MAAKO14
1Iino kwasyeede feela mazuba obile kuteeti mukiti we Pasika Ecinkwa Citakwe Mumena ube. Bapaizi basilutwe abamayi bo Mulawo balikuyandoola nzila yokwaanga Jesu cokusisilikizya okumujaya.2Kono bakaamba kuteeti, “Tutaciti namu nako yomukiti, kaambo bantu inga batulwana.”3Jesu wali mu Bbetaniya kungʼanda ya Saimoni mwaalumi walikunoonga waciswa cinsenda. Jesu naali kulya, kwakanjila mwanakazi walikujesi isanzi yakapangwa ebbwe lya alabbasita yalikuzwide mafuta aanunkilila aadula loko akapangidwe anadi yeni-yeni. Wakatyola nsingo yensazi okutila mafuta aaya amutwe wa Jesu.4Bamwi bantu baliko bakanyema mpoonyina bakaambilana kuteeti, “Ino usinyweeda nzi mafuta aaya?5Kambe auzigwa mali eensiliva ainda myaanda yotatwe kuteegwa kaapegwa bapenzi.” Mpoonyina bakamupatookela obi mwanakazi ooyu.6Kono Jesu wakateeti, “Amumuleke! Ino mumukatazizya nzi? Wandicitila cilikabotu.7Ede bapenzi banooli andinwe lyoonse cokuteeti kufumbwa pumwayandila inga mwabagwasya, kono tandinooli andinwe lyoonse.8Wacita caalikukonzya. Watila mafuta amubili wangu kuubambila kuzikwa.9Nconzyo ndamwaambila kuteeti, kufumbwa aaya Makani Mabotu kwayokambookwa nyika yoonse, eeci caacita ooyu mwanakazi aco cinoambwa mukuyeeya nguwe.”10Mpoonyina Judasi Isikaliyoti, umwi wabasikwiiya bali kumi abobile, wakaya kubapaizi basilutwe kuteeti akamvwanaabo mbwatakaabe Jesu kulibo.11Bakabotelwa loko ezyakaamba, okumusyomezya kuteeti balamupa mali. Mpoonyina Judasi wakatalika kuyandoola nako mbotu cokwaaba Jesu.12Mubuzuba bokusaanguna bo Mukiti we Cinkwa Citakwe Mumena, buzuba mbelele zyokulya a Pasika nizyalikujaigwa. Basikwiiya ba Jesu bakamubuzya kuteeti, “Ino kookuli koyanda kuteeti tukaakubambile zilyo zye Pasika?”13Mpoonyina Jesu wakatuma bobile babo okubaambila kuteeti, “Kamuya mutaindi pati, muyooswaanwa omwaalumi uyumwine nongo mpati yamaanzi. Mumucilile14omo mungʼanda mwatikanjiile. Mpoonyina mukaambile beni ngʼanda kuteeti, ‘Mwiiyi wesu ubuzya kuteeti, Moomuli monditilide Pasika abasikwiiya bangu?’15Mpoonyina ulamutondezya ngʼanda mpati iili mujulu, ibambidwe kale. Mukatubambile nkuko zyokulya.”16Basikwiiya bakanyamuka, okwiinka kutaindi pati. Bakakujana zyoonse zili mbuli mbwakaamba Jesu. Mpoonyina bakabamba zyokulya zye Pasika.17Kujolezya, Jesu wakasika abasikwiiya bakwe bali kumi abobile kuya kungʼanda.18Nibali kulya atafule, wakateeti, “Nconzyo ndamwaambila kuteeti, omwi alindinywe ulandaaba, umwi uulimukulya andime.”19Basikwiiya bakwe bakalimvwa oobi okutalika kumubuzya umwi oumwi kuteeti, “Ndime na?”20Jesu wakateeti, “Umwi alindinywe nomulikumi abobile, uulimukusunsa andime cinkwa mumukeke omwi.21Mwanoo Muntu uyoofwa mbuli mbokulembedwe mumalembe, kono maawe kulooyo mwaalumi utakamwaabe. Nicakabota kambe