Koreeg nà moog‑e19
1Fəəriig nà dhaag‑e e càgga wag é Sədumə é jiig, Lutu anǎn faa‑muug é Sədum. É gara tursiigǐn‑i, e doos taw e tal eel tad ẽ kuydiigə.2E bii'ĩgən: “Seeng ənəg, joo koydú teyag maa dhəm uyun. Cəgdə ü luugu. U nəgdə é kaay niinə. Gar ũ wəidə feed‑ool é teed uyun.”
Eg bee: “Wa, agâ naa duuriig é kaay niinə.”3Gəl e səjiigə əndəg ləŋ eg wəjjíigǐ èg deene teyag. E liwí'ĩgən namees e mada, bəuulg nà taa bara jəwd, eg naam.4Ar ẽ wàyda ẽ poolda tad‑e, jag fuuig kay é garga nà é gaam Sədum‑i, nà ɲalgeeg‑e èg nà faŋgee‑ne e tàb maaga é ceeg.5Eg tarb Lutu: “Jag fuuig nà lii ẽ nagda èg doone é kaay niin‑i da? Bəgə̃gəniigə tuu ag gawreega.”6Lutu e wajaga tuu ẽ muddí diiŋg e mur maaga ë muugu7e bee: “Wa, ä awleeg. Ar ugu jisú əniid wa.8Turdú, a bel əŋgə dhaag nà nagsa é jen fuui man é naand man wa‑e. Ba â bagâneega tuu ũgun ũ jiddə jin ná u ɲəm ũ jiddí èg deg‑e. Gəl ar ugu ləŵnú jag fuuig nee wa de jag nee siindəg ənəgə â bii jaam é ləwiigə wa.”9Eg bee: “Gal tui dä muugu. Oon nii wəən lii an dəlg nii u ɲam ũ ən daga kord‑ool! Agâ jisũn jisə ná ən bəidə ná ag jisĩgən‑i tuu.” E màg e maan dumuun é Lut iiŋ ar ẽ ɲammda kəŋi tad maag‑muug‑i.10Gəl jag fuuig nà dhaag‑e e bə̀rd isigə tuu e baga Lutu é ceeg e mùr wag.11Aneenda eg duund jag fuuigə idigə nà ɲalgeeg‑en èg nà faŋgee‑ne talla maag‑muug‑i. Anaanda gar ẽ turdu maag ë muugu wa.12Jag fuuig nà dhaag‑e e bèe Lutən: “U bil jaam taân te a? Ö amreega, jaalgeen unugu, ɲalg unugu war jaam man é gaam ni ná u biləsú‑in a? Wareega tui é gaam niinə13de agâ jədə gaam ni tad. Əniid é jag é gaam ni koyjo tuu é Məi Tel muu, de cuu'í aga ã jəddi.”14Enna Lutu wəjjí tuu kursí è amreegen nà ɲawsě əŋgə inəgii‑ni. E bii'ĩgən: “É raw gəldə tui te de Məi Tel waja ẽ jəddə gaam!” Gəl amreegen belǎn jen basar.15É gara wag fissǐ‑i, fəəriig nà dhaag‑e e bad kor é Lut iiŋ: “É raw! War od uunu èg əŋg unug nà taa dhaagee‑ne, ar ugu tir é kor é ruid é gaam.”16É gara Lutu ləzzǐ tuu é raw wa‑e, jag fuuigə e bàg Lutu è odene è əŋg inəgini nà dhaag‑e dë əsəg eg guudiniigə tuu é gaam naadinə é kora Məi Tel ŋuldǐ ë ŋəlg‑i.17É yaag ane é gara guwə̌ná ega tuu‑i, man e bii'ĩgən: “Gəldə, fiddə ü ŋəlgə! Ar ugu wiînú wag duuɲg wa, ar ugu rəúu gar man baw‑eelg te wa! Gəldə ləŋ gaamg‑uulg, ar e tirduugu!”18Gəl Lut e bii ĩgən: “Wa, jo seeng ənəg!19Dhəm uunu tursu é gara u jissǐ cuwəd‑i, u jissə̃n kora weed‑e ug guzzí ä ŋalg‑e. Gəl a gar ã gal gaamg uulg wa. Əniid nii ê gəmsə̂nan teed‑eelg, â tir.20Tur, gaam ná tall teerma ni a gar ã gal tu, de gaam ɲaana. Bii aan ã galda tu, gaam ni ɲaan é see wa wa? Ê godo ä ŋalga.”21Fəər e bii'ĩnə: “A guɲsu kora u məɲsǐ‑i. Â jədə gaam wa ná u rimsǐ.22Gal tu é raw, de â jis jeem wa ləŋ u cəggúg tu.” (Een ná nagsána gaam Sowar‑e.)23É gara Lutu cəggsǐ wag é Sowar‑e, tel e badaga tuu.24Aneenda Məi Tel e lud moo ar koyne e tala moon é Sədum èg Əmuuri.25E