Misebezi ya Baapositola8
1Ooyu Saulu waluumwi wabakamboni ape wakazumina kuteeti bamujaye Sitivini. Saulu Wapenzya Mbungano
Mubuzuba buya mbobuzuba mapenzi mapati okulwaanisya mbungano mu Jelusalemu naakatalika. Basyomi boonse bakamwaikila muzilalaanda zyoonse zya Judiya o Samaliya kunze lya Baapositola.2Bamwi baalumi balyaabide kuli Leza bakaakumuzika Sitivini, okoongoolola kumulila.3Kono Saulu eeyi nako wakasola kumwayoola mbungano, okwaabunjila ngʼanda e ngʼanda kukwelaanya baalumi abanakazi okubasowela muntolongo.4Iino aabo basyomi bakasabalangene bakakambooka Makani Mabotu kufumbwa ooko kubakainka.5We Filipo wakainka mutaindi pati lyomu Samaliya kayoobubakambookela zya Mesiya.6Iino bantu banji bakabikila maano loko kulizyaalikwaamba Filipo nibakamvwa zyaalikwaamba okubona zitondezyo zyamaleele ngaakacita.7Myuuya mibi yakazwa mubantu banji kaikwiila loko, ape abantu banji bayuminide mibili ezilema zinji bakaponisigwa.8Mpoonyina kwakaba kubotelwa loko mutaindi eelyo.9Iino mutaindi eelyo mwali mwaalumi walikwiitwa kuteeti Saimoni. Walikukomosyaanga bantu bomu Samaliya amasalamusaakwe, okulidundaizya kuteeti walimupati.10Bantu boonse bomutaindi kutalikila kubantu feela kusikila kubolupati-pati balikumubikila maano loko, okumwaamba kuteeti, “Ooyu mwaalumi nenguzu zya Leza ziitwa kuteeti, ‘Nguzu Zipati.’”11Balikumubikilaanga maano loko kaambo kweciindi cilamfwu walikubakomosya amasalamusaakwe.12Kono nibakasyoma kukambooka kwa Filipo kwa Makani Mabotu o Bwami bwa Leza o Jesu Kilisitu, bakabbabbatizigwa, baalumi abanakazi.13Anguwe Saimoni lwakwe wakasyoma okubbabbatizigwa. Mpoonyina wakatalika kujanika o Filipo. Saimoni wakakomokwa loko naakabona zitondezyo zyamaleele emisebezi mipati njaakacita Filipo.14Iino Baapositola mu Jelusalemu nibakamvwa kuteeti bana Samaliya batambula jwi lya Leza, bakatuma Pita o Joni kulimbabo.15Nibakasika bakakombela basyomi kuteegwa batambule Muuya Uusalala,16kaambo akati kabo taakwe watambwide kale Muuya Uusalala. Babbabbatizidwe feela muzina lyo Mwami Jesu.17Mpoonyina Pita o Joni bakatandabika maanza aabo abana Samaliya, kumane bakatambula Muuya Uusalala.18Iino Saimoni naakabona kuteeti Muuya Uusalala wapegwa kwiindila mukubika maanza kwaabaapositola kubasyomi, wakabasyomezya mali19okwaamba kuteeti, “Amundipe amebo nguzu eezi kuteegwa kufumbwa ngonditakatandabike maanza akatambule Muuya Uusalala.”20Kono Pita wakamutaba kuteeti, “Ukaandooke amalaako, kaambo uyeeyaanga inga waula cipego ca Leza amali!21Tokwe lubazu naanga caabilo muleeci, kaambo moyo wako tuululeme kuli Leza.22Weelede kweempwa kuzibi zyako eezi ape ukombe ku Mwami mweendi ulakulekelela mizeezo iili mumoyo wako.23Ndibwene kuteeti uzwide munyono ape ulimwaange we cibi.”24Kono Saimoni wakaambila Pita o Joni kuteeti, “Amundikombele ku Mwami kuteegwa kutandicitikili naanga comwi aleezi zimwaamba.”25Pita o Joni nibakamana kupa bumboni okukambooka ijwi lyo Mwami kubantu bomu Samaliya, bakapiluka ku Jelusalemu. Nibalikuyoobupiluka, balikuyoobukambooka Makani Mabotu mumiinzi minji yomu Samaliya.26Iino mungelo wa Leza wakaambila Filipo kuteeti, “Nyamuka, koya kumusanza munzila yiinda munkanda izwa ku Jelusalemu kuya ku Gaza.”27Mpoonyina Filipo wakanyamuka okwiinka. Munzila wakajana muzibe muna Itiyopiya wolupati-pati wali muyobozi wo lubono lo mwami mwanakazi Kandake woku Itiyopiya.Filipo o Muzibe Muna Itiyopiya Walikuzwa ku Jelusalemu kukukomba28kayoobupiluka kungʼanda