SINU59
Ɔlaa Ɔpɛ Diɛta Ni Katĩtĩi
Dawid miktam. Kuɔta ni sinutuotɛ. Basa nwu di "Bitanwɔɔsa" kanya. Di obe wɔ di Saulo lakpee ni batii alɛ balaanyu ni Dawid leyo di mmle baalo nwɔ ni kanya.
1O Yaa, diki mi fakyeko balo nii nnɛɛ;tĩtĩi mi fakyeko mba niɛtaka bayɛ mi ni di suoto.2Diki mi fakyeko asaakpile bablatɛ nnɛɛfaafũ mi kafɔɔ fakyeko mba nin-wii ni ntɔ nnɛɛ.3Nyu mmle bɛɛtɛ mi ni kala!Batii yakayaka kokũ kanwumbe di suoto niiO Saate, ninambla ni lɛsalɛsaa ee okpile kuonwii.4Nimbla opkile kuonwii, kafɔɔ beelolaa suoto alɛ boodieko mi.Taka faakyakaako mi; nyu ɔlaa nii!5O Saate Yaa wɔ Ninlenke ni, Israel batii Yaa,takatɛ disi faananfi nnle mmuu kootoko;tannya bakpiletɛ ba nindiki batii manta ni nyaami. Yila kɛɛkɛ6Kɔtɔɔfɔ mankple,mantookumii fɛle baweewee,mankyɛ kafɔɔ mantookyi okpoo.7Nyu n-se boodiki mankyeko ni nnya lɛma lo-boodiki mpamii mankyeko anyasibi lɛma,mambuɛ kafɔɔ alɛ, "Owe nimafuo wo onu?"8O Yaa, kafɔɔ afɔ famma ma;famma nnle nwu nkpo mmuu.9O Osie nii, konyu fɔ osuku;O Yaa, afɔ ninle mi kɔba,10Yaa bɔmbɔtɛ nii.Yaa maleko mi katũantɛɛ nnya suoto lɛyɔɔ kafɔɔ di mba nikɔlalaasa mi ni leyooto.11O Saate kubidifunsaa loo, kafɔɔ tanlo ma,se diele nkpo batii nii kamayee.Di osie lɛfɔ kamɛ, bla ma baakyɛ batookyi,faawakosa ma kasɔ kafɔɔ.12Ta nnya lɛma sikpile oso,ta anyasibi lɛma sɛlaa oso,ta lɛkanta lɛma didiki ma fɛle okũ.Ta akpaani ku sɛlaa ku afunu se boobuɛ ni oso,13wɔɔsa ma di ɔblɔ kamɛwɔɔsa ma dilaase di obe wɔ babaloo ni.Ni kasɔ nyɛntɛlekɔ kamatofoalɛ Yaa kole sɛka di Yakob Suoto. Yila kɛɛkɛ14Kɔtɔɔfɔ mankple,mantookumii fɛle baweewee,mankyɛ kafɔɔ mantookyi okpoo.15Mantookyi mantoomiɛ alesaamantooyiisa kudu kafɔɔ nse baamiɛ.16Kafɔɔ masa osie lɛfɔ sinu,masa lɛbɔmbɔ lɛfɔ sinu ku olesɛ;diekye afɔ ninle mi kɔba,katanikokɔ di nimiina nii obe kamɛ.17O osie nii, nsa sinu ntansa fɔ;O Yaa, afɔ ninle mi kɔba, Yaa bɔmbɔtɛ nii.The Seed Company