MAAKO16
1Niyakainda Nsabata Maliya Magadalena o Salome o Maliya banyina Jemusi bakaula mafuta anunkilila kuteeti bakananike mubili wa Jesu.2Mujunzoonza loko lye Nsunda, nilyakaandula zuba bakanyamuka kuya kucuumbwe.3Kabacili munzila balikuyoobubuzyana kuteeti, “Ngwani utikatukunkulisizye bbwe kuzwa amulyango wecuumbwe?” Balikubuzyanya namu kaambo bbwe lyali pati loko. Mpoonyina bakalanga okubona kuteeti lyalikunkulisidwe kale.5Bakanjila mucuumbwe okujana musyimani walikukede kululyo, wazweete jansi lituba buu! Mpoonyina bakayoowa okukomokwa loko.6We wakateeti, “Mutayoowi! Ndilizi mulangoola Jesu woku Nazaleta wakakankaminwa. Tawo kuno, wabusigwa. Amubone, aawa pubali kumubikide.7Iino kamuya mukaambile Pita abasikwiiya bamwi kuteeti, ulikunembo lyenu uyoobuya ku Galileya, komutikamubonene mboonyina mbuli mbwakamwaambila.”8Bakazwa kucuumbwe kabayoobuzuza oku kabatuntuma okuyoowa. Kaambo kobuyoofu taakwe ngubakaambila zili zyoonse. 9Mujunzoonza mu Nsondo naakabusigwa kuzwa kubafu Jesu wakasaanguna kudunukila Maliya Magadalena, ngwalinoonga watanda madimona aali ciloba mulinguwe. 10Maliya Magadalena wakainka kuyaambila beenzinyina ba Jesu balikuuside kabalila.11Kono nibakamumvwa kaamba kuteeti wamubona Jesu muumi, taakwe nibakamusyoma.12Kuzwaawo Jesu wakadunukila basikwiiya bobile kabayoobuzwa mutaindi kuya mumiinzi, kono walikulibonya bumbi cokuteeti taakwe nibakamuziba.13Bakapiluka okuyoambila bamwi kono taakwe wakabasyoma.14Kumamanino Jesu wakadunukila basikwiiya bali kumi awomwi kabalya. Wakabapatookela kaambo kokubula lusyomo okuyuma mitwe kaambo taakwe nibakabasyoma aabo bakamubona kabukide kuzwa kubafu.15Mpoonyina wakabaambila kuteeti, “Kamuya mukakambooke makani mubotu kubantu boonse, nyika yoonse.16Kufumbwa utaakasyome okubbabbatizigwa uyofutulwa, ape kufumbwa uutakasyomi uyoopegwa mulandu.17Basyomi bayoopegwa nguzu zyokucita maleele, bayotanda madimona muzina lyangu, bayoamboola misyobo njebatazi,18bayoobweza nzoka okunywa zijaya kono taziyobajayi, bayoobika maanza aabo abaciswa mpoonyina bayoopona.”19Mwami Jesu naakamanisya kwaamboola abo, wakatolwa kujulu okuyookala kubbazu lyobulemu lyolulyo lwa Leza.20Mpoonyina basikwiiya bakainka okuyookambooka koonse-koonse, ape Mwami wakabeleka abo okutondezya kuteeti zibalikukambooka zyanconzyo kwiinda mumaleele alikucitika.9Banakazi bakainka kuyoopandulwida Pita abenzinyina mubufwiifwi zyoonse zibakaambilwa.10Kuzwaawo kwiinda muli basikwiiya, Jesu wakatuma mulumbe uusalala wolufutuko uutamani nyika yoonse.
The Seed Company