SINU26
Otii Biene Ɔlaa Ɔpɛ
Dawid onu.
1O Saate, tɛɛ lɛbɛ,diekye ntoosiɛ nkpa be di ole kuonwii nnaa nii;layɔ anu nii latika di Saate nwu suotoninaankpankpa ni.2O Saate, sɔ mi fanyu, faawolaa mi kamɛ,nyu otu nii ku disibu nii kamɛ fanyu;3diekye lɛbɔmbɔ lɛfɔ nte mi di anu,nkyɛ kafɔɔ di onukwale lɛfɔ kamɛ obe lele.4Ninsiɛ di balaatɛ kamɛ,ee munko bakyɔnkyɔtɛ bukyɛ;5lekyidi bakpileblatɛ dikudi nwulesĩ kafɔɔ osiɛ ku bakpiletɛ nwu.6Lefoto nnɛɛ nii di okpile ɔtambla kamɛ,O Saate, nkyɛ nkyi kafɔɔ di olekatakɔ lɛfɔ,7nyie katansa lɛfɔ lɛkya osie kanyambuɛ kafɔɔ sɛsaabla lɛfɔ simuu se niɛbla ni ɔkpɛ.8O Saate, mbɔmbɔ leyo le fasi nii,lɛba le di lɛkpa lɛfɔ nsiɛ nii.9Tandiki ɔkla nii fakyakaa ku bakpileblatɛ,ee nkpa nii ku batii ba nin-wii ni ntɔ suoto,10di asaa kpile ɔbla nsi ni ninnɛɛ kamɛ,di ditunu kamɛ asaa ofũ leyii ni nletanɛɛ lɛma kamɛ.11Kafɔɔ ami nsi nkpa be di ole kuonwii nnaa nii;nyɛɛ nyaami, faadiki mi kafɔɔ.12Nkpaa nii n-yɛ di kasɔ ka niɛkyɛkyɛ ni suoto;batii dikudi kplɛ kamɛ matansa Saate nwu.The Seed Company