jəd gaamga èg jag nà àna tuuii‑ni é wageeg nà dë beɲaag‑e èg galaaga nà addeeg‑oolen‑e kay.26Gəl od é Lutu e wii wag deeɲj, e mər miid é bəz‑i.27Wag fissǐ‑in Ibrəim e doos feed‑ool e taa é wag ná rəgsǐ é Məi Tel muu‑i.28E wii wag dumuun tad é Sədum èg Əmuuri èg wageeg nà baw‑eelge. E tur ɲuud e dhuun dum taw ar kuwəni.29Aneenda é gara Tel jəssǐ gaamga nà baw‑eelg‑e, kor é Ibrəim e adaga deel, e godogo Lutu tuu é gaam ná ənə̌nǐ bara e jədi.30Lut naamǎnê kojone ná ẽ əddí é Sowar‑e e waj, een èg əŋg inəgin nà taa dhaagee‑ne, eg wàj tui e ada ab gaamg‑uulg é mumul baal‑eelg.31É naand man əŋə ná faan‑e e bee ná ɲaan‑en: “Äg baaw faŋassa o jen fuuin man dəəŋg te wa ná ẽ warda aga ã belda jaalgeeg‑e wa, ar ná jag kay wərəsíigǐ addeeg‑ool te.32Wəjí ã məddə äg baawn saa ẽ dawdê saane, aneenda ã nagda èg deene ar taaz muu ná däg baawn ê cii'í wa.”33É kaay naana eg məd faan saa, əŋə iinin ná faan‑e e wəjí e nəgí èg deene. War faan e ɲelda é gara əŋə iinin nəgsǐ èg deene war é gara duussǐ wa.34É naanda yaan əŋə ná faan‑e e bee ná ɲaan‑en: “Kaynd é kaay a nagsé èg dä baawne. Wəjí é kaay niinə ã məddin saa taan, ũ wəjə ũ nəgə èg deene ar taaz muu ná däg baaw ê cii'í wa.”35É kaay naana eg məd faan iyənin saa, əŋə ná ɲaan‑e e wəjí e nəgí èg deene, war faan e ɲelda é gara əŋə iinin nəgsǐ èg deene war é gara duussǐ wa.36Enna əŋgə é Lutu puujjíigə è dhaage gar é faa iyəni.37Ná faan‑e e koo jaa ná fuui, e nəgi Mowab. Een ná baaw é Mowabeeg‑e ləŋ bare.38Əŋən ná ɲaan‑e e koo jaa ná fuui jo di, e nəgi Ben Ammi. Ləŋ bare eena baaw é Əmuuniig‑i.
Eg bee: “Wa, agâ naa duuriig é kaay niinə.”3Gəl e səjiigə əndəg ləŋ eg wəjjíigǐ èg deene teyag. E liwí'ĩgən namees e mada, bəuulg nà taa bara jəwd, eg naam.4Ar ẽ wàyda ẽ poolda tad‑e, jag fuuig kay é garga nà é gaam Sədum‑i, nà ɲalgeeg‑e èg nà faŋgee‑ne e tàb maaga é ceeg.5Eg tarb Lutu: “Jag fuuig nà lii ẽ nagda èg doone é kaay niin‑i da? Bəgə̃gəniigə tuu ag gawreega.”6Lutu e wajaga tuu ẽ muddí diiŋg e mur maaga ë muugu7e bee: “Wa, ä awleeg. Ar ugu jisú əniid wa.8Turdú, a bel əŋgə dhaag nà nagsa é jen fuui man é naand man wa‑e. Ba â bagâneega tuu ũgun ũ jiddə jin ná u ɲəm ũ jiddí èg deg‑e. Gəl ar ugu ləŵnú jag fuuig nee wa de jag nee siindəg ənəgə â bii jaam é ləwiigə wa.”9Eg bee: “Gal tui dä muugu. Oon nii wəən lii an dəlg nii u ɲam ũ ən daga kord‑ool! Agâ jisũn jisə ná ən bəidə ná ag jisĩgən‑i tuu.” E màg e maan dumuun é Lut iiŋ ar ẽ ɲammda kəŋi tad maag‑muug‑i.10Gəl jag fuuig nà dhaag‑e e bə̀rd isigə tuu e baga Lutu é ceeg e mùr wag.11Aneenda eg duund jag fuuigə idigə nà ɲalgeeg‑en èg nà faŋgee‑ne talla maag‑muug‑i. Anaanda gar ẽ turdu maag ë muugu wa.12Jag fuuig nà dhaag‑e e bèe Lutən: “U bil jaam taân te a? Ö amreega, jaalgeen unugu, ɲalg unugu war jaam man é gaam ni ná u biləsú‑in a? Wareega tui é gaam niinə13de agâ jədə gaam ni tad. Əniid é jag é gaam ni koyjo tuu