LUKA24
1Mujunzoonza loko lye Nsunda, banakazi bakainka ku cuumbwe ca Jesu, kabayumwide mafuta anunkilila ngibakabambide.2Bakajana bbwe lyakajalisidwe acuumbwe lyakunkulisigwa kuzwa amulyango,Cuumbwe cijesi cijazyo cebbwe3mpoonyina bakanjila mucuumbwe kono taakwe nibakaujana mutunta wo Mwami Jesu.4Bakaima fateni kabakatazidwe kaambo keeci. Mpoonya-mpoonya bakabona baalumi bobile bazweete zizwaato zimweka, kabaimvwi kumbali lyabo.5Aaba banakazi kabayoowede loko bakalanga ansi okukotama. Mpoonyina bamaalumi bakabuzya kuteeti, “Niinzi nimuyandoola muumi akati kabafu?6Tawo kuno, wabusigwa kuzwa kubafu. Amuyeeye zyaakamwaambila naacili mu Galileya zyokuteeti,7‘Mwanoo Muntu weelede kwaabwa kuli basizibi, okukankaminwa aciingano okubuka mubuzuba bwatatu.’”8Mpoonyina banakazi bakaayeya majwaakwe,9bakazwa kucuumbwe okupiluka, okuyaambila basikwiiya bali kumi aomwi abamwi boonse zyoonse zyakacitika.10Aabo banakazi bali ba Maliya Magadalena, Johana o Maliya banyina Jemusi, bo abamwi banakazi mbibalaabo, bakaambila baapositola eezi zintu.11Kono baapositola taakwe nibakasyoma, kaambo bakayeeya kuteeti zyobakaamba banakazi zyobufuba-fuba.12Kono Pita wakanyamuka okuzuzila ku cuumbwe. Naakasika wakakotama okubona feela sila mwakavungailidwe mutunta kakutakwe cilimwateni. Mpoonyina wakapiluka kungʼanda kakomokidwe zyakacitika.13Mubuzuba oobo mboonyina, basikwiiya bobile balikuyoobuya kumuunzi wiitwa kuteeti Emasi. Kuzwa ku Jelusalemu kuya ku Emasi kakali kasinzo keendwa mawoola obile.14Nibalikuyoobweenda, balikuyoobwaamboozyanya zyoonse zyakacitika.15Nibalikuyoobwaamboozyanya, Jesu lwakwe wakaswena afwiifwi okutalika kweenda abo.16Bakamubona kono taakwe nibakamuziba kuteeti na ngwani.17Mpoonyina Jesu wakababuzya kuteeti, “Ino makani nzi ngomuyobwaamboola nomuyoobweenda?”
Bakaima nji, kabauside ameenso.18Umwi wabo, walikwiitwa kuteeti Kilewopasi wakamubuzya kuteeti, “Ino ndiwe mweenzu olike mu Jelusalemu utezi zyalikucitika kwateni mumazuba maniini ainda?”19Mpoonyina Jesu wakabuzya kuteeti, “Zintuunzi eezyo?”
Bakamutaba kuteeti, “Zintu zyakacitika kuli Jesu woku Nazaleta. Ooyu mwaalumi walimusinsimi mupati ape walisinguzu loko muzintu zyaali kwaamba okucita ape walikukutekwa o Leza abantu boonse.20Bapaizi basilutwe abasololi besu bakamwaaba kuteeti akaatulwe kujaigwa. Mpoonyina bakamukankamina aciingano.21Kono twasyomede kuteeti nguutikonzye kulukulula Izilaili! Kutali feela eeci, iino oobu mbuzuba bwatatu kazicitikide eezi.22Mpoonyina ape bamwi banakazi bembunga yesu batukomosya. Kubucedo bainkide kucuumbwe,23kono taakwe nibaujana mutunta wa Jesu. Bapiluka okwaamba kuteeti babona cilengaano cabangelo babaambila kuteeti Jesu muumi.24Mpoonyina bamwi besu baliinkide kucuumbwe, okuyoojana nconzyo mboonyina mbubaamba banakazi, kono taakwe nibamubona.”25Mpoonyina Jesu wakabaambila kuteeti, “Mulibafuba-fuba balibuti, mucedwa buti kusyoma zyoonse basinsimi zibakaamba!26Ino ticalikweelela Mesiya kupenga namu okunjile mubulemu bwakwe na?”27Mpoonyina Jesu wakabapandulwida