YOB15
Elifas Lasĩ Ɔlaa Aata Yob
1Ninfɛ di Elifas, Teman otii nwu ladiki kanya alɛ:2“Numbentɛ kadiki kanya ku sibuulaa,ee an-yiisa kafutu nɔɔ ku kufĩ katunkɔ kɔfɛɛfɔ kpankpa nwu?3Abayɔ sibuulaaku lɛkakatɛ le ninandie ni lɛsalɛsaa annanfiko ɔlaa?4Kafɔɔ bia afɔ foodiɛ Yaa ɔyɛkɛ,fɔɔwakosa kafɔɔ Yaa kasumu kasɔ.5Sikpile lɛfɔ kotuo kanya lɛfɔ asaa;fakpe ɔkplalomii wɔ nin-ye ni kakyɔnkyɔ.6Kanya lɛfɔ kamu ninlo fɔ lɛpɔɔ, diele kale mi;anyasibi lɛfɔ amu niɛtaka ayɛ di suoto lɛfɔ.7“Afɔ ninle otii kasale baalofo ni?Baalofo fɔ fiɛ nfɛ di akpenkpe lawa?8Fantoonu mmle di Yaa kamadiki ni kɔkpaa?Feenyu falɛ lete lɛfɔ ninkpe ninumbe?9Obe lɛsaa faye di awo buoye?Obe lɛsaatofo ninkpe fɔ di awo dinaa wo?10Asi pule nwu ku banɔɔfo benne nwu nkpe di kakyɛ loo,batii ba bia nintoobe balenke ni teefɔ.11Yaa sɛlaa se ɛɛkakatɛ ɛɛta fɔ ni buɛɛ,eekpee fɔ ni kɔnɛɛ kaafutu diipɔ fɔ?12Obe oso di otu lɛfɔ kɔkpaa fɔ kunsifiko nkpo,obe oso kafɔɔ di anu lɛfɔ kofenfe nkpo,13alɛ faasoosa ɔblɔ lɛfɔ di Yaa suotofandiki sɛlaa nwu nkpo di kanya lɛfɔ?14“Obe di otii nle, alɛ abakpa kɔmɛ,ee nnwɔ di ɔsanko lelofo ni, alɛ aate tinini?15Nse Yaa dietika disi di baklekletɛ suoto,nse bia osi diɛkpa kɔmɛ di anu nɔɔ16fiɛ nfɛ aatika disi di otii wɔ ninle ni diyududusaa, oole ni sikpile,oonyi ni akpilesaa fɛle ntu!17“Kyɔɔ mi atoko nindiki kamɛ nta fɔ;tɛɛ ntɔkɔ fɔ lɛsaa le ntɔɔnya ni,18lɛsaa le di banumbentɛ labuɛ nii,batawofasa ni lɛsalɛsaa baafũ ni bate lɛma nfũ19(di mma lete baata ni kasɔ nwualɛ ɔfɔɔ kuonwii atankpɔtɔɔ ni di kamɛ lɛma):20Dibuo kamɛ di kpiletɛ nsiɛ di ayi nɔɔ amuu kamɛ,amumublatɛ kafɔɔ di alɛɛ nɔɔ amuu kamɛ.21Difu sɛlɔ n-yii atoko nɔɔ;nse asaa amuu lɛlɛ ɛɛtɔɔ yi, bayu ndieko nwɔ.22Annfũ aanu alɛ abadie di ditunu kamɛ;kapamii ninte kasoko nwɔ nɛ.23Ankyikyii- amiɛ alɛsaa;aye ni alɛ ditunu dii nwu ntoosũ nwɔ nii.24Nimiina ku dibuo nkpee nwɔ difu;anfua nwɔ fɛle ɔka wɔ niɛtaka ni kakpɛ,25diekye eemu lɛklɔklɛ nɔɔ ɛɛkyɔɔ Yaaantaka an-yila di Nnwɔ Ninlenke ni suoto,26an-yɔ onunsie antaka anyila di Yaa suotoku kubidifunsaa pinle siene.27“Nu di anu nɔɔ nkpe suoto asi lɛlaɔtɔ nɔɔ kafɔɔ lekpinkpĩ yi,28abasiɛ di sekpoo se nintoobiɛ ni,di ayo ya di otii kuonwii diesi nii,ayo ya nintoobibiɛ ɛɛbla ni wɔkyɔwɔkyɔ.29Dilɔbasinlɛ nwɔ diidii, lɛsaawɛ nɔɔ kafɔɔ dilɔbasinte,ee asaa nɔɔ akpɛ akyaka kasɔ nwu.30Ɔlɔbatoso ditunu nwu;ɔtɔ kamafiɛ sɛla nɔɔ,Yaa owiidi kafɔɔ kamatuka nwɔ kunsifiko.31Tanta aakyɔnkyɔ suoto nɔɔ alɛ aatika asaa ya ninandie ni lɛsalɛsaa disi,diekye ɔlɔbawɛ lɛsalɛsaa sɛɛmaa.32Fiɛ di obe nɔɔ kamawo nii, babatɔɔ koto kumuu,sɛla nɔɔ kafɔɔ dilɔbatataa.33Abate fɛle lewosobi le ninambe ni fiɛ diɛkpa nii,fɛle nnɔnyi kowoso ko atoto nikɔkpakpaa nii.34Diekye mba ninan-ye ni Yaa dikudi kamale ɔlɛma,ɔtɔ kafɔɔ kamafiɛ mba nimbɔmbɔ ni ditunu kamɛ asaa ofũ.35Manlaka sɛlaa kpile lɛmɛ, manlofo okpile;olofofɔtɔ lɛma nlofo kakyɔnkyɔ.”The Seed Company