SINU70
Ɔlaa Ɔpɛ Diɛta Ni Lɛkyakaako
Dawid onu. Kuɔta ni sinutuotɛ. Ɔlaa ɔyɔ ɔtɛ di anu.
1O Yaa, pɛsɛwa faadiki mi;O Saate, wa wla faabakyakaako mi.2Ta batii ba nikomiɛ mi ni dikplebanunsɔ baakpɔkpɔtɔ kafɔɔ;ta mba bamuu nikomiɛ mi ni kawɔɔbakple nkpaamaa ku sinunsɔ.3Ta mba nikobuɛ ni alɛ, "Ɛhɛ̃ɛ! ɛhɛ̃ɛ!"bakple nkpaamaa ta sinunsɔ lɛma oso.4Kafɔɔ ta mba ninwolaa fɔ nibanya suoto lɛyɔɔ baapɔ kaamɛ lɛfɔ;Ta mba nimbɔmbɔ ni didiki lɛfɔ obe lele babuɛ alɛ,"Ta batakatɛsa Yaa katoo!"5Kafɔɔ dipii nkle mi, diefĩ mi kafɔɔ;O Yaa, wa ɔkyɛ nii wla.Afɔ ninle lɛkyakaako nii ku dikitɛ nii;O Saate, tankyɛkyɛlɛ.The Seed Company