yakwe. Walikede mungolovani yakwe kayoobubala mubbuku lyomunsinsimi Izaya.29Mpoonyina Muuya Uusalala wakaambila Filipo kuteeti, “Swenaafwiifwi engolovani iilya weende aayo.”30Cokufwambaana Filipo wakazuzila afwiifwi engolovani okumvwooyu muzibe kabala mubbuku lyomusinsimi Izaya. Mpoonyina wakamubuzya kuteeti, “Ino ulizimwvide cezyaamba zyolimukubala na?”31Muzibe wakateeti, “Nee! Tandikonzya kumvwisisisya aati umwi andipandulwide.” Mpoonyina wakatamba Filipo kuteeti atante mungolovani bakale limwi.32Kampango kamalembo kaali kubala kaaka,“Wakatolwa mbuli mbelele iitolwa kukujaigwa.Ape waluumwine mbuli kana kembelele katalili kanoogelwa boya,taakwe naakagwisya jwi neliba lyomwi.33Wakapenzegwa ape taakwe nakaatulwa mbokweelede.Ngwani uyoolupandulula lunyungu lwakwe,kaambo buumi bwakwe bwakagwisigwa anyikaano.”34Mpoonyina muzibe wakabuzya Filipo kuteeti, “Ndaambile, ino musinsimi walikwaamba ni? Walikulyaamba lwakwe na walikwaamba muntuumbi?”35Mpoonyina Filipo wakatalika akampango nkoonyinaaka kumwaambila Makani Mabotu aa Jesu.36Nibacili kuyoobuya, bakajana cibaka cajesi maanzi mpoonyina muzibe wakabuzya Filipo kuteeti, “Ede maanzi ngaaya. Ino niinzi cikonzya kukasya kuteeti ndibbabbatizigwe?”37[Filipo wakateeti kulinguwe, “Inga wabbabbatizigwa na wasyoma omoyo wako woonse.” Muzibe wakataba kuteeti, “Iiyi ndilasyoma kuteeti Jesu Kilisitu Mwanaa Leza.”] 38Muzibe wakalailila kuteeti ngolovani iimikwe, bamane bakaseluka okunjila mumaanzi mpoonyina Filipo wakabbabbatizya muzibe.39Nibakazwa feela mumaanzi, Muuya wo Mwami wakamutola Filipo. Muzibe taakwe nakamubona ape, kono wakaindilizya omusinzo wakwe kaboteledwe.40Mpoonyina Filipo wakaakulijana kutaindi lya Azotasi. Wakeenda kayoobukambooka mumataindi oonse mane kusikila kutaindi lya Sizeliya.
Mubuzuba buya mbobuzuba mapenzi mapati okulwaanisya mbungano mu Jelusalemu naakatalika. Basyomi boonse bakamwaikila muzilalaanda zyoonse zya Judiya o Samaliya kunze lya Baapositola.2Bamwi baalumi balyaabide kuli Leza bakaakumuzika Sitivini, okoongoolola kumulila.3Kono Saulu eeyi nako wakasola kumwayoola mbungano, okwaabunjila ngʼanda e ngʼanda kukwelaanya baalumi abanakazi okubasowela muntolongo.4Iino aabo basyomi bakasabalangene bakakambooka Makani Mabotu kufumbwa ooko kubakainka.5We Filipo wakainka mutaindi pati lyomu Samaliya kayoobubakambookela zya Mesiya.6Iino bantu banji bakabikila maano loko kulizyaalikwaamba Filipo nibakamvwa zyaalikwaamba okubona zitondezyo zyamaleele ngaakacita.7Myuuya mibi yakazwa mubantu banji kaikwiila loko, ape abantu banji bayuminide mibili ezilema zinji bakaponisigwa.8Mpoonyina kwakaba kubotelwa loko mutaindi eelyo.9Iino mutaindi eelyo mwali mwaalumi walikwiitwa kuteeti Saimoni. Walikukomosyaanga bantu bomu Samaliya amasalamusaakwe, okulidundaizya kuteeti walimupati.10Bantu boonse bomutaindi kutalikila kubantu feela kusikila kubolupati-pati balikumubikila maano loko, okumwaamba kuteeti, “Ooyu mwaalumi nenguzu zya Leza ziitwa kuteeti, ‘Nguzu Zipati.’”11Balikumubikilaanga maano loko kaambo kweciindi cilamfwu walikubakomosya amasalamusaakwe.12Kono nibakasyoma kukambooka kwa Filipo kwa Makani Mabotu o Bwami bwa Leza o Jesu Kilisitu, bakabbabbatizigwa, baalumi abanakazi.13Anguwe Saimoni lwakwe wakasyoma okubbabbatizigwa. Mpoonyina wakatalika kujanika o Filipo. Saimoni wakakomokwa loko naakabona zitondezyo zyamaleele emisebezi mipati njaakacita Filipo.14Iino Baapositola mu Jelusalemu nibakamvwa kuteeti