zyalikwaambwa zyakwe mumalembe oonse, kutalikila kumalembe a Mozesi abasinsimi boonse.28Nibakasika afwiifwi omuunzi kubali kwiinka, Jesu wakacita mbuli kuteeti walikwiindilila,29kono bakamukumbila kabateeti, “Kala aswibo, kaambo zuba lyainka kulazwa kwasiya.” Mpoonyina wakanjila kukalaabo.30Wakakala ansi kuteegwa alyaabo, wakabweza cinkwa okulumba, mpoonyina wakacikomoona okubapa.31Mpoonyinaawo menso aabo akajuka, bakamuziba, kono wakazimaana, taakwe nibakamubona ape.32Mpoonyina bakabuzyanya kuteeti, “Ede kwalimbuli mulilo uuyaka muzyamba zyesu naalikwaamboola aswibo munzila okutupandulwida malembe?”33Mpoonyinaawo bakanyamuka okupiluka ku Jelusalemu kubakaakujana basikwiiya bali kumi aomwi kababungene abamwi.34Aaba babungene bakaamba kuteeti, “Nconzyo Mwami wabuka! Wabonekela kuli Saimoni!”35Mpoonyina aaba bobile bakapandulula zyakacitika munzila yo ku Emasi ape ombubakamuziba Mwami naakakomona cinkwa.36Aba bobile nibacili kwaambila beenzinyina makani aaya, Jesu lwakwe wakadunuka akati kabo okubaambila kuteeti, “Luumuno lube andinywe.”37Kono bakatilimuka okuyoowa loko okuyeeya kuteeti mweendi babona saku.38Kono we wakabaambila kuteeti, “Niinzi cimwayoowa namu? Kaamboonzi nimuzumboozya mumyoyo yenu?39Amulange maanzaangu ezituta zyangu, kuteegwa musyome kuteeti ndime. Amundijate, mubone kuteeti tandili saku, kaambo masaku taajesi nyama amafuwa mbulindime mbomundibwene mbondizijesi.”40Naakamana kwaamba namu, wakabatondezya maanzaakwe ezituta zyakwe.41Nekuba namu taakwe nibakasyoma kaambo baliboteledwe loko okukomokwa. Mpoonyina Jesu wakababuzya kuteeti, “Ino mulijesi cokulyaawa na?”42Bakamupa cipaanzi censwi iyokedwe,43wakacitambula okucilya kabalangilide.44Mpoonyina wakabaambila kuteeti, “Eezi zezizyo zindali kumwaambila aalya nindacilaandinywe, kuteeti zyoonse zilembedwe zyaamba ndime mu Mulawo wa Mozesi, omumalembe aabasinsimi, omuntembauzyo, zyeelede kuteeti zizuzikizigwe.”45Mpoonyina wakabagwasya kumvwisisisya Malembo caamba,46okubaambila kuteeti, “Eeci cecilembedwe kuteeti, Mesiya weelede kupenga, kufwa okubuka kuzwa kubafu mubuzuba bwatatu,47ape muzina lyakwe makani aakweempwa okulekelelwa zibi akambookwe kubantu bemisyobo yoonse, kutalikila mu Jelusalemu.48Nywebo ndinywe bakamboni bezintu eezi.49Mpoonyina mebo ndiyoomutumina Muuya Uusalala Tata ngwaakasyomezya. Kono mweelede kuteeti kamukede mutaindi pati muno mane kusikila mukatambule nguzu zizwa kujulu.”50Mpoonyina Jesu wakabasolwedela kuzwa mutaindi pati kuya kumuunzi wa Bbeteniya. Nibakaakusika ooko, Jesu wakanyamuna maanzaakwe okubaleleka.51Kacibaleleka namu, wakazwa alimbabo mpoonyina wakatolwa kujulu.52Bo, bakamukomba mpoonyina bakapilukila ku Jelusalemu kababoteledwe loko.53Nako yoonse bali mulabba lye Ngʼanda ya Leza kabalumbaizya Leza.
Bakaima nji, kabauside ameenso.18Umwi wabo, walikwiitwa kuteeti Kilewopasi wakamubuzya kuteeti, “Ino ndiwe mweenzu olike mu Jelusalemu utezi zyalikucitika kwateni mumazuba maniini ainda?”19Mpoonyina Jesu wakabuzya kuteeti, “Zintuunzi eezyo?”
