SINU58
Ɔlaa Ɔpɛ Ɔta Yaa Alɛ Aananfi Bakpiletɛ Kootoko
Dawid miktam. Kuɔta ni sinutuotɛ. Basa nwu di "Bitanwɔɔsa" kanya.
1Aye batunletɛ nwaako mimbuɛ ɔlaa wɔ ninte ni nkpo?Minka lɛka tinini di batii kamɛ?2Oowo, mimbu asi kpile di situ lee kamɛ,nnɛɛ lee kafɔɔ ndiki kudú di kasɔ suoto.3Bakpiletɛ osuku layu bia kalofokɔ;baalalaa baakye kafutu kamɛ, mankakatɛ kafɔɔ sɛlaa ku afunu.4Adii lɛma nte fɛle kɔsanwu adii,fɛle kɔwɛɛfɛɛko nietĩi ni atoko nɔɔ,5alɛ ɔlɔbanu fatɛ sɛlɔ,akpakpa aye ɔkɛkɛɛsa nwu kamɛ.6O Yaa, kpakpaa anyɛɛ lɛma kaanya;O Saate, bɔkɔtɛ bakyata aweenyɛɛ!7Ta ma bayɛ fɛle ntu be nikobiɛ ninfe ni;nse bɛɛnanfi kɔtaa, ta kubi lɛma nwu nnya ate tutulutu.8Fɛle mmle di dikunfɛɛ n-yɛ ni nse dikyɛ ni,fɛle difutudie obi, tanta ma baanya kufĩ.9Fiɛ di abukii lɛfɔ manu ni siwuu nwu difila-kuntɛ sɛkɔnle ee sekosole sile-babafiɛ bakpiletɛ nwu mansifiko.10Suoto mayɔɔ batininitɛ nse bootufu ma koto,nse beefoto nkpaa lɛma di bakpiletɛ ntɔ kamɛ.11Ni batii mabuɛ alɛ,"Nwaako letota lekple dikpe diɛta batininitɛ;nwaako Yaa owo nkpe ankanko ni kasɔ.”The Seed Company