SINU102
Okosopo Onwii Di Ɔlaa Nitika Ni Di Suoto Ɔlaa Ɔpɛ
Osuɔtɔ onwii diobuo ni ɔlaa ɔpɛ. Nse ɔnyɛɛ koloo nwɔ andiki sɛlaa nɔɔ antɛ ni di Saate nwu anu.
1O Saate, nu ɔlaa ɔpɛ nii;ta kaku owi nii diɛta ni lɛkyakaako kawa ɔkyɛ lɛfɔ.2Tanwofasa anu lɛfɔ di suoto niinse nsi di nimiina kamɛ.Munikĩisa kotoko lɛfɔ fakyɔɔ mi;nse lɛlɛɛ, tuna fatɛɛ wla.3Diekye ayi nii kɔyɛ fɛle kɔyɔ;akufi nii kɔfiɛ fɛle atɔkɔnii kɛsɛɛle.4Bɛɛpɛ otu nii kuɔyɔɔ kafɔɔ fɛle sɛfa;layee alesaa nii ole.5Ta atuuni nii osie kanya osontɔɔsɔɔ di suoto lɛkaa di akufi.6Nte fɛle ɔfaafuu disukusuku,fɛle disukusuku di kawɔɔ kamɛ.7Nsɛnkɛ nte; ntookplefɛle kansiɛ wɔ nintika ni di lɛkya osi lete nɔɔ.8Balo nii ndieko mi dii kufĩ kumu;mba niɛtaka bayɛ mi ni di suoto n-yɔ leyooto nii fɛ lɛkpaani.9Diekye ntɔ̀ nfɛ kole fɛ alesaa niinkpɔtɔɔsa ninyinle nii kafɔɔ ku nnumɛɛ10ta ɔblɔ yakayaka lɛfɔ nwu oso,diekye fatɔɔyɔ mi feeyu kafɔɔ di ɔlɔɔkɔ.11Ayi nii nte fɛle kɔtɔɔfɔ kunyii;kɔyɔɔ fɛle sɛfa.12O Saate, kafɔɔ afɔ, fasi foole sɛka dinaa ni kaloo;leyooto lɛfɔ nte diesifi ana amuu suoto.13Fabataka fannya kafɔɔ Sion nyaami,diekye obe ntoowo faale nwɔ ni sibualɛ;obe wɔ bɛɛtɛ ni ntoodu.14Diekye afuɔ nɔɔ lefũ kɔya ɛɛta bakpɛmblatɛ lɛfɔ;annya kudu nɔɔ nwu nyaami.15Nnle nwu mayɛkɛ Saate nwu leyooto,baka nwu bamuu di kasɔ nwu suoto mayɛkɛ lɛkpa lɛfɔ nwu.16Diekye Saate nwu makple anse Sion letofoabakyɔɔ kafɔɔ di lɛkpa nɔɔ kamɛ.17Abatuna anta bapiitɛ ɔlaa ɔpɛ;ɔlɔbasĩ ɔlaa lɛma onu.18Ta bakpana nle mmle batɛ kɔna ko nikɔwa ni,alɛ batii ba manadibla ni katansa ni Saate nwu:19"Saate nwu nnyu ankyeko lɛkpaayo klekle nɔɔ kaatoo,annya kasɔ ankyeko osi,20annu ayo batentɛ atuuniandiki kafɔɔ mba beelo ni kukpi lɛpɔɔ.”21Nioso babalɛɛ Saate nwu leyooto di Sionkatansa nɔɔ kafɔɔ di Yerusalem22nse batii nwu ku sɛka nlekɔ nwulesi alɛ boosumu Saate nwu.23Di nkpa nii kamɛ, aakɔkɔlɛ osie nii;aabudi ayi nii kakuu.24Nioso labuɛ nlɛ:"O Yaa nii, tankpaa mi di ayi nii ntɛɛ kamɛ faasifiko;alɛɛ lɛfɔ nkyɛ anfe di ana amuu kamɛ.25Di kasɔ kakyekɔ faase kasɔ nwu asɔse,osi nwu kafɔɔ nle nnɛɛ lɛfɔ ɔkpɛ.26Babakpi, kafɔɔ afɔ fakpe;bamuu kamayɛɛ fɛle sikpilakpi.Fabakyɛlɛnsa nya fɛle abulababadiɛ nya mantɛ.27Kafɔɔ afɔ nkpo nwu fate ote nɛ,alɛɛ lɛfɔ kafɔɔ dilɔbaloo diidii.28Bakpɛmblatɛ lɛfɔ babi kamasiɛ di anu lɛfɔ;banantii lɛma kamawɛ di anu lɛfɔ.”The Seed Company