SINU77
Kɔnɛɛ Okpee Kaafutu Di Dibuo Obe Kamɛ
Asaf onu. Kuɔta ni sinutuotɛ. Kuɔta Yedutun.
1Lawi lalɛɛ Yaa diɛta ni lɛkyakaako;lawi lalɛɛ Yaa nlɛ anu mi ɔlaa.2Obe wɔ lasiɛ ni di dibuo kamɛ, lawolaa Saate nwu;lananfi nnɛɛ be ninambuo ni ku kakyɛɔkla nii kafɔɔ lasĩ alɛ batankpee nwɔ kɔnɛɛ kaafutu.3O Yaa, lanyuma fɔ, latuuni kafɔɔ;labu disi, ɔnyɛɛ kafɔɔ latooloo mi. Yila kɛɛkɛɛ4Fatatɛɛ lamaasa anu nii;dibuo oso ntafuo ɔkakatɛ.5Lanyuma saa ayi nwu,alɛɛ ya nintɔbafe ni kofokofoko;6Lanyuma sinu nii ku kakyɛ.Otu nii mbu nwu ole, ninwuna nii kafɔɔ lawolaa kamɛ;7"Saate nwu kamasĩ wo dinaa ni kaloo?Ɔlɔbasinle wo sibualɛ nɔɔ?8Lɛbɔmbɔ nɔɔ le ninaa ni kaloo ntooyu dinaa ni kaloo?Atoodiɛ obe lele ntam nɔɔ nwu?9Yaa ntooyee alɛ aanya nyaami?Di ɔblɔ kamɛ atoodiɛ sibualɛ nɔɔ ole?" Yila kɛɛkɛ10Ni labuɛ nlɛ, "Ta nle mmle oso, kamatikiti lekoto:Nnwɔ Ninlenke ni koletanɛɛ ntookyi.”11Kamanyuma Saate nwu sɛsaabla;nwaa, kamanyuma saa sɛkpɛ lɛfɔ se niɛbla ni ɔkpɛ.12Kamabu disi di sɛkpɛ lɛfɔ simuu suotontɛ anu kafɔɔ nnyu sɛsaabla kplɛ lɛfɔ nwu simuu.13O Yaa, sisuku lɛfɔ lɛbla klekle.Amɛn-fiɔ niɛtɛ eemuɔ fɛ Yaa loo?14Yaa wɔ nimbla ni sɛkpɛ se niɛbla ni ɔkpɛ fale;feediki osie lɛfɔ feetuo di batii nwu kamɛ.15Ku kɔnɛɛ lɛfɔ kplɛ feediki batii lɛfɔ,Yakob ku Yosef banantii nwu. Yila kɛɛkɛ16O Yaa, ntu nwu lanya fɔ,ntu nwu lanya fɔ diayɛkɛ;nkyofokɔ nwu lanya fɔ diatũkũ.17Alokonkyɛ nwu lata kanto lanɔɔ,kolo nwu latuna ku akpududuu;akplɔ lɛfɔ lawanyi aafɛ sitũ ku sɛmaa.18Baanu akpududuu lɛfɔ di afɛɛfɔ siene kamɛ,ɔplalaa lɛfɔ lasɔ ɔtɔ kaayi;kasɔ nwu kafɔɔ layɛkɛ kaatũkũ.19Nkpaa osuku lɛfɔ lafe di lekpo nwu kamɛ,osuku lɛfɔ lafe di ntu kplɛ nwu kamɛ,nu batanya nnafukpaa lɛfɔ.20Faaleko batii lɛfɔ katũ fɛle bafosodi Mose ku Aron nnɛɛ nwu kamɛ.The Seed Company