é Məi Tel muu, de cuu'í aga ã jəddi.”14Enna Lutu wəjjí tuu kursí è amreegen nà ɲawsě əŋgə inəgii‑ni. E bii'ĩgən: “É raw gəldə tui te de Məi Tel waja ẽ jəddə gaam!” Gəl amreegen belǎn jen basar.15É gara wag fissǐ‑i, fəəriig nà dhaag‑e e bad kor é Lut iiŋ: “É raw! War od uunu èg əŋg unug nà taa dhaagee‑ne, ar ugu tir é kor é ruid é gaam.”16É gara Lutu ləzzǐ tuu é raw wa‑e, jag fuuigə e bàg Lutu è odene è əŋg inəgini nà dhaag‑e dë əsəg eg guudiniigə tuu é gaam naadinə é kora Məi Tel ŋuldǐ ë ŋəlg‑i.17É yaag ane é gara guwə̌ná ega tuu‑i, man e bii'ĩgən: “Gəldə, fiddə ü ŋəlgə! Ar ugu wiînú wag duuɲg wa, ar ugu rəúu gar man baw‑eelg te wa! Gəldə ləŋ gaamg‑uulg, ar e tirduugu!”18Gəl Lut e bii ĩgən: “Wa, jo seeng ənəg!19Dhəm uunu tursu é gara u jissǐ cuwəd‑i, u jissə̃n kora weed‑e ug guzzí ä ŋalg‑e. Gəl a gar ã gal gaamg uulg wa. Əniid nii ê gəmsə̂nan teed‑eelg, â tir.20Tur, gaam ná tall teerma ni a gar ã gal tu, de gaam ɲaana. Bii aan ã galda tu, gaam ni ɲaan é see wa wa? Ê godo ä ŋalga.”21Fəər e bii'ĩnə: “A guɲsu kora u məɲsǐ‑i. Â jədə gaam wa ná u rimsǐ.22Gal tu é raw, de â jis jeem wa ləŋ u cəggúg tu.” (Een ná nagsána gaam Sowar‑e.)23É gara Lutu cəggsǐ wag é Sowar‑e, tel e badaga tuu.24Aneenda Məi Tel e lud moo ar koyne e tala moon é Sədum èg Əmuuri.25E jəd gaamga èg jag nà àna tuuii‑ni é wageeg nà dë beɲaag‑e èg galaaga nà addeeg‑oolen‑e kay.26Gəl od é Lutu e wii wag deeɲj, e mər miid é bəz‑i.27Wag fissǐ‑in Ibrəim e doos feed‑ool e taa é wag ná rəgsǐ é Məi Tel muu‑i.28E wii wag dumuun tad é Sədum èg Əmuuri èg wageeg nà baw‑eelge. E tur ɲuud e dhuun dum taw ar kuwəni.29Aneenda é gara Tel jəssǐ gaamga nà baw‑eelg‑e, kor é Ibrəim e adaga deel, e godogo Lutu tuu é gaam ná ənə̌nǐ bara e jədi.30Lut naamǎnê kojone ná ẽ əddí é Sowar‑e e waj, een èg əŋg inəgin nà taa dhaagee‑ne, eg wàj tui e ada ab gaamg‑uulg é mumul baal‑eelg.31É naand man əŋə ná faan‑e e bee ná ɲaan‑en: “Äg baaw faŋassa o jen fuuin man dəəŋg te wa ná ẽ warda aga ã belda jaalgeeg‑e wa, ar ná jag kay wərəsíigǐ addeeg‑ool te.32Wəjí ã məddə äg baawn saa ẽ dawdê saane, aneenda ã nagda èg deene ar taaz muu ná däg baawn ê cii'í wa.”33É kaay naana eg məd faan saa, əŋə iinin ná faan‑e e wəjí e nəgí èg deene. War faan e ɲelda é gara əŋə iinin nəgsǐ èg deene war é gara duussǐ wa.34É naanda yaan əŋə ná faan‑e e bee ná ɲaan‑en: “Kaynd é kaay a nagsé èg dä baawne. Wəjí é kaay niinə ã məddin saa taan, ũ wəjə ũ nəgə èg deene ar taaz muu ná däg baaw ê cii'í wa.”35É kaay naana eg məd faan iyənin saa, əŋə ná ɲaan‑e e wəjí e nəgí èg deene, war faan e ɲelda é gara əŋə iinin nəgsǐ èg deene war é gara duussǐ wa.36Enna əŋgə é Lutu puujjíigə è dhaage gar é faa iyəni.37Ná faan‑e e koo jaa ná fuui, e nəgi Mowab. Een ná baaw é Mowabeeg‑e ləŋ bare.38Əŋən ná ɲaan‑e e koo jaa ná fuui jo di, e nəgi Ben Ammi. Ləŋ bare eena baaw é Əmuuniig‑i.
Pioneer Bible Translators