YOB26
Yob Lakple Aadiki Kanya
1Ninfɛ di Yob ladiki kanya alɛ:2“Nyu mmle fɛɛkyakaako ni mba ninaa ni osie!Mmle feefũ ni nnɛɛ be niekpiɛkpiɛ ni!3Mmle faakakatɛ faata ni otii wɔ ninaa ni lɛsaatofo!Ku lɛsaatofo kplɛ le feediki feetuo nii!4Owe niakyakaako fɔ fiɛ faabuɛ sɛlaa se mmle?Owe ninwuna kafɔɔ niakakatɛ di kanya lɛfɔ?5“Bakpi nsi di dibuo kplɛ kamɛ,mba di ntu kalɔ ku mba bamuu ninsi mi ni kaamɛ.6Kukpi nle lɛkyɔtɔ di Yaa anu;Kawɔɔ kafɔɔ nte manantĩi ni lɛsaa.7Yaa mblɛfɛsa katoo-kasɔ kolo di lɛba fukuti suoto;anta kasɔ nsaka di lɛsalɛsaa suoto.8An-ninii ntu di alɔkonkyɛ nɔɔ,kafɔɔ alokonkyɛ nwu nimbiɛ di onutũ lɛma kalɔ.9Yaa ntĩi kɔwɛntɛ kumuu anu,anfukuti alokonkyɛ nɔɔ antĩi kũ.10Ɛɛtɛ nsũ di nfũ ninte ni fɛle kasɔ ku kolo nkyakakɔ di ntu nwu anu,ɛɛta kɔmɛ di lɛkpa ku ditunu ntɛɛ.11Di nimuɛ nɔɔ kanya,osi akpaka nwu ntũkũ.12Di osie nɔɔ kanya ambakaa lekpo;di lɛsaatofo nɔɔ kanya aabubudi Rahab wɛkyɛwɛkyɛ.13Di owiidi nɔɔ didiki yi, kolo nwu lakpa;kɔnɛɛ nɔɔ aayɔ aatofo kɔsaanwu kplɛ nwu di lɛkpo kamɛ.14N-ya mmle ninle ɔlɔɔkɔ sɛkpɛ se di Yaa labla ni nɛ;sɛwɛɛwɛɛ nɔɔ biibii lete munnu!Ni owe nfɛ nimafuo osie nɔɔ dikpududuu kasɔ onu?”The Seed Company