YESAYA57
Beelo Israel Batii Kafiɔsumu Lɛpɔɔ
1Batii tinini nkpi,konwii kafɔɔ nin-yɔ nwu ole di otu nɔɔ kamɛ;mankpaa Yaa batii mansifiko;kuonwii kafɔɔ ninnu kasɔalɛ bɔɔkpaa batininitɛ mansifikoalɛ baadiki ma mankyeko sikpile kamɛ.2Mba ninkyɛ ni di osuku kanyansiɛ di atoko ɔkyɛ ole kamɛ;manwɛ ɔnyɛɛ katɛkɔ di obe wɔ bate ni di kukpi kamɛ.3“Kafɔɔ aye-biwa ninfũ, aye bɔmpɛtɛ-sanko babisuɔtɔbi,aye basɔnɔkpeetɛ ku mba nindie ni basa lɛma kamaa babi!4Owe biɔma?Owe biɔkyɔɔ kanyamindiki sɛkplalomii lee minkyɔɔ?Diele batokopĩtɛ,ku balaatɛ babi bile?5Suoto nfiɛtũ ye di awoso kplɛ nwu kamɛ ku akɔnsɔ akleesaa leedi kowoso biala niefukuti ni kalɔ;min-yɔ babi lee minta oleɔta di awɛ nwu kamɛku afuɔ sɛkyɛɛfɛ se ninsaka ni kalɔ.6Afiɔ nwu di afuɔ kylɔkylɔ nwu kamɛ di awɛ nwu nle kalekɔ lɛfɔ;ale fɔ, ale fɔ di amuu nle.Nwaako, nnya feekpete asaaɔta nta fɛɛta,fɛɛta kafɔɔ alesaa asaaɔta fɛɛta nɛ.Di n-ya mmle nte ni temple mmle, ni kalo kanana nsiɛ nɛ?7Fɛɛtɛ atensaa lɛfɔ di lekpenkpe takale kakyokyookɔ;nfa osi faakyɛ faalaata oleɔta lɛfɔ nɛ.8Akloo ku akloo sewoso lɛfɔ sɛmaafɛɛtɛ lɛfatii lɛfɔ nsũ lɛtɛsaa nɛ.Feesĩ mi, feetekete asaa di atensaa lɛfɔ suoto,feefukuti nya foo fɛɛkata feete nya di suoto;fanle kɔya ku mba atensaa fambɔmbɔ nifannyu akyɔtɔ lɛma.9Faakyɛ Molek nfũ ku nnɔnyifaata nnɔnyi kɔnɔkɔnɔ lɛfɔ lakpɛ.Faakpee batɔkyɛntɛ lɛfɔ kɔtɔ fanfa;faasoo faasifi ɔkya omu kamɛ!10Faakyi diabuo fɔ di sisuku lɛfɔ simuu suoto,kafɔɔ fatabuɛ falɛ, ‘Kasakasa dile.’Faakple faawɛ osie,nioso ɔnyɛɛ dita loo fɔ.11“Owe niakpee fɔ difu faayɛkɛ kafɔɔalɛ faalaa faatɛɛ,alɛ fatanyuma miee fabu nwu disi di otu lɛfɔ kamɛ?Diele mmle lelo ni kanana diɛklɛ ni osofɔnɔɔyɛkɛ mi nɛ?12Kamadiki ɔsaabla tinini ku sɛkpɛ lɛfɔ kayi,silɔbakyakaako fɔ kafɔɔ.13Nse feewi fɛɛkaalɛ lɛkyakaako yi,faata afiɔ lɛfɔ nwu feesiisa ni adiki fɔ!Kɔfɛɛfɔ matuka nya amuu ansifiko,owiidi lete nimafɛ nya ansifiko.Kafɔɔ otii wɔ niɛyɔ mi ɛɛbla ni katanikokɔ nɔɔmale kasɔ atesaaan-yɔ kafɔɔ kobokote klekle nii fɛ atesaa.”Yaa Labuɛ Aatɛ Alɛ Abakyakaako Ankya Kafɔɔ Sifiɛ
14Ni bababuɛ alɛ:Bibla, bibla, bilolaa osuku!Bikyisa osuku atĩisaa di batii osuku suoto bitɛ.”15Diekye nnya ɔlaa wɔ di Nnwɔ niɛtaka ni katoo kaatakalekɔ-nnwɔ ninkpe ni nkpa anaa ni kaloo, di leyooto nɔɔ ninle ni klekle kobuɛ ni:“Nsi di lɛba takale ku Kakleklekɔ,kafɔɔ nsiko otii wɔ niekyisa ni nkpa di ninwuna nɔɔ lɛwa ni kasɔ,makpee nnwɔ ninwuna niɛwa ni kasɔ osienkpee kafɔɔ nnwɔ niekyisa ni otu ɔnyɛɛ.16Namatɛ nwɔ kolo dinaa ni kaloo,ee nnya ɔblɔ obe lele,diekye se diele nkpo otii ninwuna maloo ɔnyɛɛ di anu nii-otii ninwuna le lɛbla nii.17Lanya ɔblɔ ta onunsɛɛ kpile nɔɔ oso;lananfi nwɔ kootoko, lawofasa anu nii kafɔɔ di ɔblɔ kanya,kafɔɔ aakple aatɔɔkyɛ di abiesaa nɔɔ sisuku.18Ntɔɔnya sisuku nɔɔ, kafɔɔ kamakya nwɔ ofiɛ;matuo nwɔ osuku ninkple nta otu nte nwɔ,19nta katansa sinu ndie di Israel kaku bawitɛ anyasibi.SAATE nwu alɛ, “Atoko ɔkyɛ ole, atoko ɔkyɛ ole asiɛko mba niekyo ni ku mba niɛtɛɛtɛɛ ni,kamakya ma sifiɛ kafɔɔ.”20Kafɔɔ bakpiletɛ nte fɛle lekpo le nikɔpɛ ni,ninamafuo ni ote kloklo,di lekpo ntu nwu ndiki ni aku ku apatampata.21Yaa nii alɛ, “Atoko ɔkyɛ ole nnaa ɛɛta bakpiletɛ.”The Seed Company