Koreeg nà moog‑e 48を読んでください。

Koreeg nà moog‑e48

¹É gara wag kuyjǐ‑i e koró Yusifən: “De ö baawan tir.” E waj èg jaalgeen inəgini Manasa èg Afrayim.²É gara kor əssǐ é Yagob iiŋ beessána ĩnə: “Jaa uun Yusif leeŋ dumuun duuŋ‑i,” e mənd e doos e ab aŋar‑ool.³Yagob e bee Yusifən: “Tel ná Segar‑e rimsə iiŋ é Luus é gaam Kanaan, e əild əəŋ⁴e bii'ə̃n: ‘Â bii'uugu ũg kuddu ũ əddə kaŋeeg eg talg. Â gəfũgun aldan nii jaalgeeg unugun ləŋ pad.’⁵Bare gəl jaalgeen unug nà taa dhaag kossána ũnu é Məsir bara a adǎn duuŋ‑i, Afrayim èg Manasa ê àa ənəgə‑i ar ná Rawbin èg Samoon təzíigǐ ənəgə‑i.⁶O kossô jaalgeen biig taan‑e ê àa unugi. Alda ná e bilíigǐ‑i ẽ adda é saag é Afrayim èg Manasa.⁷É gara a mərǐ é Baw é Aram‑e, Ra'eel e tir daana teed‑eelg é aldan é Kanaan. Aneenda a durin teed‑ɲiid dum é Afraata (ná ɲiləs Bet‑Laam‑e).”

⁸É gara Isrəil tursǐ jaalgeen é Yusif‑i e tisi: “Ŋənəəd nee?”⁹Yusifə e bee: “Jaalgeen nà Tel unsí aane egan nee.” Isrəil e bee: “Lee dega teerma ã əildə iiŋgə.”¹⁰Gəl Isrəil idigə bugə̌n turə wag əndəg wa. Aneenda Yusifə e jiwə jaalgeen teerma faan, faan e kuɲiigə dë bəwəg e bəgiigə dë kund.¹¹Isrəil e bee Yusifən: “A korǎn â tur uuŋ taan wa, bare Tel bijaan ã tursu uuŋ èg jaalgeen unugi.”¹²Aneenda Yusif e bəgiigə tui é faa luugu. Een e gurumĩnə tad.¹³Aneenda Yusif e doos e tal Afrayim dë aas koya dum é Isrəil aas mele, Manasan dë aas mele dum é Isrəil aas koya.¹⁴Gəl Isrəil e cirənd ë aas koyan e nəgi é Afrayim eel ma e taa jaa ɲaan‑e, e cirənd ë aas melen e nəgi é Manasa eel ma e taa jaa moog‑e.¹⁵Aneenda Isrəil e doos e əild Yusif iiŋ e bee: “Bii Tel ná dä baawaad Ibrəim èg Esaag dəwmə̌níigǐ, Tel ná den aan é andas əən kay ná a anǎn‑e ləŋ bare,¹⁶fəər ná fessé aan é jisig ë muug kay‑e bii ẽ əildə jaalge nà dhaag nee iiŋgə ẽ nagdâneega dä saag, èg saaga nà dä baawaad Ibrəim èg Esaag, ẽ koddo ẽ adda e talg əndəg addeeg‑oolo.”

¹⁷É gara Yusifə tursǐ faan nəgsǐ ë aas koyan é Afrayim eel‑e, kor e cagé wa. E bag faa ë aas e cəw ẽ mərrin é Manasa eel.¹⁸Yusif e bee faan: “Wa, ä baaw. Jaa é moogo nii. Naa ö aas koyan dë ool.”¹⁹Gəl faa e maa e bee: “Jaa əən, a ɲel. Ê aa kaŋ nà mada di. Gəl ë awlane ná ɲaan‑e ê kuyjǐ tuu ê aa maldag é kaŋeega.”²⁰É naanda naana Yagob e əildí iiŋgə e bii'ĩgən: “Jaalgeen é Isrəil ê tòron ö səyəgə é ɲam ẽ əildə jag iiŋg‑i e beên: ‘Bii Tel ẽ 'ədduugu ar Afrayim èg Manasan‑e.’ ” Aneenda enna 'təlldǐ Afrayim moog é Manasa‑muu‑i.²¹Gəl Isrəil e bee Yusifən: “A waja â tir, o de Tel ê raa èg doge ê pəd ugu é aldan ná dö baawaada.²²Fand uun madé bəidi ná dö golg‑e, a gəwsũn aldan ná weeda é Səkiim ná a massé gar é Amuuriig é temar əən èg raŋo‑e.”

Pioneer Bible Translators

https://app.library.bible/content/a230cccfbf4362be