Basahin ang Koreeg nà moog‑e 46

Koreeg nà moog‑e46

¹Aneenda Isrəil e məŋə e waj é jega kay nà bilǐ‑i. É gara cəggsǐ wag é Biir‑Saba‑e e jis hay Telan, Tel é faa iini Esaaga.²Tel e kor èg Isrəili caalg‑iilg é kaay e bii'ĩnə: “Yagob! Yagob!” Yagob e bee: “Aan nii.”³Tel e bee: “Aan Tela, Tel é faa uun. Ar u fiiní ná ũ wəjjǐ é Məsir‑i wa, de â 'əduun kaŋ mada‑e é wag naadi.⁴Aan â way èg doone é Məsir, â 'təndə̂nu te taan. De Yusifə eena ê sird udug‑i.”

⁵Gəl Yagob e waj tui é Biir‑Saba, jaalgeen inəgin e wəríigi o wàr jaalge iyəgin èg ozoog iyəgini é karogo nà Firuun cugǐ ẽ wardâneeg‑e.⁶Eg kaj lewdaga è kaaŋa iyəni ná bilə̌níigǐ é Kanaan‑e. Yagobo èg məyəd inəgini kay e wàj é Məsir.⁷E war dumuun é Məsirə jaalgeen inəgin èg məyəd inəgini kay èg deene.

⁸Jaalgeen é Isrəilə ë səyəgə nee nà wajjě é Məsir‑i: Rawbin jaa iini é moogo.⁹Jaalgeen é Rawbin: Anuuk, Faluu, Aaser èg Karmi.¹⁰Jaalgeen é Samoon: Yamuiil, Yamiin, Oowad, Yakiin, Soar èg Caa'ul jaan é odo ná Kanaani.¹¹Jaalgeen é Lawi: Jarcuun, Gaata èg Maraari.¹²Jaalgeen é Yəusə: Er, Onan, Cela, Faares, èg Saara (gəl Er èg Onane e tìr é Kanaan). Jaalgeen é Faares: Aaser èg Amuul.¹³Jaalgeen é Yasaakar: Tolaa, Fowwa, Yoob èg Camruun.¹⁴Jaalgeen é Sabulun: Saared, Elon èg Yaliil.¹⁵Jaalgeen é Liyan nà kussǐ Yagoban é Baw é Aram‑e egan nee, ɲen iini Dina tui. Jaalge inəgin nà fuuig‑i èg nà ɲeeg‑e taǎn 33 kay.

¹⁶Jaalgeen é Jaad: Sefoon, Ajii, Cunii, Asboon, Erii, Arudii èg Arilii.¹⁷Jaalgeen é Aciirə: Yamna, Yicwa, Yicwi èg Barii'a. Ëg yaazznen Sara. Jaalgeen é Barii'a: Aaber èg Malkiil.¹⁸Jaalge nee jaalge é Silfa nà kussǐ Yagoban‑e, ɲen ná Laban gəwsǐ Liyan dhəmdi. Ëg ŋəlgə kay taǎn əsəgdi èg nà thəldig.

¹⁹Jaalgeen é Ra'eel od é Yagobo: Yusif èg Benyamin.²⁰Asnaat ɲaa é Foti Faara seen é On ná jisə hayg‑e é Məsirə e koo Yusifən Manasa èg Afrayim.²¹Jaalgeen é Benyamin: Baala, Baakar, Acbiil, Jeera, Nomaan, Ey, Rooc, Mafiim, Ufiim èg Arad.²²Jaalge é Ra'eela nee nà kussǐ Yagoban‑e kay taa əsəgdi èg nà yəəsə.

²³Jaa é Dana: Uciim.²⁴Jaalgeen é Naftali: Yasiil, Junii, Yeser èg Cəliim.²⁵Jaalgeen nee jaalge é Bilan nà kussǐ Yagoban‑e, ɲen ná Laban gəwsí Ra'eelan dhəmdi. Ëg ŋəlgə kay taǎn idig dhaag.

²⁶Məyəd é Yagob nà wəjjǐ èg deene é Məsir‑i taǎn 66, ozoogo é jaalge iyəgin tui.²⁷Èg jaalge nà dhaag kossána Yusifən é Məsir‑i, jag é maag é Yagob nà wəjjǐ é Məsir‑i taǎn 70 kay.

²⁸Gəl Yagob e cug Yəusən é Yusif iiŋ dë muu ẽ rimdí teed ná aa é Jasaan‑e. É gara cəggsǐ wag é gaam Jasaan‑e,²⁹Yusifə e tif karo iini eela e waj é Jasaan ẽ muddu ë faa iini Isrəil iiŋ. É gara Yusif tursǐ faan iiŋ‑i e bəgi dë kund e ko əndəg.³⁰Isrəil e bee Yusifən: “Bare ä kund cuussu ma â tirí a tursu ü əəŋ dä idig u diní wag‑e.”

³¹Gəl Yusif e bee awleegen èg jag é maag dë baawane: “Â way ã korso Firuunən de ä awleeg è jag nà dä baaw nà anǎn é Kanaan‑e lii.³²Jag neen kasag é lewdag nà taw miəg‑i. Wəí é miəg iyəgin, əəriig, togo è wərí jeg kərdəŋ nà bilíigǐ‑i.³³Firuun e kossô doge e tisuugu: ‘Ɲiin ug ɲil é kazaamg‑e?’³⁴ug bii'ĩn: ‘ag 'nəəmdə̂n lewdag ləŋ ag ɲalgeeg ar äg baawaad‑e,’ de na bii'uugu ũg əddə é Jasaan é kora Məsiriigə ɲəmíigǐ kasag é lewdag wa‑e.”

Pioneer Bible Translators

https://app.library.bible/content/a230cccfbf4362be