SINU25
Ɔlaa Ɔpɛ Diɛta Ni Osuku Otuo Ku Otii Onyu
Dawid onu.
1O Saate, afɔ lɛtakatɛsa ɔkla nii lɛkyɔɔ;2O Yaa nii, afɔ letika disi.Tanta sinunsɔ lakpɛ mi,ee faata suoto siyɔɔ balo nii di suoto nii.3Otii lele nikonyu fɔ osuku yi,sinunsɔ dilɔbakpɛ nwɔ diidiikafɔɔ ta sinunsɔ sikpɛmba ninambla ni asaa di osuku kanya.4O Saate, tuo mi sisuku lɛfɔ,faatɛɛ ntofo nfenkɔ lɛfɔ;5leko mi katũ di onukwale lɛfɔ, faatuo mi asaa kafɔɔ,diekye afɔ ninle Yaa Dikitɛ nii,osuku nii onyu kafɔɔ nsi kaamɛ lɛfɔ dii kufĩ kumu.6O Saate, nyuma sifutulɛ ku lɛbɔmbɔ kplɛ lɛfɔ nwu,diekye akpe bia okofobee.7Tannyuma sekosopo nii obe sikpileku otokopĩ nii;nyuma mi, ta lɛbɔmbɔ lɛfɔ oso,O Saate, diekye fakpe sifutulɛ.8Saate nwu nlɛ, ambla asaa di osuku kanya;nkpo oso antuo bakpileblatɛ sisuku nɔɔ nɛ.9Ankpaa mba niɛwakosa ni suoto kasɔ di lɛsaa le ninlɛ ni suotoantuo ma kafɔɔ osuku nɔɔ.10Saate nwu sisuku simuu nle lɛbɔmbɔ ku onukwalekuɔta mba niemufũ kanya ninii nɔɔ abiesaa bakle nii.11O Saate, ta leyooto lɛfɔ oso,yɔ sikpile nii fakyɛ mi, kuntɛ sipɔ.12Owe nfɛ ninle otii wɔ ninyɛkɛ ni Saate nwu?Nnwɔɔ nimatuo nwɔ osuku wɔ eediki ɛɛtɔɔ nii.13Abasiɛ nkpa nɔɔ di lɛlɛ kamɛ,banantii nɔɔ kafɔɔ male kasɔ nwu atesaa.14Saate nwu ndiki ofutulaa nɔɔ anta mba ninyɛkɛ nwɔ nii;anta ma mantofo kanya ninii nɔɔ nwu.15Anu nii ntika di Saate nwu suoto obe lele,diekye nnwɔɔ lete nimadiki nkpaa nii di dikyĩ kamɛ nɛ.16Munikĩi fanyu mi, faale mi sibualɛ,diekye kuonwii nnaa mi, diobuo mi kafɔɔ.17Otu nii kamɛ dibuo ntɔpɔ diɛkyakaa;diki mi di ninyinyi nii nwu kamɛ.18Nyu dibuo nii ku ninyinyi niifaayɔ sikpile nii simuu kafɔɔ fakyɛ mi.19Nyu mmle di balo nii ntɔɔkpɛ bɛɛkyakaa ni,ku mmle beekyidi mi ni yakayaka!20Nyu nkpa nii disi faadiki mi;tanta sinunsɔ lakpɛ mi,diekye afɔ nintaniko.21Ta lɛpɔɔ ɔtanlo ku ɔsaabla tinini kulolaa mi,diekye osuku onyu nii ntika di suoto lɛfɔ.22O Yaa, diki Israel,fakyeko dibuo lɛma nimuu kamɛ!The Seed Company