naatakazyalwa feela!”22Nibalikulya, Jesu wakabweza cinkwa okucikomoona, wakalumba Leza okupa basikwiiya bakwe okuteeti, “Amubweze, ooyu mubili wangu.”23Amane wakabweza nkomoki yawaini, wakalumba Leza okubatambika njiyo, mpoonyina boonse bakanywa mwateni.24Jesu wakateeti, “Eeli ndigazi lyangu lyatililwa banji ape Leza ndyatabelesye kupanga cizuminano abantu.25Nconzyo ndimwaambila kuteeti siyounwi ape musinza womunsaansa, aati buzuba mbondiyonywa mupya mu Bwami bwa Leza.”26Mpoonyina bakaimba lwiimbo okuya kucilundu ca Oliva.27Jesu wakabaambila kuteeti, “Noonse muyoocija okundisiya mbuli Leza mbwakaamba Mumalembo kuteeti, ‘Ndizojaya mweembezi mpoonyina mbelele zizoosabalanganizigwa.’28Kono ndaakubusigwa, ndiyoomibeelela kwiinka ku Galileya.”29Pita wakataba kuteeti, “Mebo siyookusiyi naanga boonse bazookusiye!”30Jesu wakaambila Pita kuteeti, “Ndikwaambila nconzyo, muzingili katana kukukuluka ziindi zyobile masiku eesunu, unooli wandikaka ziindi zyotatwe.”31Mane we naakazumanana kutaba cenguzu kateeti, “Siyoambi kwateni zilinamu, nakufwa inga ndafwa feela ayibo.”
Abasikwiiya bamwi boonse bakaamba mbwenya namu.32Kuzwaawo bakeza mumuunda we Getisimani, mpoonyina Jesu wakaambila basikwiiya bakwe kuteeti, “Amukale aawa nendicikomba.”33Mpoonyina wakatolelezya Pita, Jemusi o Joni. Aleeyo nako wakatalika kulimvwa kupenga okuyoowa loko,34okubaambila kuteeti, “Aano ndiluuside loko kumoyo mane mbuli kuteeti ndandoofwa. Amusyaale aawa kamulanga.”35Wakainka anembo aniini okulifusila aansi, mpoonyina wakakomba kuteeti na cilakonzyeka, ataindi mwateni muciindi camapenzi.36Wakakomba kuteeti, “Tata, Tata, zintu zyoonse zilakonzyeka kulindiwe. Igwisye eeyi nkomoki yamapenzi alindime. Kono luyando lwako alucitike, kutali luyando lwangu.”37Mpoonyina wakapiluka okujana aaba basikwiiya botatwe baloona. Wakabuzya Pita kuteeti, “Saimoni, uloona na? Wakacilwa kuteeti kolanga naanga kwewoola lyomwi feela na?38Kamulanga okupaila kuteegwa mutawidi mumasunko. Muuya ulayanda kono mubili uligonkedwe.”39Naakamana kwaamba namu wakapiluka kuyookomba ape, okuyoloolola majwi ngenya ngaalikwaambide.40Mpoonyina wakapiluka kuli basikwiiya bakwe okujana balimungʼonzi ape, tabacilikukonzya okulanga. Mpoonyina bakabula cokutamizya.41Mpoonyina wakainka kuyookomba katatu. Naakapiluka wakababuzya kuteeti, “Mucilede okupumuna na? Moona kwamana! Nako yasika! Amubone, Mwanoo Muntu wandooabwa mumaanza aaba sizibi.42Amunyamuke! Tutalikizye! Amubone! Ngooyu mwaalumi sikundaaba.”43Jesu naacili kwaamboola kwakasika Judasi, umwi wabasikwiiya bakwe bali kumi abobile. Wakeza edwi lyabantu balikuyumwide masabule amakoli. Bakatumwa abapaizi basilutwe, abamayi bo Mulawo, abamaalu.44Iino Judasi sikumwaaba wakapa bantu aaba citondezyo cokuteeti: “Mwaalumi ngonditimyonte ngonguwe ngomuyanda. Mumujate okumumamela mwanoyobumutola.”45Naakasika feela Judasi, wakainka kuli Jesu okuteeti, “Omwiiyi!” Okumumyoonta.46Mpoonyina bakazoomujata Jesu okumwaanga.47Kono umwi wabasikwiiya bakwe wakaimvwi afwi wakagwisya sabule okutema kutimbula kutwi ko muzike wo Mupaizi mupati.48Mpoonyina Jesu wakateeti, “Ino muzidaanzi amasabule a makoli mbulikuteeti mwaza kuzojata cigebenga?49Buzuba obuzuba ndalaandinywe kandiisya mulabba lye Ngʼanda ya Leza, kono taakwe nimwakandaanga. Iino caba namu kuzuzikizya Malembo.”50Mpoonyina boonse basikwiiya bakwe bakacija okumusiya.51Umwi musyimani walikuyoobucilila Jesu kazweete feela mulebbo. Bakasola kumujata,52kono wakabasupuka okubasiya omulebbo mumaanza okuzuza katazweete.53Mpoonyina Jesu wakatolwa ku ngʼanda yo Mupaizi Mupati, kwalikubungene Bapaizi basilutwe, bamaalu a bamayi bo Mulawo.54Pita walikuyoobucilila aleele mpoonyina wakanjila mulabba lye ngʼanda yo Mupaizi Mupati okukala abalindizi kabayota mulilo.55Bapaizi basilutwe abasololi Benkuta Mpati yaba Juda boonse bakasola kulangoola bumboni bokujailawo Jesu, kono taakwe mbubakajana.56Bakamboni banji bakamubejekezya kono zibalikwaamba tiizyalikweendelana.57Mpoonyina baalumi bamwi bakanyamuka okumutamizya kuteeti,58“Twakamumvwa, kaamba kuteeti, ‘Eeyi Ngʼanda ya Leza yakapangwa abantu ndiyoimwacoola mpoonyina kwainda mazuba otatwe ndizoyaka imwi yatakapangwa abantu.’”59Abo aaba taakwe nibwakeendelana bumboni bwabo.60Mpoonyina Mupaizi Mupati wakaima kunembo lyabo boonse okubuzya Jesu kuteeti, “Totabi ali zyebalimukukutamikizya na?”61Kono Jesu wakaumuna feela, taakwe zyakataba. Mpoonyina Mupaizi Mupati ape wakamubuzya kuteeti, “Ino ndiwe Mesiya Mwanaa Leza ulelekedwe na?”62Jesu wakataba kuteeti, “Ndendime. Noonse muzomubona Mwanoo Muntu kakede kululyo lwa Leza Singuzu ape kayoobuza amayoba okujulu!” 63Mpoonyina mupaizi Mupati wakayawoola zizwaato zyakwe okuteeti, “Tatuciyandi bambi bakamboni!64Mwamumvwa mbwaasampoola Leza. Ino muyeeyawo buti?”
Boonse bakateeti, “Ajaigwe kaambo uloomulandu.”65Bamwi bakatalika kumuswida okumuvumba kumenso okumuuma kabateeti, “Sinsima, ngwani wakuuma?” Ape balindizi bakamubweza okumukambaika.66Iino Pita naacili kukede mulabba lye ngʼanda yo Mupaizi Mupati, umwi mwanakazi mubelesi wooyo Mupaizi wakeza.67Naakabona Pita kayota mulilo, wakamulangisisya okwaamba kuteeti, “Ayebo waloo Jesu, uulya mwaalumi woku Nazaleta.”68Kono wakakaka okutaba kuteeti, “Tandimwizi ape tandizi ezyolimukwaamba.” Mpoonyina wakazwa okwiinka kumanjililo eelabba. Mpoonyina aawo muzingili wakakukuluka.69Mpoonyina ooyo mubelesi wakamubona ape, okunoindulula kwaambila bantu balikwiimvwi ambali kuteeti, “Ooyu nguumwi wabo.”70Kono Pita wakakaka ape.
