SINU31
Ɔlaa Ɔpɛ Di Disi Otika Di Yaa Suoto
Dawid onu. Kuɔta ni sinutuotɛ.
1O Saate, afɔ lɛtaniko;tanta sinunsɔ lakpɛ mi diidii;diki mi di ɔsaabla tinini lɛfɔ nwu kamɛ.2Munikĩisa kotoko lɛfɔ fakyɔɔ mi,wa wla fabadiki mi;le katanikokɔ nii difuɔnkpaa,kɔba siene ko nimadiki mi nii.3Di afɔ ninle mi ni difuɔnkpaa ku kɔba oso yi,ta leyooto lɛfɔ oso, le katũ faakpaa mi.4Diki mi di okũ wɔ bɛɛkyɔɔ mi ni,diekye afɔ ninle mi katanikokɔ.5Nnɛɛ lɛfɔ lɛyɔ ninwuna nii lekpee;O Saate, onukwaletɛ Yaa, diki mi.6Lekyidi batii ba nintikanko ni afiɔ ya ninaa ni ɔnyɛɛ;Saate nwu letika disi nɛ.7Manya suoto lɛyɔɔ, mpɔ kafɔɔ di lɛbɔmbɔ lɛfɔ kamɛ,diekye faanya dibuo niifaatofo kafɔɔ ɔkla nii ninyinyi.8Fatayɔ mi fakpee di balo nii nnɛɛ,kafɔɔ fɛɛyɔ nkpaa nii feese di kablɛfɛɛkɔ.9O Saate, nyɛɛ nyaami, diekye nsi di nimiina kamɛ;anu nii nte tutufuu ku kaku owi,ɔkla nii ku suoto nii kafɔɔ lebuo nyaami.10Dibuo ntoofũ nkpa nii,alɛɛ nii kafɔɔ ku atũuni;osie nii kɔwakasɔ ta dibuo nii oso,akufi nii kafɔɔ ntookpiɛkpiɛ.11Ta balo nii bamuu oso,ninsindie lɛsalɛsaa di bawo nii anu;nle lɛyɛkɛsaa lɛta basiɛwo nii,mba ninyɛɛ ni di lɛkpaka ntoso mi.12Batooyee mi fɛle okpi ntookpi;ntɔɔbla fɛle dibukii biɛle.13Diekye konu batii kpinwu anwununuu;difu nkpe di kakɔ biala;bookũ kanwumbe di suoto niibookpee asi baawo kafɔɔ alɛ babalo mi.14O Saate, kafɔɔ afɔ letika disi;lebuɛ nlɛ, "Afɔ ninle Yaa nii.”15Obe nii nsi di nnɛɛ lɛfɔ;diki mi fakyeko balo nii nnɛɛku batii ba nintikankoe ni.16Ta anu lɛfɔ lɛkpa dikpete kpɛmblatɛ lɛfɔ;diki mi ta lɛbɔmbɔ lɛfɔ nwu ninaa ni kaloo kamɛ.17O Saate, tanta sinunsɔ lakpɛ mi,diekye ntoowi lɛlɛɛ fɔ;kafɔɔ ta sinunsɔ sikpɛ bakpiletɛbaate kloklo di ɔkya kamɛ.18Ta sɛlaa ku afunu anyasibi lɛma alo kanana,diekye ku suoto katoo ɔtakatɛsa ku lɛsaa tambu,mankakatɛ lɛkanta kanya di batininitɛ suoto.19Mmle di dibiene lɛfɔ ɔbla lemuɔ ni,nle fɛɛyɔ fɛɛta ni batii ba ninyɛkɛ fɔ ni,nle feediki feetuo ni batiiba niɛtaniko fɔ ni.20Kasiɛkɔ nwu di anu lɛfɔ feewofasa madi batii asibu kpile suoto;feelolaa ma fakle di kasiɛkɔ lɛfɔ kamɛdi sɛkplalomii se nintɛ ni batii kolo suoto.21Baatansa Saate nwu,diekye eediki lɛbɔmbɔ nɔɔ le niɛbla ni ɔkpɛ eetuo midi obe wɔ lasiɛ ni di okpoo wɔ di balo ladieko mi nii.22Di difu lapɛ mi nii, labuɛ nlɛ,"Batɔɔblasa mi di anu lɛfɔ!"Kafɔɔ faanu mi kaku, faanyɛɛ nyaami,obe wɔ lalɛɛ fɔ nlɛ kyakaakoe nii.23Bibɔmbɔ Saate nwu, aye baklekletɛ nɔɔ bamuu!Saate nwu nnyu banukwaletɛ disi,kafɔɔ anta batii ba nintakatɛsa ni suoto katoo koto osie kanya.24Biwɛ osie, biɛwɛ kafɔɔ otu,bamuu lee ba ninkpe ni osuku onyu di Saate nwu kamɛ.The Seed Company