SINU116
Otii Onwii Baafũ Ni Nkpa Latansa Yaa
1Mbɔmbɔ Saate nwu, diekye aanu mi sɛlɔ;aanu nyaami nii ɔnya kaku.2Diekye aamunikĩisa kotoko nɔɔ aakyɔɔ mi,kamalɛɛ nwɔ di obe wɔ lɛnya nsi ni nkpa.3Kukpi nwu sikũ lɛmana mi siekyi,ɔkya nwu difu lapɛ mi;dibuo ku sɛnyaami lalenkee mi nnɛɛ.4Ninfɛ lalɛɛ Saate nwu leyooto nlɛ:"O Saate, fũ mi nkpa!"5Sibualɛ letɛ ku tininitɛ ninle Saate nwu;nyaami ɔnya leyii Yaa loo kamɛ.6Saate nwu nnyu mba ninaa ni osie;diafĩ mi ni osie kanya, aadiki mi.7O ɔkla nii, kple fatɛ ɔnyɛɛ fakyakaa,diekye Saate nwu ntodibla dibiene ɛɛta fɔ.8O Saate, diekye fatoodiki ɔkla nii di kukpi kamɛ,anu nii di nnumɛɛ kamɛ,nkpaa nii di otuula,9alɛ kafuo ɔkyɛ di Saate nwu anudi nkpa basiɛtɛ kasɔ suoto.10Lafũ lale; nioso labuɛ nlɛ,"Ditoobuo mi osie kanya.”11Di nnɛɛ lafee mi nii, labuɛ nlɛ,"Balaatɛ di batii bamuu nle.”12Lɛ nfɛ kata Saate nwu kotodi sifutulɛ nɔɔ nwu simuu di suoto nii?13Kamatakatɛsa didiki opũ nwu katooninlɛɛ Saate nwu leyooto.14Kamata ntam nii asaa nta Saate nwudi batii nɔɔ bamuu anu.15Baklekletɛ nɔɔ kukpilefũ kɔya di Saate nwu anu.16O Saate, nwaako kpɛmblatɛ lɛfɔ nle;kpɛmblatɛ lɛfɔ nle, ɔsanko kpɛmblatɛ lɛfɔ obisuɔtɔbi;afɔ niefukuti mi di sɛkpɛnkyɛ kamɛ.17Kamata sɛfa ɔpɛ asaaɔta oleɔta nta fɔninlɛɛ kafɔɔ Saate nwu leyooto.18Kamata ntam nii asaa nta Saate nwudi batii nɔɔ bamuu anu,19di Saate nwu leyo nflɔnkɔO Yerusalem, di kamɛ lɛfɔ.Bitansa Saate nwu.The Seed Company