SINU118
Sɛfa Ɔpɛ Ɔlaa Ɔpɛ Di Lelenkee Suoto
1Bipɛ Saate nwu sɛfa, diekye alɛ;lɛbɔmbɔ nɔɔ nkpe dinaa ni kaloo.2Bita Israel abuɛ alɛ:"Lɛbɔmbɔ nɔɔ nkpe dinaa ni kaloo.”3Bita Aron leyo babuɛ alɛ:"Lɛbɔmbɔ nɔɔ nkpe dinaa ni kaloo.”4Bita mba ninyɛkɛ ni Saate nwu babuɛ alɛ:"Lɛbɔmbɔ nɔɔ nkpe dinaa ni kaloo.”5Di nimiina nii kamɛ lawi lalɛɛ Saate nwu,ni aatuna aatekete dibuo nwu di suoto nii nɛ.6Saate nwu nsikoe; nioso namayɛkɛ.Obe di otii kafuo mi ɔbla?7Saate nwu nsikoe; nnwɔɔ ninle mi kyakaakotɛ nɛ.Kamanya lelenkee di balo nii suoto.8Dilɛ alɛ faataniko Saate nwuninlenke alɛ faatika anu di otii suoto.9Dilɛ alɛ faataniko Saate nwuninlenkee alɛ faatika disi di banɔɔfotii babi suoto.10Nnle nwu mmuu lamana mi diakyi,kafɔɔ di Saate nwu leyooto kamɛ lawɔɔsa ma.11Baamana mi baakyi di ɔfankyi biala,kafɔɔ di Saate nwu leyooto kamɛ lawɔɔsa ma.12Baafufuu di suoto nii fɛle banwakɛ,kafɔɔ baakpi kunkye fɛ mmle di ɔtɔ nfiɛ ni siwuu;di Saate nwu leyooto kamɛ lawɔɔsa ma.13Baatukusɛɛ kɛɛkɛɛ se lanɔɔ.kafɔɔ Saate nwu lakyakaako mi.14Saate nwu ninle mi osie ku onu nii;atɔɔbakple didiki nii.15Suoto lɛyɔɔ ku lelenkee kudùkodie di batininitɛ akpanta kalɔ:"Saate nwu koletanɛɛ ntɔɔbla asaa kplɛ!16Bɛɛtakatɛsa Saate nwu koletanɛɛ katoo;Saate nwu koletanɛɛ ntɔɔbla asaa kplɛ!"17Nɔmakpi, kafɔɔ masiɛ nkpa,nyie lɛkya di nle di Saate nwu lɛbla nii.18Saate nwu lananfi mi kootoko osie kanya,kafɔɔ ata yɔ mi aata kukpi.19Sɛkɛtɛ ɔsaabla tinini n-yoko fatɛɛ;nimbuo mpɛ Saate nwu sɛfa.20Nka mmle ninle Saate nwu kayokoka di batininitɛ kafe mambuo ni nɛ.21Kamapɛ fɔ sɛfa, diekye faatuna faatɛɛ;fatɔɔbakple didiki nii.22Difuɔ le di ayobatofotɛ lasĩ ninintɔɔbakple leyokɔ difuɔ nɛ;23Saate nwu niɛbla nle mmle,diɛbla ɔkpɛ di anu loo.24Nle mmle ninle dii le di Saate nwu lɛbla ni nɛ;bita bunya suoto lɛyɔɔ buɔpɔ ninni.25O Saate, fũ wo,O Saate, ta dilɛ dita wo.26Suoto siyɔɔ otii wɔ ninwa ni di Saate nwu leyooto kamɛ.Di Saate nwu leyo buowii ye lɛyɔɔ.27Saate nwu ninle Yaa,nnwɔɔ kafɔɔ niɛta lɛkpa nɔɔ lɛkpa diekpete wo nɛ.Aaklee owosola di kɔnɛɛ nɔɔ, aabuo di dii ole bakyɛntɛ dikudi nwu kamɛbaaladu oleɔta akyikye nwu akya.28Yaa nii fale, kamapɛ fɔ sɛfa kafɔɔ;Yaa nii fale, kamatakatɛsa fɔ katoo.29Bipɛ Saate nwu sɛfa, diekye alɛ;lɛbɔmbɔ nɔɔ nkpe dinaa ni kaloo.The Seed Company