Nehemia11
Batii Ba Niasiɛ Ni Di Yerusalem
1Ninfɛ di batii nwu batunletɛ lasiɛ di Yerusalem, ni di batii nwu bule lawii atrebi alɛ boodiki otii onwii di lefosi biala kamɛ alɛ aasiɛ di Yerusalem, okpoo kplɛ klekle nwu, di banansĩ ba niebu ni kafɔɔ kasiɛ di mma bamu sekpoo kamɛ nɛ.2Ni di batii nwu latansa basuɔtɔ ba bamuu niatuna alɛ boosiɛ ni di Yerusalem nɛ.3Nnya kasɔ nwu batunletɛ ba niasiɛ ni di Yerusalem (Israel batii bawo, olebatatɛ, Lewi batii, olekatakɔ nwu bakpɛmblatɛ ku Solomon bakpɛmblatɛ banantii ba niasiɛ ni di Yuda sekpoo, obiala lasiɛ di kasɔ nɔɔ kamu suoto di sekpoo ateate kamɛ,4di batii bamba kafɔɔ niakye ni Yuda ku Benyamin lasiɛ ni di Yerusalem):Di Yuda banantii kamɛ:
Usia obisuɔtɔbi Ataia, aale ni Sakaria obisuɔtɔbi, aale ni Amaria obisuɔtɔbi, di nnwɔɔ kafɔɔ aale ni Sefatia obisuɔtɔbi, aale ni Mahalalel obisuɔtɔbi, aale ni Peres ɔnantii;5ku Baruk obisuɔtɔbi Maaseia, Kol-Hose obisuɔtɔbi, aale ni Hasaia obisuɔtɔbi, aale ni Adaia obisuɔtɔbi, di nnwɔɔ kafɔɔ aale ni Yoiarib obisuɔtɔbi, aale ni Sakaria obisuɔtɔbi, aale ni Sela ɔnantii.6Peres banantii ba niasiɛ ni di Yerusalem lɛpɔ labla basuɔtɔ sientɛ alafa ana-afosi-akuɔ-banɛ.7Di Benyamin kɔna kamɛ:
Mesulam obisuɔtɔbi Salu, aale ni Yoed obisuɔtɔbi, aale ni Pedaia obisuɔtɔbi, di nnwɔɔ kafɔɔ aale ni Kolaia obisuɔtɔbi, aale ni Maaseia obisuɔtɔbi, nnwɔɔ kafɔɔ aale ni Itiel obisuɔtɔbi, aale ni Yesaia obisuɔtɔbi,8ku batikankotɛ nɔɔ, Gabai ku Salai- labla basuɔtɔ alafa anaasĩ-afosi-anyɔ-banɛ.9Sikri obisuɔtɔbi Yoel niale ma kanyayilatɛ-nɔɔfo, Hasenua obisuɔtɔbi Yuda kafɔɔ lale sɛnɔɔfo di kale Dikudi Nyɔɔfa di okpoo kplɛ nwu suoto.10Di olebatatɛ kamɛ:
Yedaia; Yoiarib obisuɔtɔbi; Yakin;11Hilkia obisuɔtɔbi Seraia, aale ni Mesulam obisuɔtɔbi, aale Sadok obisuɔtɔbi, aale ni Meraiot obisuɔtɔbi, aale ni Ahitub obisuɔtɔbi, nnwɔ niatoonyu ni Yaa leyo nwu nɛ.12Yedaia, Yakin, Seraia ku bakpɛmblatɛ wo lɛma ba niaklee ni olekatakɔ ɔkpɛ nwu batɔɔbla nii- labla basuɔtɔ alafa anɛ-afosi-anyɔ-banyɔ; Yeroham obisuɔtɔbi Adaia, aale ni Palalia obisuɔtɔbi, di nnwɔɔ kafɔɔ aale ni Amsi obisuɔtɔbi, aale ni Sakaria obisuɔtɔbi, aale ni Pashur obisuɔtɔbi di nnwɔɔ kafɔɔ aale ni Malkiya obisuɔtɔbi,13ku bakpɛmblatɛ wo nɔɔ ba niale ni ayo kamɛ banɔɔfo labla- basuɔtɔ alafa anyɔ-afosi-ana-banyɔ; Asarel obisuɔtɔbi Amasai wɔ niale ni Ahsai obisuɔtɔbi, aale ni Mesilemot obisuɔtɔbi, di nnwɔɔ kafɔɔ aale ni Imer obisuɔtɔbi,14ku bakpɛmblatɛ wo nɔɔ ba niale ni basuɔtɔ sientɛ- labla kɔlafa afosi-anyɔ-banɛ. Ɔnɔɔfo-nɔɔfo lɛma niale Hagedolim obisuɔtɔbi Sabdiel nɛ.15Di Lewi batii kamɛ:
