Wadaddiit Luúkaam25
1Xagho salas amqil min mitsát Fastus asikka mudiriyat, Ghaysariiya xadga wa asik Orshaliim qaghlola.2Wa ken la ruásaala kahana wa merxatta Yahud daqaawihom did Bulis ghaddamaw ilu3inlitxassobu Bulis igil laáttamtsí asik Orshaliim kim fadil ajlom jallaab itta gabey kamiin widtdtuyaam ilu qalaw igil lightolu.4Fastus laata balsa ittom, “Bulis diib Ghaysariiya tsibudt halla wa ana noshshe it bagaayid igil igiissa tu.”5Wa belayom, “Sab gatskum misilye liddaraw ikkum wa didda inaas daqaawi min bom lirfiqiwa.6Wa xagho samaan aw qasir miqil xaalafa baakom, asik Ghaysariiya darra wa itta amqil la asara magassey xikim tsabdta wa ib attamtsaót Bulis ammara.7Bulis waan matsá la merxat la Yahud la min Orshaliim tkallalawu wa ib tiham bizxit wa kadtiirat tahamawu wa igil laásbuta iighadraw.8Wa Bulis la daqaawi tbarra, “Ana didda shariiqat la Yahudiyat aw didda haykal aw didda xikumat la Romaaniyat yaájramko,” inlibil.9Wa xare Fastus la Yahud igil laáfte saálayu, “Asik Orshaliim igil taqaghole raadi inta it xidurye igil titxaakam?”10Minnaata Bulis balsa, “Abajá! Illa maxkamatta Rumaan la rasmiyat ta, sababu insar igil itxaakam halla iyye. Inta sanni wa amaan taámmir ana la Yahud kim yaázeko.11Mot la laáttastihil min iwadde, mot yaábbe. Min tissarar, oro xagh alabu it ide illi sab igil likrenni. Sababu asikka Ghaysar astaánif!12Fastus xagho itta amir misil mekratu shora balsa, “Sanni sana. Inta asikka Ghaysar astaánafka wa asikka Ghaysar igil tigiis tu!”13Wa xagho amqelaat, Malik Aghriibaas wa Barniiki asik Ghaysariiya matsáw Fastus igil lizzaayaraw.14Wa ken amqilotaat ib widyatom Fastus ghadiyat Bulis zakra igilla malik wa bela, “Insar inaas Filiiksa sijun inintu la xadgayu halla.15Wa diib Orshaliim inana, la ruásaala kahana wa sabba gatstsa Yahud diddu daqaawi rafqaw wa igil adiinnu dtalbaw minye.16Ka balasko ittom ghaanunna Rumaaniyiin nafar iilaxaakim la mattihimatu inde iilitwaajah wa bakit difaaq it nafsu inde iilithayabbu.17Ka dolat mattihimatu insar matsáw la ghadiyat yaájjalkowa wa itta amqil la asara jalsat wadeko wa ib attamtsaót Bulis ammarko.18Laakiin la mattihimatu waan waajhawu la tihamom diddu minna jaraayim la ila tsabbarko iigaát.19Bidaalu misil jadal diib diinom wa misil inaas maayit Yasoq la litbahal la Bulis kim xiyaay halla laásarrir.20Wa mabaggasi la ibbu xabre irakkib kim saánko, saálkowu asik Orshaliim igil ligiis wa diiba igil litxaakam miraad min bu.21Laakiin Bulis ghadiyatu la Imbiraadtor igil laátadtfaxa trajja. Ka igil litqaghghab ammarko asik asikka Ghaysar inaddú litghaddaranni.”22Xaghohu Aghriibaas igil Fastus belayu, “La inaas noshshe igil ismuqu xazze halleko.” Ka balsa ittu, “Fangox sammuqu.”23Wa itta amqil la asara, Aghriibaas wa Barniiki matsáw wa ib ixtifaal faawish tkabbatawom wa ghaaqatta simmaq ataw misilla merxatta desh la ritabom qaalyat wa wijaha la madiinat. Wa Fastus ib attamtsaót Bulis ammara.24Wa bela, “Malik Aghriibaas wa kilkum la xaadraam hallekum, illi inaas tiríwu hallekum la shaqabba Yahud killu diib Orshaliim wa insar diib Ghaysariiya shakayu ichche wa, “Igil limbar alabu,” inde liblo anaadhaw.25Wa ana widiit mot taáttabtsex iirakabko ittu. Laakiin asikka Imbiraadtor ajil astaánafa, asik Roma igil ilákku gharrarko.26Laakiin igilla Jalaalatta Malik amir mimuy ib kisusu la ikatibbu alabye. Sababu ghadam kilkum xaadarkowu ib fintuy ghadameka Malik Aghriibaas kim figgariit illi taxarri la ikattibbu lahalle iyye.27Sabab sijun tihimatu inde iititxaddad igil litlaák min qaghil iimaslanni.”
Summer Institute of Linguistics Ethiopia