SINU115
Yaa Onwii Nwu Onukwaletɛ
1Diele awo, O Saate, diele awo,kafɔɔ leyooto lɛfɔ nwu baata dibu,ta lɛbɔmbɔ ku onukwale lɛfɔ oso.2Obe oso di nnle nwu nkaalɛ alɛ," Ɔfɛ di Yaa lɛma nkpe?"3Yaa loo nkpe di osi;ambla lele ninlɛ nwɔ.4Kafɔɔ afiɔ lɛma nle koto fututu ku koto sɛɛle,batii nnɛɛ niɛbla nya.5Bakpe nnya, kafɔɔ mannfuo ɔkakatɛ,anu, kafɔɔ blɔɔnya;6bakpe atoko, kafɔɔ bloonu,sinwu, bafɔɔ bloonu ofũfũ;7bakpe nnɛɛ, kafɔɔ blootofo,nkpaa, kafɔɔ bloofuo ɔkyɛ,ee bafuo sɛlɔ sewo ɔbla ku sɛkɔnsɔ lɛma.8Mba niɛbla nya ni kamate fɛle mma,nkpo dibate ninta mba bamuu nietika nya ni disi nɛ.9O Israel leyo, tika Saate nwu disi-nnwɔɔ ninle ma lɛkyakaako ku kubidifunsaa nɛ.10O Aron leyo, tika Saate nwu disi-nnwɔɔ ninle ma lɛkyakaako ku kubidifunsaa nɛ.11Aye ba ninyɛkɛ nwɔ ni, bitika Saate nwu disi-nnwɔɔ ninle ma lɛkyakaako ku difuɔnkpaa nɛ.12Saate nwu nnyuma wo, abawii wo lɛyɔɔ kafɔɔ:Abawii Israel leyo lɛyɔɔ,abawii Aron leyo lɛyɔɔ,13abawii mba ninyɛkɛ ni Saate nwu lɛyɔɔ-babisɔ ku banɔɔfo kyɛkyɛ.14Ta Saate nwu ata ye bikpɛ,aye ku babi lee akyuu lee anyɔ.15Ta Saate nwu awii ye lɛyɔɔ,osi ku kasɔ nwu Blatɛ.16Osi nwu niɛtaka katoo kulenke ni nle Saate nwu ole,kafɔɔ ɛɛyɔ kasɔ nwu ɛɛta otii.17Diele bakpi nintansa Saate nwu,mba ninsifi ni kasɔ kamɛ kanana;18awo ninle mba nintakatɛsa ni Saate nwu katoo nɛ,nunua dinaa ni kaloo kafɔɔ.Bitansa Saate nwu.The Seed Company