Bakamutaba kuteeti, “Zintu zyakacitika kuli Jesu woku Nazaleta. Ooyu mwaalumi walimusinsimi mupati ape walisinguzu loko muzintu zyaali kwaamba okucita ape walikukutekwa o Leza abantu boonse.20Bapaizi basilutwe abasololi besu bakamwaaba kuteeti akaatulwe kujaigwa. Mpoonyina bakamukankamina aciingano.21Kono twasyomede kuteeti nguutikonzye kulukulula Izilaili! Kutali feela eeci, iino oobu mbuzuba bwatatu kazicitikide eezi.22Mpoonyina ape bamwi banakazi bembunga yesu batukomosya. Kubucedo bainkide kucuumbwe,23kono taakwe nibaujana mutunta wa Jesu. Bapiluka okwaamba kuteeti babona cilengaano cabangelo babaambila kuteeti Jesu muumi.24Mpoonyina bamwi besu baliinkide kucuumbwe, okuyoojana nconzyo mboonyina mbubaamba banakazi, kono taakwe nibamubona.”25Mpoonyina Jesu wakabaambila kuteeti, “Mulibafuba-fuba balibuti, mucedwa buti kusyoma zyoonse basinsimi zibakaamba!26Ino ticalikweelela Mesiya kupenga namu okunjile mubulemu bwakwe na?”27Mpoonyina Jesu wakabapandulwida zyalikwaambwa zyakwe mumalembe oonse, kutalikila kumalembe a Mozesi abasinsimi boonse.28Nibakasika afwiifwi omuunzi kubali kwiinka, Jesu wakacita mbuli kuteeti walikwiindilila,29kono bakamukumbila kabateeti, “Kala aswibo, kaambo zuba lyainka kulazwa kwasiya.” Mpoonyina wakanjila kukalaabo.30Wakakala ansi kuteegwa alyaabo, wakabweza cinkwa okulumba, mpoonyina wakacikomoona okubapa.31Mpoonyinaawo menso aabo akajuka, bakamuziba, kono wakazimaana, taakwe nibakamubona ape.32Mpoonyina bakabuzyanya kuteeti, “Ede kwalimbuli mulilo uuyaka muzyamba zyesu naalikwaamboola aswibo munzila okutupandulwida malembe?”33Mpoonyinaawo bakanyamuka okupiluka ku Jelusalemu kubakaakujana basikwiiya bali kumi aomwi kababungene abamwi.34Aaba babungene bakaamba kuteeti, “Nconzyo Mwami wabuka! Wabonekela kuli Saimoni!”35Mpoonyina aaba bobile bakapandulula zyakacitika munzila yo ku Emasi ape ombubakamuziba Mwami naakakomona cinkwa.36Aba bobile nibacili kwaambila beenzinyina makani aaya, Jesu lwakwe wakadunuka akati kabo okubaambila kuteeti, “Luumuno lube andinywe.”37Kono bakatilimuka okuyoowa loko okuyeeya kuteeti mweendi babona saku.38Kono we wakabaambila kuteeti, “Niinzi cimwayoowa namu? Kaamboonzi nimuzumboozya mumyoyo yenu?39Amulange maanzaangu ezituta zyangu, kuteegwa musyome kuteeti ndime. Amundijate, mubone kuteeti tandili saku, kaambo masaku taajesi nyama amafuwa mbulindime mbomundibwene mbondizijesi.”40Naakamana kwaamba namu, wakabatondezya maanzaakwe ezituta zyakwe.41Nekuba namu taakwe nibakasyoma kaambo baliboteledwe loko okukomokwa. Mpoonyina Jesu wakababuzya kuteeti, “Ino mulijesi cokulyaawa na?”42Bakamupa cipaanzi censwi iyokedwe,43wakacitambula okucilya kabalangilide.44Mpoonyina wakabaambila kuteeti, “Eezi zezizyo zindali kumwaambila aalya nindacilaandinywe, kuteeti zyoonse zilembedwe zyaamba ndime mu Mulawo wa Mozesi, omumalembe aabasinsimi, omuntembauzyo, zyeelede kuteeti zizuzikizigwe.”45Mpoonyina wakabagwasya kumvwisisisya Malembo caamba,46okubaambila kuteeti, “Eeci cecilembedwe kuteeti, Mesiya weelede kupenga, kufwa okubuka kuzwa kubafu mubuzuba bwatatu,47ape muzina lyakwe makani aakweempwa okulekelelwa zibi akambookwe kubantu bemisyobo yoonse, kutalikila mu Jelusalemu.48Nywebo ndinywe bakamboni bezintu eezi.49Mpoonyina mebo ndiyoomutumina Muuya Uusalala Tata ngwaakasyomezya. Kono mweelede kuteeti kamukede mutaindi pati muno mane kusikila mukatambule nguzu zizwa kujulu.”50Mpoonyina Jesu wakabasolwedela kuzwa mutaindi pati kuya kumuunzi wa Bbeteniya. Nibakaakusika ooko, Jesu wakanyamuna maanzaakwe okubaleleka.51Kacibaleleka namu, wakazwa alimbabo mpoonyina wakatolwa kujulu.52Bo, bakamukomba mpoonyina bakapilukila ku Jelusalemu kababoteledwe loko.53Nako yoonse bali mulabba lye Ngʼanda ya Leza kabalumbaizya Leza.
The Seed Company