Liíkat Yuxanna la saalsayit1
1Minna baqalla gats asik Ghaayus la fituy la ib xaghighat ifattiyu.2Fituy mallahey, it ker igil tahalle wa qaafyat diib garob kimma diib rox hallekaaha itmanne ikka.3Marra tbassadtko dol gale emnat matsáw wa ib sabaatka diibba amaan wa sabaatta amaan diibka shahadaw.4Igilya illi latwaghala farax tu ib sabaat wilaajje diibba amaan ib samaqachche.5Fituy yaha, raqaayatka igilla xaw la diibba gishinnatka ib fintuy la gaana minnom, iklaaska igil Rabbi taáré.6Ib fittika la kaniisat assaálaw. Ka ib gabey la Rabbi taxabbin min saarxom laxayis.7Ajil jalla Rabbi saafro wa min yiémnat xabbat iilitkabbato.8Sababu xina nosna illom massil igil naxarrib bina, mislom kidmatta amaan igil nitxaawal.9Asikka kaniisat katabko laakiin Diiyutriifus, la ghadam igil lidur fatte, iilitkabbatanna.10Ka waan imatstsí, ibba la ilu wadde halla igil aré wa igil asmeq tu kim tiham baadtlat wa kabisat didna kokis halla. Illi ledta indeíge, kabtela maqallimiin la masaafrat laábbe. Wa fingehom wa fingela la igil lisdawom laxazzu gabbí wa minna kaniisat dtarriddom.11Fituy, shar iititxaagag, ker indeíko. Ker la wade, min Rabbi tu wa shar la wade, Rabbi iilaámmir.12Dimitriyus laata killu ib sin lishhid ilu wa la amaan nosa tishhid ilu. Wa xina ma inshihid ilu wa intim ib shahaadatna twasgho.13Yam alabu la iblaka tu biye laakiin ib ghalam wa xibir igil iktabbu yaxazze.14Saáyachche it shaafgat inde twaajhana igil ithaageka ta.15Salaam tibtsaxakka. La amallihiit la insar salaam nadó itka. La amallihiit la goka, inde sameka salaamna qabtsaxom.
Summer Institute of Linguistics Ethiopia