SINU101
Ɔka Onwii Ntam
Dawid onu.
1Kamasa onu di lɛbɔmbɔ ku lɛka tinini lɛfɔ suoto;O Saate, afɔ kamasa onu ntansa.2Kamalolaa nnyu, nsiɛ nkpa be di ole kuonwii nnaa nii-ɔmɛmbe fabawa ɔkyɛ nii?3Namayɔ lɛsaa le ninanlɛ nintɛ di anu nii.Lekyidi batii ba ninaa ni onukwale sɛsaabla;blɔbatɛɛtɛɛ mi.4Nnya nsɛkɛnsɛkɛ batii makyɛ lookyo di suoto nii;nnaa lɛblasaa kuninwii ku okpile.5Olele niebudi owo nɔɔ kanya di lewofa kamɛ yi,kamamaasa nwɔ kanya;olele nimbɛbɛɛ anu ku otu wɔ ninkanta nii yi,namatunako nwɔ.6Anu nii kamatika di banukwaletɛ suoto di kasɔ nwu suoto,alɛ baasiɛ ku ami;nnwɔ di lɛkyɛmbi nɔɔ nnaa ni ole kuonwiikamasumu mi.7Otii lele ninkpe kakyɔnkyɔdilɔbasiɛ di leyo nii;otii lele ninkakatɛ sɛlaa ku afunudilɔbayila di anu nii.8Olesɛ biala kamamaasa kanyabakpiletɛ bamuu n-nya di kasɔ nwu suoto;kamadiki kpileblatɛ bialadi Saate nwu okpoo kplɛ kamɛ.The Seed Company