YOB12
Yob Lɛnyadiki Di Basiɛwo Nɔɔ Batiɛ Ɔlaa Suoto
1Ninfɛ di Yob ladiki kanya alɛ:2“Nwaako aye ninle batii nwu nɛ,ninumbe kafɔɔ kamakpi ku aye!3Kafɔɔ nkpe disibu fɛ aye okle;Ninwakasɔ nlenke ye.Owe ninan-ye asaa ya mmle amuu?4“Ntookple lɛmansaa lɛta basiɛwo nii,nu ninlɛɛ Yaa, antuna antɛɛ-lɛmansaa ko nle, nu nte tinini, di ole kuonwii kafɔɔ nnaa ni di suoto nii!5Batii ba dilɛ ni mma mba di asi diɛlɛ ata nii,fɛ mmle dite dita ni mba nkpaa nikɔfɛntɛ nii.6Bayu akpaayo nnaa ole kuonwii,mba ninklee ni yaa lɛma ninnɛɛ lɛma-ku batii ba ninkpee ni Yaa ɔblɔ nsi kloklo.7“Kafɔɔ kaalɛ babɔkɛɛ nwu, babatuo fɔ kafɔɔ,ee bakansiɛ di kɔfɛɛfɔ, babatɔkɔ fɔ kafɔɔ;8ee kakatɛko kasɔ, kabatuo fɔ kafɔɔ,ee ta kɔkpaku di lekpo kamɛ kuta fɔ letofo.9Asaa ya mmle amuu, lɛmɛnle ninan-yealɛ SAATE nwu kɔnɛɛ niɛbla nle mmle?10Kɔnɛɛ nɔɔ kamɛ di kabɔkɔbi biala nkpa nsi,ku batii bamuu ninwuna.11Diele kotoko ninnu sɛlaa,fɛ mmle di ɔkplalomii n-tu ni alesaa?12Ninumbe diele banɔɔfo kamɛ dikpe?Diele nkpa kaanale ninwako lɛsɔnu?13“Yaa nimba ninumbe ku osie;kɔkà ku lɛsɔnu kafɔɔ nle nwɔ ale.14Blɔbafuo nle eebiɛ ɛɛtɛ ni kaasɔ lese letofo;blɔbafuo otii wɔ ɛɛtɛ ni di leyo katenkɔ odiki.15Nse eetĩi kanto osuku, kayi nkoso;nse eediɛ nwɔ nnɛɛ, asaa kamalalaa di kasɔ suoto.16Osie ku lelenkee ale nwɔ ale;otii wɔ bɛɛkyɔnkyɔ ni ku nnwɔ niɛkyɔnkyɔ nii, banyɔ nwu bale nwɔ bale.17Andiki mba ninta ni kɔkà kalɔanta kafɔɔ bakantɛ mbla babuutɛ.18Yaa ninfũ osie di baka nnɛɛanta ma mampɛ atapo di sɛtɔ lɛma.19Andiki olebatatɛ di nsiɛkɔ lɛmaantakatɛ batii ba nintosiɛ ni di akpomii bɛɛklɛ nii.20Yaa mmaasa anyasibi ya beetika ni disi anta ni batii kɔkàanklee banɔɔfo dibu kafɔɔ anfũ.21Ankpee banɔɔfotii sinunsɔanfũ osie kafɔɔ di basientɛ nnɛɛ.22Andiki ditunu kamɛ asaa kplɛ kayi,an-yɔ kafɔɔ ditunu kplɛ anwako lɛkpa kamɛ.23Anta nnle mbla nkplɛ, nnwɔɔ kafɔɔ ninwɔɔsa mi;ankpɛnsa nnle, nnwɔɔ kafɔɔ ninsamiisa mi nɛ.24Anklee baka di kasɔ suoto lɛsɔnu anfũ di nnɛɛ lɛma;anta ma mankyɛ mantookyikyi di ɔfaafuu di nfũ di osuku diete nii.25Mampɛpɛɛ nnɛɛ di ditunu kamɛ di lɛkpa nnaa nii;ninta ma mantuntula fɛle batasiɛntɛ.The Seed Company