SINU86
Ɔlaa Ɔpɛ Diɛta Ni Lɛkakaako
Dawid ɔlaa ɔpɛ.
1O Saate, nu faatuna fatɛɛ,diekye dipii nkle mi diefĩ mi kafɔɔ.2Nyu nkpa nii, diekye lɛyɔ nwu ole di suoto lɛfɔ.Yaa nii fale; diki kpɛmblatɛ lɛfɔwɔ nietika fɔ ni disi.3O Saate, nyɛɛ nyaami,diekye nlɛɛ fɔ di dii kufĩ kumu.4Ta kpɛmblatɛ lɛfɔ awɛ suoto lɛyɔɔ,O Saate, diekye afɔlɛtakatɛsa ɔkla nii lɛkyɔɔ.5O Saate, fale ɔyɔ ɔkyɛ, falɛ kafɔɔ,fakpe lɛbɔmbɔ kpinwu fɛɛta bamuu ba ninlɛɛ fɔ nii.6O Saate, nu ɔlaa ɔpɛ nii;kyɔɔ kaku nii atoko diɛta ni nyaami ɔnya.7Di dii le di ɔlaa letũ mi nii, kamalɛɛ fɔ,diekye fabatuna fantɛɛ.8O Saate, di afiɔ nwu kamɛ, kuanwii nnaa fɛle afɔ;ɔsaabla kuonwii nnaa kuakaatɛɛ ni ku ole fɔ.9O Saate, nnle be mmuu fɛɛbla ni,mawa mamasumu di anu lɛfɔ;man-yɔ dibu manta leyooto lɛfɔ.10Diekye feemuɔ, fɔɔbla kafɔɔ sɛsaabla se nimbla ni ɔkpɛ.11O Saate, tuo mi sisuku lɛfɔ,ni kamakyɛ di onukwale lɛfɔ kamɛ;tɛɛ otu wɔ ninansɛ ni,alɛ kayɛkɛ leyooto lɛfɔ.12O Saate Yaa nii, kamatansa fɔ, ku otu nii omuu;kamatansa leyooto lɛfɔ dinaa ni kaloo.13Diekye lɛbɔmbɔ lɛfɔ lemuɔ di suoto nii;feediki mi feekyeko ɔkya kyofole kamɛ.14O Yaa, mba nintakatɛsa ni suoto katoo kodieko mi;amumu bablatɛ dikudi komiɛ alɛ badiki nkpa nii-batii ba ninaa ni dibu bɛɛta fɔ nii.15O Saate, kafɔɔ afɔ Yaa wɔ ninya ni nyaami fakpe ni sibualɛ fale,ɔblɔ lɛfɔ nte buɛɛ, lɛbɔmbɔ mpɔ fɔ fakpe onukwale kafɔɔ.16Munikĩi fanyu mi faanyɛɛ nyaami kafɔɔ;ta kpɛmblatɛ lɛfɔ osie lɛfɔ nwufaadiki kpɛmblatɛ-sanko lɛfɔ obisuɔtɔbi.17Tɛɛ dibiene lɛfɔ nsũ lɛtɛsaa,alɛ balo nii kanya ni, sinunsɔ nkpɛ ma,O Saate, diekye afɔ niakyakaako mi feekpee mi kɔnɛɛ kaafutu.The Seed Company