YESAYA48
Yaa NinleSAATEDi Asaa Ya Nimawa Ni Kaayi Kamaa
1“Oo Yakob leyo batii, binu ɔlaa wɔ mmle,aye ba bɛɛlɛɛ ni ku Israel leyootobiekye ni Yuda kɔna kamɛ,aye ba niɛka ni ntam di SAATE nwu leyooto kamɛminlɛɛ ni kafɔɔ Israel Yaa nwu-kafɔɔ diele di onukwale ee di ɔsaabla tinini kamɛ-2aye ba ninlɛɛ ni suoto bilɛ bile ni okpoo kplɛ klekle nwu kamɛ batiibietika ni Israel Yaa nwu kafɔɔ disi-SAATEwɔ Ninlenke ni ninle nwɔ leyooto:3Saa sɛlaa labuɛ latɛ kofokofoko,kanya nii niabuɛ sĩ, ni lata baatofo sĩ nɛ;nfanwu, ni labla nɛ, ni siawa kaanya nɛ.4Diekye n-ye mmle okle bikpe ni otokopĩsimu kũ lee kafɔɔ nte fɛ lɛbɔɔsaa,ntũ lee kafɔɔ fɛ kupa.5Nkpo oso latɔkɔ ye asaa ya mmle kofokofoko;fiɛ aawa ni kaanya, latɔkɔ ye nyammle okle minamafuo ni obuɛ bilɛ‘Afiɔ nii niɛbla nya; kowoso ku abɔɔsaa afiɔ nii niɛta nya akpe.’6Bitoonu sɛlaa se mmle; binyu asaa amuu nfɛ.Biloofũ nya bikpee nfɛ?“Diɛyɔ ni di ninua diesifi nii, kamatɔkɔfɔ asaa fɔle nfɛ,awofasaa ya fananye nii.7Nunua batɔɔbla nya, diele kofokofoko bɛɛbla nya;fadinu nya ɔlaa diidii fiɛ ditabadu miɛ.Mmle okle fanamafuo ni obuɛ falɛ,‘Kuo, n-ye nya.’8Fadinu ee fanu kasɔ;diɛyɔ ni bia saa atoko lɛfɔ diitikiti.Lɛtɛ n-ye nwaa nlɛ fambla asaa di osuku kanya;bia kaalofokɔ lɛfɔ manlɛɛfɔ nnwɔ niɛtaka ayɛ ni baatii suoto.9Ta leyooto nii oso letika ɔblɔ nii kɔnɛɛ;ta baatii katansa mi ni oso lemufũ nwu nkle di suoto lɛfɔ,mmle okle ninaawɔɔsa fɔ ni oso.10Nyu, ntoose fɔ lefoto, kafɔɔ diele fɛ koto fututu;ntɔɔsɔ fɔ lenyu di ɔtɔ dibuo kamɛ.11Ami oso, ami oso, lɛbla nle mmle.Lɛ kakpɔnɔfɔsa suoto?Namayɔ dibu nii nta otii bamba.Kores Tunlentɛ Wɔ DiSAATENwu Ladiki Nii
12Oo Yakob, kyɔɔ mi atoko,Israel, nnwɔ ntɔɔlɛɛ ni:Ami ninle nnwɔɔ;Ami ninle ɔkasale, Ami kafɔɔ ninle ɔyɛntɛle13Ami omu kɔnɛɛ niɛtɛ kasɔ lɛsɔse,koletanɛɛ nii kafɔɔ niɛblɛfɛsa kolo;Obe wɔ lalɛɛ ma nii,ni di amuu lakyɛkyɛ aataka aayila nɛ.14“Biwa biɛbasi bamuu lee biɛkyɔɔ atoko:Afiɔ nwu amɛnle lɛnya nintoodibuɛ sɛlaa se mmle?SAATE nwu otii wɔ atoodikiababla ni di disibu nɔɔ le akle ni di Babilon suoto;bakpɛtɛ nɔɔ kamataka di Babilon batii suoto.15Ami, nwaako Ami, niebuɛ;nwaako, ntɔɔlɛɛ nwɔ.kamakpaa nwɔ nwako,osuku nɔɔ nwu kafɔɔ kamalɛ nwɔ ɔkyɛ.16“Bikpukuti bitɛɛtɛɛ mi, bienu kafɔɔ ɔlaa wɔ mmle:“Di kasɔkakyekɔ ntakakatɛ di lewofa kamɛ;obe wɔ diawa ni kaanya, lawɛ ninfa.”Kafɔɔ nunua, SAATE Kplɛ nwu lekpee mi kɔtɔ,ku Ninwuna nɔɔ.17Nnya ɔlaa wɔ di SAATE nwu kobuɛ ni-Dikitɛ lɛfɔ, Israel Klekletɛ Nwu alɛ:“Ami ninle SAATE Yaa lɛfɔnnwɔ nintuo fɔ ni lɛsaa le ninlɛ dita fɔ nii,nnwɔ ninkpaa fɔ anfenko ni di osuku wɔ suoto dikpeni fanfe nii.18Nse fɛ fankyɔɔ afiofa nii atoko yi,atoko ɔkyɛ ole lɛfɔ ntabate fɛle okle,ɔsaabla tinini lɛfɔ kafɔɔ fɛle lekpo afɛɛfɔ.19Banantii lɛfɔ ntabapɔ fɛle ɔtɛnsĩa,babi lɛfɔ kafɔɔ ntabapɔ fɛle ofuɔwɛkyɛbataayɛɛsa ma leyooto diidiiee bawɔɔsa ni di anu nii.”20Bidie di Babilon,bietoso bidie di babilon batii kamɛ!Bibuɛ ɔlaa wɔ mmle ku suoto lɛyɔɔ kudubibuɛ nwu kafɔɔ bitɔkɔ batii.Bikyesee nwu kasɔ nyɛntɛlekɔ;bibuɛ bilɛ, “ SAATE nwu ntoodiki kpɛmblatɛ nɔɔ Yakob.”21Otukɔnsɔ ditaklee ma di obe wɔ aakpaa ma aafenko ni di ɔfaafuu;aata ntu ladie di difuɔkpaa kamɛ diata ma;aabɛ difuɔ nwuni di ntu latofo diadie nɛ.22SAATE nwu alɛ, “Atoko ɔkyɛ ole nnaa batii kpile.”The Seed Company