa cisisidwe ciyoosisununwa, ape maseseke oonse ayeetwa antangalala.”23Na kuli ulaamatwi ookumvwisya, amvwe!24Ape Wakabaambila kuteeti, “Amubikileko maano kuli zyemumvwa! Cipimyo comubelesezya bamwi awe Leza cayoomubelesezya, mane okwiindilizya.25Aabo bajesi bayoopegwa zinji, kono uutajesi uyoonyangwa naanga kaniini kajesi.”26Jesu wakazwidaanembo kaamba kuteeti, “Bwami bwa Leza bulinamu: Umwi mwaalumi wakaminza mbuto mumuunda wakwe.27Walikulala masiku okubuka bwacha, muciindi eeco mbuto zyalikumena okuyoobukomena. Kono katezi mbuzyali kukomena.28Muse nguukomezya zisyango okuzyala micelo. Kusanguna kumena busonga, kuzwaawo cisiko cilakomena, mpoonyina kuzwa ngala, kumamanino kuba maila. 29Mpoonyina abizwa maila, mulimi ulaatema kaambo nako yokukutula casika.”30Ape Jesu wakateeti, “Ino Bwami bwa Leza tulabweezyanisyeenzi? Ino inga twabupandulula ecikozyanyo cobuti?31Bwami Bokujulu buli mbuli cicitika kukaseke ke masitadi kabyalwa. Nekuba kuteeti aaka kekaseke kaniini loko munyika, kabyalwa mumuse32kwainda nako kalakomena okuba cisamu cipati kwiinda zyoonse. Cilaba entabi zipati cokuteeti tuyuni tulasika okupangila mwateni ziteente mumweemvule wateni.”33Jesu wakakambookela bantu kwiindila muzikozyanyo zisiyene-siyene mbuli eezi, kweendelana ambobalikukonzezya kumvwisisisya.34Taakwe nakaamboola ambabo katabelesyi zikozyanyo, aati anoolifeela abasikwiiya bakwe, naalikubapandulwida zyoonseneni.35Mboonyina obuya buzuba kujolezya, Jesu wakaambila basikwiiya bakwe kuteeti, “Atuzubukile kutala limwi lyo lwizi.”36Mpoonyina bakasiya bbunga lyabantu. Basikwiiya bakwe bakatanta mumugolo mwalikukede Jesu, mpoonyina bakainka anguwe. Kwali emigolo imwi yalikuyobubacilila.37Pobatalikuyeeyela kwakaunga guwo pati, cokuteeti mayuwe akatalika kukupailila manzi mumugolo, mane watikazule.38Nako eeyo Jesu walilede musule lyomugolo, kabikide mutwe pokusegela. Basikwiiya bakwe bakamubusya okuteeti, “O mwiiyi, tobwene kuteegwa tuyanda kufwa na?”39Mpoonyina Jesu wakanyamuka okulailila guwo amayuwe kuteeti, “Umuna!” Guwo lyakamana mpoonyina kwakaumuna zii.40Jesu wakabuzya basikwiiya bakwe kuteeti, “Ino niinzi nemuyowa namu? Eino tamuna kuba olusyomo na?”41Kono bakayoowa loko okubuzyana kuteeti, “Ngwanooyu uunga mane guwo amayuwe zilamumvwida?”
The Seed Company