SINU110
Saate Nwu Ku Ɔka Nɔɔ Wɔ Eediki Nii
Dawid onu.
1Saate nwu mbuɛ antɔkɔ saate nii alɛ:"Siɛ di oletanɛɛkyɛ niidilaase di obe wɔ mabla ni balo lɛfɔnkpaa ditikasaa nta ni nkpaa lɛfɔ.”2Saate nwu makyesee kayofo kplɛ lɛfɔ nwu kankye Sion;fabale sɛka di balo lɛfɔ kamɛ.3Bakpɛtɛ lɛfɔ matuna man-yɔ suoto mantadi kakpɛ lɛfɔ dii nwu.Fanklee akasaa klekle nwu,niekye ni kolesɛtũ olofofɔtɔ kamɛfabafũ sekosopo lɛfɔ kamɛ oblokyi.4Saate nwu ntɔɔka ntamɔlɔbasinkyɛlɛnsa disibu nɔɔ kafɔɔ:"Ɔletatɛ nfɛ fale dinaa ni kaloo,di Melkisedek osuku kanya.”5Saate nwu nsi di oletanɛɛkyɛ lɛfɔ;ababibiɛ baka di ɔblɔ nɔɔ dii suoto.6Abakanko nnle nwu, ansiisa bakpiambibiɛ kafɔɔ kasɔ kamuu sɛka baletɛ.7Abanyi ntu di kaklenyii nwu di osuku kotoko;nioso abatakatɛ disi nɔɔ.The Seed Company