Hasub obisuɔtɔbi Semaia, aale ni Asrikam obisuɔtɔbi, aale ni Hasabia obisuɔtɔbi, di nnwɔɔ kafɔɔ aale ni Buni obisuɔtɔbi;16Sabetai ku Yosabad, banyɔ nwu lale Lewi batii kanyabayilatɛ ba niayila ni kaanya di ɔkpɛ wɔ niawɛ ni di Yaa leyo nwu kayi lɛkyɛ nɛ;17Mika obisuɔtɔbi Matania, aale ni Sabdi obisuɔtɔbi, aale ni Asaf obisuɔtɔbi, nnwɔɔ niale tunletɛ wɔ nialeko ni sɛfa ɔpɛ ku ɔlaa ɔpɛ katũ nɛ; Bakbukia niale ɔnyɔɔfa di bakpɛmblatɛ wo nɔɔ kamɛ; ku Samua obisuɔtɔbi Abda, aale ni Galal obisuɔtɔbi, aale ni Yedutun obisuɔtɔbi.18Lewi batii nwu di okpoo kplɛ klekle nwu lɛpɔ lɛma labla alafa anyɔ-afosi-anɛ-bana.19Di n-yoko banyuntɛ kamɛ:
Akub, Talmon ku bakpɛmblatɛ wo lɛma ba niatoonyu ni n-yoko nwu labla- basuɔtɔ kɔlafa afosi-akuɛnsĩ-banyɔ.20Israel batii bule ku olebatatɛ ku Lewi batii nwu lawɛ di Yuda sekpoo simuu kamɛ, obiala lasiɛ di bawa nɔɔ atesaa suoto.21Olekatakɔ bakpɛmblatɛ lasiɛ di Ofel lekpenkpe, ni di Siha ku Gispa layila ma kaanya nɛ.22Lewi batii ɔnɔɔfotii-nɔɔfo di Yerusalem niale Bani obisuɔtɔbi Usi, aale ni Hasabia obisuɔtɔbi, aale ni Matania obisuɔtɔbi, di nnwɔɔ kafɔɔ aale ni Mika obisuɔtɔbi. Usi lale Asaf ɔnantii onwii lɛma ba niale ni sinu basantɛ baata ni kasumu ɔkpɛ di Yaa leyo nɛ.23Sinu basantɛ nwu lasiɛ di ɔka kufiofa ko nianyu ni dii biala ɔsaabla lɛma nwu kalɔ.24Mesesabel obisuɔtɔbi Petahia, aale ni Yuda obisɔtɔbi ɔnantii onwii bɔɔlɛɛ ni Sera, niale ɔka kpɛntɛ wɔ niayila kaanya ni di sɛsaabla se simuu niale ni batii sele.
Batii Ba Niasiɛ Ni Di Sekpoo Ku Sekpoo Kplɛ Bamba Kamɛ
25Kafɔɔ di sekpoonyii ku afe lɛma yi, Yuda batii bawo lasiɛ di Kiriat Arba ku nsiɛkɔ be niamana nwu kuakyi nii. Di Dibon ku nsiɛkɔ be niamana nwu kuakyi nii, di Yekabseel ku sekpoonyii nimi,26di Yesua, di Molada, di Bet Pelet,27di Hasar Sual, di Beer-seba ku nsiɛkɔ nimi,28di Siklag, di Mekona ku nsiɛkɔ nimi,29di En Rimon, di Sora, di Yarmut,30Sanoa, Adulam ku sekpoonyii lɛma, di Lakish ku afe ninya, di Aseka ku nsiɛkɔ nimi. Nioso baasiɛ diayɔ ni di Beer-seba osuku omuu dialaadu ni Hinom Ɔtaata.31Benyamin banantii ba niakye ni Geba lasiɛ di Mikmas, Aiya, Betel ku nsiɛkɔ nimi,32di Anatot, Nob ku Anania,33di Hasor, Rama ku Gitiaim,34di Hadid, Seboim ku Nebalet,35di Lod ku Ono ku Nnɛɛ-Kamɛ Bakpɛntɛ Ɔtaata nwu.36Ni di Lewi batii akudi awo niawɛ ni di Yuda lasiɛ di Benyamin nɛ.The Seed Company