Nikwakainda kaindi, balikwiimvwi aambali bakamwaambila kuteeti, “Tokonzyi kukaka kuteeti uli umwi wabo kaambo ayebo uliwoku Galileya.” 71Mpoonyina Pita wakakonka kuteeti, “Leza andipe cisubulo na ndilabeja. Tandimwizi ooyo mwaalumi ngomwaamba.”72Mpoonyinaawo muzingili wakakukuluka lwabili. Mpoonyina Pita wakayeeya zyakamwaambila Jesu kuteeti, “Muzingili kautana kukukuluka ziindi zyobile, uyoondikaka ziindi zyotatwe.” Mpoonyina wakagonkelwa okulila.
Abasikwiiya bamwi boonse bakaamba mbwenya namu.32Kuzwaawo bakeza mumuunda we Getisimani, mpoonyina Jesu wakaambila basikwiiya bakwe kuteeti, “Amukale aawa nendicikomba.”33Mpoonyina wakatolelezya Pita, Jemusi o Joni. Aleeyo nako wakatalika kulimvwa kupenga okuyoowa loko,34okubaambila kuteeti, “Aano ndiluuside loko kumoyo mane mbuli kuteeti ndandoofwa. Amusyaale aawa kamulanga.”35Wakainka anembo aniini okulifusila aansi, mpoonyina wakakomba kuteeti na cilakonzyeka, ataindi mwateni muciindi camapenzi.36Wakakomba kuteeti, “Tata, Tata, zintu zyoonse zilakonzyeka kulindiwe. Igwisye eeyi nkomoki yamapenzi alindime. Kono luyando lwako alucitike, kutali luyando lwangu.”37Mpoonyina wakapiluka okujana aaba basikwiiya botatwe baloona. Wakabuzya Pita kuteeti, “Saimoni, uloona na? Wakacilwa kuteeti kolanga naanga kwewoola lyomwi feela na?38Kamulanga okupaila kuteegwa mutawidi mumasunko. Muuya ulayanda kono mubili uligonkedwe.”39Naakamana kwaamba namu wakapiluka kuyookomba ape, okuyoloolola majwi ngenya ngaalikwaambide.40Mpoonyina wakapiluka kuli basikwiiya bakwe okujana balimungʼonzi ape, tabacilikukonzya okulanga. Mpoonyina bakabula cokutamizya.41Mpoonyina wakainka kuyookomba katatu. Naakapiluka wakababuzya kuteeti, “Mucilede okupumuna na? Moona kwamana! Nako yasika! Amubone, Mwanoo Muntu wandooabwa mumaanza aaba sizibi.42Amunyamuke! Tutalikizye! Amubone! Ngooyu mwaalumi sikundaaba.”43Jesu naacili kwaamboola kwakasika Judasi, umwi wabasikwiiya bakwe bali kumi abobile. Wakeza edwi lyabantu balikuyumwide masabule amakoli. Bakatumwa abapaizi basilutwe, abamayi bo Mulawo, abamaalu.44Iino Judasi sikumwaaba wakapa bantu aaba citondezyo cokuteeti: “Mwaalumi ngonditimyonte ngonguwe ngomuyanda. Mumujate okumumamela mwanoyobumutola.”45Naakasika feela Judasi, wakainka kuli Jesu okuteeti, “Omwiiyi!” Okumumyoonta.46Mpoonyina bakazoomujata Jesu okumwaanga.47Kono umwi wabasikwiiya bakwe wakaimvwi afwi wakagwisya sabule okutema kutimbula kutwi ko muzike wo Mupaizi mupati.48Mpoonyina Jesu wakateeti, “Ino muzidaanzi amasabule a makoli mbulikuteeti mwaza kuzojata cigebenga?49Buzuba obuzuba ndalaandinywe kandiisya mulabba lye Ngʼanda ya Leza, kono taakwe nimwakandaanga. Iino caba namu kuzuzikizya