Misebezi ya Baapositola28
1Nitwakaakusika ankomwe kabotu-kabotu, pepawo nitwakaziba kuteeti tuli ansumbu ya Melita.2Bantu bookuya bali kabotu loko, bakatutambula kabotu cokuteeti mane bakatukutwida mulilo ngutwakatalika kuyota kaambo kwali kutontola okuwa mvula.3Mpoonyina Paulu wakatalika kubwezelela nkuni okuzibika amulilo kono kaambo kokupya muya munkuni zyaakabika amulilo Paulu, kwakazwa cipile okumulamatila kujanza okumuluma.4Bantu booko nibakabona nzoka kailengelela kujanza lyakwe, bakaamboozyanya kabateeti, “Taakwe okuzumboozya, ooyu mwaalumi mujayi. Nekuba kuteeti wafutuka kuzwa mulwizi kono leza wesu wecanakazi uuteegwa Bululami takomuleka kuteeti apone.”5Kono Paulu wakiisansila mumulilo nzoka mpoonyina taakwe naakacisigwa.6Bantu balikulindila kuteeti azimbe naanga kuwa okufwa mpoonya-mpoonya. Kono nibakabona kuteeti kwainda nako ndamfu kakutakwe cibi cicitika, bakasandula mizeezo yabo okwaamba kuteeti, “Ooyu ngu leza!”7Kweenda-enda feela aniini kuzwaawo putwali kuyotela mulilo, yalimyuunda ya Pabbuliyasi ooyo wakali ngomupati wensumbu eeyo. Wakatutamba kuyoopota kungʼanda yakwe. Twakaba beenzu bakwe kwamazuba otatwe ape wakatubamba kabotu.8Iino baisi Pabbuliyasi balilede mubulo, balikuciswa kupiya mubili akalowa-lowa. Mpoonyina Paulu wakanjila mungʼanda mubakalede okubakombela okubabika maanza akwe mpoonyina wakabaponya.9Iino eeci nicakacitka, bantu baansumbu boonse balikuciswa bakeza mpoonyina bakaponesegwa.10Mpoonyina bakatutondezya likute munzila zinji. Kumane nitwalikulibambila kwiinka omugolo, bantu bakatupa zyoonse zyalikuyandika mumusinzo.11Iino nikwakainda myeezi yotatwe twakanyamuka omugolo mupati woku Alekizandiliya, walikujesi cifwaninikiso caba leza bamayanga kunembo. Mugolo mupati ooyu wakakede munsumbu eeyi nako yempeyo yoonse.12Twakasika mutaindi pati lya Silakuse okukala mwateni kwamazuba otatwe.13Kuzwa ooko twakazumanana mane twakaakusika mutandi pati lya Legiyamu. Buzuba bwakacilila guwo lyakabbubbula kuzwa kumusanza, mpoonyina mubuzuba bwabili twakeza ku taindi lya Puteyoli, kuwakamanina musinzo wesu womumaanzi.14Twakaakujana kwateni basyomi aabo bakatutamba kuteeti tukale ambabo kwensunda yomwe, mpoonyina twakazumanana amaulu kwiinka ku Loma.15Basyomi bomu Loma nibakamvwa kuteeti tuyoobuza, bakeza kutaindi liitwa kuteeti Misika yoku Apiyasi eimwi iteegwa Maanda Ookulida Otatwe kuzootucingoozya. Paulu naakababona wakalumba Leza mpoonyina wakakulwaizigwa loko.16Nitwakasika mu Loma, Paulu wakazumizigwa kulikalila kono kalindililwa osilumamba.17Nikwakainda mazuba otatwe, Paulu wakaita basololi ba Majuda bomu Loma kuteeti baswaangane. Nibakaswaagana wakabaambila kuteeti, “Nobazyalwama, nekuteegwa taakwe cindakababisizya bantu besu naanga kucizo cakatusiila basikale besu, Majuda bakandijata mu Jelusalemu okundaaba mumaanza aaba Loma.18Nibakamana kundibuzya-buzya, Maloma balikuyanda kundilukulula kaambo bakajana kuteeti taakwe cindakalubizizye cokuteeti mane inga bandijaya.19Kono Majuda nibakakazya, cakandisungilizya kukumbila kuteeti ndizoozekesegwe kuli Kaisala nekuba kuteeti taakwe cindakabatamizya bantu besu.20Cecico eeco cindamwiitila kuteeti twaamboole. Nconzyo ndilimumaceeni namu kaambo kooyo bana Izilaili ngobalangila.”21Bakaambila Paulu kuteeti, “Taakwe lugwalo ndutwakatambula kuzwa ku Judiya lujatikizya ndiwe ape taakwe bantu besu bakazwa kwateni bakatwaambila makani mabi aajatikizya ndiwe.22Kono inga twayanda kuteeti tumvwe mboyeeya yebo kaambo tulizi kuteeti koonse feela bantu baamba zibi akabunga aaka kozulilwa.”23Bakapanga buzuba bokuteeti bazooswaangane antoomwi. Mpoonyina bantu bakeza mubunji ooko kucibaka Paulu kwaali kukala. Kuzwa kuseeni kusikila masiku Paulu wakabalungulwida zintu zinji okupa bumboni bo Bwami bwa Leza. Wakasola kubacita kuteeti bazumine muli Jesu kwiinda mumulawo wa Mozesi amalembo aabasinsimi.24Bamwi bakazulwa okuzumina zyaakaamba, kono bamwi bakakaka kusyoma.25Mpoonyina bakazwa kabateendelene mulicabo, Paulu naakamana kwaamba eeci cintu comwi kateeti, “Ano Muuya Uusalala wakaamba kabotu kuli basikale benu kwiindila mumusinsimi Izaya,26naakateeti,‘Koya kubantu aaba ukabaambile kuteeti, kuswiilizya,munooswiilizya kono tamunoomvwisisisyiape kulanga munoolanga kono tamunooboni,27kaambo myoyo yaaba bantu miyumu,ape matwi aabo bakaasinkaamenso aabo bakaajala.Kambe menso aabo alikubona,amatwi aabo alikumvwaape emyoyo yabo yalikumvwisisisyinibakonzya kusandukila kulindime mpoonyinanindabaponya.’”28Ape Paulu wakamanisya kateeti, “Mweelede kuziba kuteeti oolu lufutuko luzwa kuli Leza lwatumwa okuli Bamasi. Mpoonyina bayoolutambula.”29[Paulu naakamana kwaamba eeci, Majuda bakazwa kabayoobukazyanya yacinkalu-nkalu muli cabo.] 30Kwemyaaka yobile, Paulu wakakala mungʼanda njaalikulibbadelela ape walikutambula bantu boonse balikumupotela.31Wakakambooka zyo Bwami bwa Leza okwiisya zyo Mwami Jesu Kilisitu, kaamboola obusicamba cokwaanguluka.
The Seed Company