bana Samaliya batambula jwi lya Leza, bakatuma Pita o Joni kulimbabo.15Nibakasika bakakombela basyomi kuteegwa batambule Muuya Uusalala,16kaambo akati kabo taakwe watambwide kale Muuya Uusalala. Babbabbatizidwe feela muzina lyo Mwami Jesu.17Mpoonyina Pita o Joni bakatandabika maanza aabo abana Samaliya, kumane bakatambula Muuya Uusalala.18Iino Saimoni naakabona kuteeti Muuya Uusalala wapegwa kwiindila mukubika maanza kwaabaapositola kubasyomi, wakabasyomezya mali19okwaamba kuteeti, “Amundipe amebo nguzu eezi kuteegwa kufumbwa ngonditakatandabike maanza akatambule Muuya Uusalala.”20Kono Pita wakamutaba kuteeti, “Ukaandooke amalaako, kaambo uyeeyaanga inga waula cipego ca Leza amali!21Tokwe lubazu naanga caabilo muleeci, kaambo moyo wako tuululeme kuli Leza.22Weelede kweempwa kuzibi zyako eezi ape ukombe ku Mwami mweendi ulakulekelela mizeezo iili mumoyo wako.23Ndibwene kuteeti uzwide munyono ape ulimwaange we cibi.”24Kono Saimoni wakaambila Pita o Joni kuteeti, “Amundikombele ku Mwami kuteegwa kutandicitikili naanga comwi aleezi zimwaamba.”25Pita o Joni nibakamana kupa bumboni okukambooka ijwi lyo Mwami kubantu bomu Samaliya, bakapiluka ku Jelusalemu. Nibalikuyoobupiluka, balikuyoobukambooka Makani Mabotu mumiinzi minji yomu Samaliya.26Iino mungelo wa Leza wakaambila Filipo kuteeti, “Nyamuka, koya kumusanza munzila yiinda munkanda izwa ku Jelusalemu kuya ku Gaza.”27Mpoonyina Filipo wakanyamuka okwiinka. Munzila wakajana muzibe muna Itiyopiya wolupati-pati wali muyobozi wo lubono lo mwami mwanakazi Kandake woku Itiyopiya.Filipo o Muzibe Muna Itiyopiya Walikuzwa ku Jelusalemu kukukomba28kayoobupiluka kungʼanda yakwe. Walikede mungolovani yakwe kayoobubala mubbuku lyomunsinsimi Izaya.29Mpoonyina Muuya Uusalala wakaambila Filipo kuteeti, “Swenaafwiifwi engolovani iilya weende aayo.”30Cokufwambaana Filipo wakazuzila afwiifwi engolovani okumvwooyu muzibe kabala mubbuku lyomusinsimi Izaya. Mpoonyina wakamubuzya kuteeti, “Ino ulizimwvide cezyaamba zyolimukubala na?”31Muzibe wakateeti, “Nee! Tandikonzya kumvwisisisya aati umwi andipandulwide.” Mpoonyina wakatamba Filipo kuteeti atante mungolovani bakale limwi.32Kampango kamalembo kaali kubala kaaka,“Wakatolwa mbuli mbelele iitolwa kukujaigwa.Ape waluumwine mbuli kana kembelele katalili kanoogelwa boya,taakwe naakagwisya jwi neliba lyomwi.33Wakapenzegwa ape taakwe nakaatulwa mbokweelede.Ngwani uyoolupandulula lunyungu lwakwe,kaambo buumi bwakwe bwakagwisigwa anyikaano.”34Mpoonyina muzibe wakabuzya Filipo kuteeti, “Ndaambile, ino musinsimi walikwaamba ni? Walikulyaamba lwakwe na walikwaamba muntuumbi?”35Mpoonyina Filipo wakatalika akampango nkoonyinaaka kumwaambila Makani Mabotu aa Jesu.36Nibacili kuyoobuya, bakajana cibaka cajesi maanzi mpoonyina muzibe wakabuzya Filipo kuteeti, “Ede maanzi ngaaya. Ino niinzi cikonzya kukasya kuteeti ndibbabbatizigwe?”37[Filipo wakateeti kulinguwe, “Inga wabbabbatizigwa na wasyoma omoyo wako woonse.” Muzibe wakataba kuteeti, “Iiyi ndilasyoma kuteeti Jesu Kilisitu Mwanaa Leza.”] 38Muzibe wakalailila kuteeti ngolovani iimikwe, bamane bakaseluka okunjila mumaanzi mpoonyina Filipo wakabbabbatizya muzibe.39Nibakazwa feela mumaanzi, Muuya wo Mwami wakamutola Filipo. Muzibe taakwe nakamubona ape, kono wakaindilizya omusinzo wakwe kaboteledwe.40Mpoonyina Filipo wakaakulijana kutaindi lya Azotasi. Wakeenda kayoobukambooka mumataindi oonse mane kusikila kutaindi lya Sizeliya.
The Seed Company