Malembo.”50Mpoonyina boonse basikwiiya bakwe bakacija okumusiya.51Umwi musyimani walikuyoobucilila Jesu kazweete feela mulebbo. Bakasola kumujata,52kono wakabasupuka okubasiya omulebbo mumaanza okuzuza katazweete.53Mpoonyina Jesu wakatolwa ku ngʼanda yo Mupaizi Mupati, kwalikubungene Bapaizi basilutwe, bamaalu a bamayi bo Mulawo.54Pita walikuyoobucilila aleele mpoonyina wakanjila mulabba lye ngʼanda yo Mupaizi Mupati okukala abalindizi kabayota mulilo.55Bapaizi basilutwe abasololi Benkuta Mpati yaba Juda boonse bakasola kulangoola bumboni bokujailawo Jesu, kono taakwe mbubakajana.56Bakamboni banji bakamubejekezya kono zibalikwaamba tiizyalikweendelana.57Mpoonyina baalumi bamwi bakanyamuka okumutamizya kuteeti,58“Twakamumvwa, kaamba kuteeti, ‘Eeyi Ngʼanda ya Leza yakapangwa abantu ndiyoimwacoola mpoonyina kwainda mazuba otatwe ndizoyaka imwi yatakapangwa abantu.’”59Abo aaba taakwe nibwakeendelana bumboni bwabo.60Mpoonyina Mupaizi Mupati wakaima kunembo lyabo boonse okubuzya Jesu kuteeti, “Totabi ali zyebalimukukutamikizya na?”61Kono Jesu wakaumuna feela, taakwe zyakataba. Mpoonyina Mupaizi Mupati ape wakamubuzya kuteeti, “Ino ndiwe Mesiya Mwanaa Leza ulelekedwe na?”62Jesu wakataba kuteeti, “Ndendime. Noonse muzomubona Mwanoo Muntu kakede kululyo lwa Leza Singuzu ape kayoobuza amayoba okujulu!” 63Mpoonyina mupaizi Mupati wakayawoola zizwaato zyakwe okuteeti, “Tatuciyandi bambi bakamboni!64Mwamumvwa mbwaasampoola Leza. Ino muyeeyawo buti?”
Boonse bakateeti, “Ajaigwe kaambo uloomulandu.”65Bamwi bakatalika kumuswida okumuvumba kumenso okumuuma kabateeti, “Sinsima, ngwani wakuuma?” Ape balindizi bakamubweza okumukambaika.66Iino Pita naacili kukede mulabba lye ngʼanda yo Mupaizi Mupati, umwi mwanakazi mubelesi wooyo Mupaizi wakeza.67Naakabona Pita kayota mulilo, wakamulangisisya okwaamba kuteeti, “Ayebo waloo Jesu, uulya mwaalumi woku Nazaleta.”68Kono wakakaka okutaba kuteeti, “Tandimwizi ape tandizi ezyolimukwaamba.” Mpoonyina wakazwa okwiinka kumanjililo eelabba. Mpoonyina aawo muzingili wakakukuluka.69Mpoonyina ooyo mubelesi wakamubona ape, okunoindulula kwaambila bantu balikwiimvwi ambali kuteeti, “Ooyu nguumwi wabo.”70Kono Pita wakakaka ape.
Nikwakainda kaindi, balikwiimvwi aambali bakamwaambila kuteeti, “Tokonzyi kukaka kuteeti uli umwi wabo kaambo ayebo uliwoku Galileya.” 71Mpoonyina Pita wakakonka kuteeti, “Leza andipe cisubulo na ndilabeja. Tandimwizi ooyo mwaalumi ngomwaamba.”72Mpoonyinaawo muzingili wakakukuluka lwabili. Mpoonyina Pita wakayeeya zyakamwaambila Jesu kuteeti, “Muzingili kautana kukukuluka ziindi zyobile, uyoondikaka ziindi zyotatwe.” Mpoonyina wakagonkelwa okulila.
The Seed Company