YESAYA56
Nnle Mmuu Kamakyakaa Di Yaa Batii Suoto
1Nnya ɔlaa wɔ di SAATE nwu kobuɛ ni:“Bimufũ lɛka tinini bikleebiɛbla nle ninlɛ ni kafɔɔ,diekye didiki nii ntɔɔtɛɛtɛɛdilɔbaklɛ babadiki ɔsaabla tinini nii kafɔɔ kayi.2Suoto siyɔɔ otii wɔ nimbla ni nle mmle,otii wɔ niemufũ nwu akle ni kpinkpĩ,oole ni lɛnyɛɛtɛyi nwu ɔnɔɔlalaasa ni nii,ɛɛblasa ni suoto nɔɔ di okpile lele ɔbla suoto.”3Bitanta ɔfɔɔ wɔ niemufũ SAATE nwu akle ni kuonwii labuɛ alɛ,“Nwaako SAATE nwu kamadiki mi di batii nɔɔ kamɛ.”Bitanta otii wɔ beediki ni ɔsayɛ lakakatɛ alɛ,“Kowoso kosole lete nle.”4Diekye nnya ɔlaa wɔ di SAATE nwu lebuɛ ni:Mba beediki ni ɔsayɛ boole ni anyɛɛtɛyi nii,mannyu ni nle nin-yɔɔ mi ni kafutumammufũ kanya ninii nii mankle ni kpinkpĩ-5mma mayɔ olekatakɔ nii ku seyoyiɛ nini ntaonyuma ku leyootole ninlɛ dilenke ni babisuɔtɔbi ku babisankobi ale;mata ma leyooto le ninaa ni kalooninamayɛ ni kafɔɔ.6Bafɔɔ ba kafɔɔ niɛyɔ suoto lɛma bɛɛkaasa ni di SAATE nwu selealɛ bɔɔbla nwɔ ni ɔkpɛ,alɛ bɔɔbɔmbɔ ni SAATE nwu leyooto,alɛ boosumu nwɔ ni kafɔɔbaamuu boole ni lɛnyɛɛtɛyi nwu mɔnɔɔlalaasa ni nii,mammufũ kanya ninii nii mankle ni kpinkpĩ-7n-ya mmle mawako di kobokote nii klekle suotonta ma suoto lɛyɔɔ kafɔɔ di ɔlaa ɔpɛ leyo nii kamɛ nɛ.Babafũ ɔfiɛ asaaɔta ku oleɔtalɛma nwu di oleɔta akyikye nii suoto;diekye babalɛɛ leyo nii alɛɔlaa ɔpɛ leyo diɛta ni nnle mmuu.”8nwunnwɔ ninsiisa ni Israel batii ba bɛɛsamiisa ni alɛ:“Makple nsiisa babamba nwako mankyakaa di mba ntoosiisa ni suoto.”Beelo Israel Batunletɛ Lɛpɔɔ
9Aye afe babɔkɛɛ bamuu, biwa,aye lepoo kamɛ babɔkɛɛ bamuu, biwa biɛbabɛbɛɛ!10Israel asaabanyuntɛ anu lebiɛ,bamuu nnaa lɛsaatofo;baweewee ba niɛmaasa ni nnya baamuu nle,boloofuo okpoku;bate bɔɔsɛ alaafɔ,mambɔmbɔ sɛkyɔsĩ.11Baweewee bapokyua baletɛ kplɛ bale;mammiɛ diidii.Bafoso bakpatɛ ba ninaa ni lɛsɔnu bale;bamuu lekyi beefe di osuku lɛma omu,obiala komiɛ lɛlɛ nɔɔ nimu.12Obiala kɔlɛɛ alɛ, “Wa, tɛɛ mmiɛ nta!Bita bunyi nta siene nwaa!Kɔsɛɛ kafɔɔ mate fɛle miɛ,ee bia dibalenkee.”The Seed Company