Wadaddiit Luúkaam3

1Amqil xatte, Budtrus wa Yuxanna asikka haykal laqargo qalaw waanna salaat saaqat salas xagho addihir.2Wa sab inaas min mawalladu xankiish inde raffaqo matsáw wa itta maátey La Girrum litbahal karawu. Wa amqilka ittu karriwu qalaw minna la haykal laáattu sadaghat igil lidtlab.3Wa waan Budtrus wa Yuxanna inlaáttu raá igil lissaddagho ittu ramghayom.4Wa Budtrus it gats ganxayu wa kimsalhuma Yuxanna. Wa xare Budtrus beyalu, “Ginxanna!”5Ka la inaas baal habayom gale igil lirkab minnom inlisé.
6Wa xare Budtrus, “Ana dahab aw fiddat alabye laakiin la biyetu haybaka. Ib simet Yasoq Al Masex la Naasiri, herir!”7Ib maanu inde nasáyu sandayu wa agiidaay qaghaabba inaas wa la ghalaccimu tarradat.8Wa kartaf wada wa heraar astabda. Wa xare baakom la haykal ata inde leherir wa sarrir wa Rabbi inde laxammid.9Wa killom laleherir wa Rabbi laxammid raáwu.10Wa la remghaay la xankiish la itta maátey La Girrum la dolka liríwu qalaw kim tu waan alelaw, tfaajaw wa barayid gabáw.
11Wa diibba ghaaqatta haykal la ib Ghaaqat Sulemaan titáammar, la inaas kab ibulom inintu, bizxaam ib shafaag matsáw wa tkallalawu kabar gaabáam inintom.12Wa Budtrus illi dolat raá belayom, “Shaqab Israíil yahaw, illi mihu faajékkum wa igil mi tfazzuna kim xina ib xiilatna wa taghwatna illi inaas atherarna?13Rabbi Ibraahiim wa Rabbi Isxaagh wa Yaqghub, Rabbi abawna killom tu la igil kedmaayu Yasoq jah amtsaá. Yasoq la intim it ide karekumu wa ghadam Bilaadtos tbarrákum minu Bilaadtus igil lidtallighghu ghirrur ma min laqale.14Dtalughgha ghiddus wa la saalex abekum wa ib kilaafu dtalughgha ghetlaay dtalabkum.15Intim haaybaay xayot amutkum wa Rabbi min mot qaghnatsayu wa xina ibbilla amaan inshihid.16Illi inaas ib amiin ib Yasoq tshaffa wa intim kafo miskun kim qala taámro. Amiin ib simet Yasoq ib qintaatkum ingannixiwu qaafayu.
17Dtarna, intim wa merxatkum it Yasoq la wadekumu kim figgariit ghiwet qala ammir.18Minnaata Rabbi killom la nabyaat la alhamayu asfa, la Masex illa jirab igil liré kim qala ilu.19Ka gidim min zinubkum tobu wa it Rabbi qaghbilo zinubkum igil titnexe20wa min Rabbi Molaayna awghaat faraj matstsaákkum ib laákot Yasoq Al Masex asikkum ib xadiis la badiir xarayu ikkum.21La Masex diib sama igil litsnax laazim tu asikka waghit la kil sanaq sanne ittu laákkil kimma min badiir badayir ib gabey nabyaatu la ghiddusaam waqada ibba.22Ajil Musa bela, ‘Rabbi Molaaykum min shaqab noskum nabi kimsaleye igil libqas ikkum tu igilla liblakkum tu killu lib kiraw.23Wa la lib la iilahayibbu min shaqabu litnattaf.’
24Ib amaan ma, killom la nabyaat la min Samuíl wa insar la hallaw ib illi waghit tnabbaáw.25Intim wersatta nabyaat wa la galad la Rabbi misil abawkum qaghdayu intim. Igil Ibraahiim belayu, ‘Ib gabey talakka shiqubba iddinya killa igil titbaarak tu.’ 26Rabbi waan kedmaayu baqasa ib salif itkum laákayu igil libaarkakkum ib baliis ayikumka min shiruru.”

Summer Institute of Linguistics Ethiopia

https://app.library.bible/content/9497b5e348514f38