Wadaddiit Luúkaam23
1Bulis shimuy la Majlis fadtna wa bela, “Xawye yahaw, asik yom ib damiir xiyaay nabarko ghadam Rabbi.”2Ka Xanaanya riíssa kahana la jafar Bulis baadtraam qalaw ammara it afhu igil lidtfiquwu.3Xare Bulis belayu, “Rabbi igil lidtfaqka tu, inta ghabir tsaqada mirrug. Inta mi ghaadi inta? Inta la noska la ghaanun tkayid ib dtafqiye ib ammarotka.”4Wa la jafar Bulis baadtraam qalaw belawu, “Mi tu la kaahin Rabbi la qaali atqayireka?”5Ka Bulis balsa ittom, “Xawye itássaf, la riíssa kahana kim tu iifahamko, jalliib la Kitaab libil, “Did ayi min xikkaamka ib shar igil tithaage alabka.” 6Wa Bulis galella Majlis Saddughiyiin kim qalaw wa galehu Farriisiyiin aamara. Ka bela ib wighul, “Xawye, ana Farrisi wad Farrisi ana. Ib sabab saáyob diib baqas min mot itxaakam halleko.”7Waan illi bela, finge la Farriisiyiin wa la Saddughiyiin kilaaf laqa wa la xaadraam tkaafalaw.8(La Saddughiyiin xagho mot baqas yahalla wa malaíkat wa arwaax yahallet liblo qalaw laakiin la Farriisiyiin ibbilli killu laámno qalaw.)9Ka judtat saamqat tkokasat wa gale minna qilamala shariiqat la Farriisiyiin qalaw ghantsaw wa ib sidud tkaxadaw wa belaw, “Ittilli inaas ghaladt iirakabna. Kafo tu rox aw maláak huguyu min laqale?”10Wa la kilaaf marra taxashkaba. Sababu la ghaayid Bulis igil iilissaadtar sagá. Ka la desh ammara igil liddarre wa ib xilat igil linsú minnom wa asikka xaamyat igil laámtsúwu.11Wa la laali la asara, Molaay ghirub Bulis badtra wa belayu, “Simínna ikka. Kimma diib Orshaliim, bardu diib Roma igil tishhad iyye bika.”12Wa fajrata la Yahud muámarat qaghdaw wa it nafsom billaq wa siito xarramaw asik Bulis iighatlaw.13Min qarbaqa inaas wa laqal diibba muámarat shaarakaw.14Asikka ruásaala kahana wa sabba gats gesaw wa belawom, “It nafisna billaq wa sittaay xarramna asik Bulis iighatalna.15Ka intim wa la Majlis minna ghaayid Bulis ghadamkum igil laxaadir dtilabo ib mismisa maqlumat biqidat ghadiyatu igil taqacru. Wa xina duluyaam hallena insar inde iibatstsex igil nightallu.”16Laakiin wad xit Bulis xiin ibbilla muámarat samqa asikka xaamyat gesa wa assaálayu.17Wa asaru Bulis orot minna merxaayya miít atlaaka wa belayu, “Illi mandalaay asikka ghaayid abtsuxu, kabar bu igilu.”18Ka asikka ghaayid amtsáyu wa ghaayidda miít bela, “Bulis la sijun laáka ichche wa illi mandalaay igil amtsaáka dtalba minye sabab la liblakka tu bu.”19La ghaayid la mandalaay ib idhu nasá wa shannaka ibbu wa saálayu, “Mi tu la ibbu taákabranni?”20Ka belayu, “La Yahud twaafaghaw fangox amtsoót Bulis ghadamma Majlis igil lidtlabo minka ib mismisa xaazi maqlumat biqidat ghadiyatu igil limemu.21Ka iitighbal minnom sabab millaqal qarbaqa minnom diib kamiin litstsabboro hallaw. It nafsom billaq wa sittaay xarramaw asik iighatlawu. Duluyaam hallaw, minka mawafaghat diib dtalabom litstsabbaro hallaw.”22Wa la ghaayid la mandalaay xazzara, “La ilu xabbarkanni, orot iitátámir ibbu,” inlibil. Wa xarteni agesayu.23Wa xare kilót minna ghiwaadda miítu tlaaka wa ammarayom, “Kilót miít jindi wa sabqa min firsaan wa kilé miít min sab kawanni addaalu asik Ghaysariiya igil ligiiso yom laali saaqat seq.24Wa igil Bulis matsaqan addaalu ib salaamatu Filiiksa la xaakim igil libtsax,” inlibil.25Wa xare asikka xaakim illi la talle jawaab katba:26“Salaam. Min Koludiyus Liisyaas asik Filiiksa la xaakim xaayis.27Illi inaas, la Yahud tsabdtawu wa igil lightolu ghaarbaam qalaw laakiin ib jinujje matsáko wa attakrekowu ajil kim mawaadtin Rumaani tu batsxenni.28Wa ajil mi kim tahamawu igil aamir xazeko ka asikka Majlisom amtsákowu.29Ka la tihimat kim ib ghadiyaat ib shariiqatom titqallagh kim ta batsxako wa jariimat sijin aw mot taábatsex kim alabu.30Wa xaariit jamaaqat minna Yahud muámarat diddu qaaghdaam kim qalaw tbayyana iyye ka agiid asikka nadákowu. Bardu la mattihimat ghadiyatom ghadamka igil likrawa ammarkowom.”31Ka la laali laha la jinud kimma taámmarawa Bulis asik Antibaatriis abtsaxaw.32Wa tsibbixiita asikka xaamyat qaghbalaw wa la firsaan asik Ghaysariiya nasáwu.33Waan Ghaysariiya batsxaw Bulis wa la jawaab Filiiksa la xaakim sallamaw.34Wa xagho gharáyu Bulis saála min aya mudiriyat kim tu. Wa Bulis, “Min Kiliikiya,” balsa ittu.35Ka belayu, “La ghadiyatka dolat mattihimatka matsaó igil iráya tu.” Wa Bulis diib ghasir Hirudos igil litqaghghab ammara.
Summer Institute of Linguistics Ethiopia