YESAYA45
SAATENwu Ladiki Kores
1“Nnya ɔlaa wɔ di SAATE nwu kobuɛ antɔkɔ nnwɔ ɛɛpɛ ni ɔfɔɔ,Kores, nnwɔ koletanɛɛ atoomufũabawakosa ni nnle kasɔ di anu nɔɔ,ankle baka akpɛsaa lɛma kafɔɔ anfũ,ansɛkɛtɛ n-yoko di anu nɔɔalɛ blɔbasinsɛɛ n-yoko nwu:2Kamale fɔ katũnkyɛkyɛsa abokote;kamabibiɛ kupa n-yokonfefee kafɔɔ abɔɔsaa sewoso.3Kamayɔ asaa ya niefũ ni kɔya beekookaa ni di ditunu kamɛ,ku lɛsaawɛ le ninte ni di kawofakɔ nta fɔ,alɛ fabatofo falɛ Ami ninle SAATE nwuIsrael Yaa nwu, nnwɔ niɛlɛɛ fɔ ni ku leyooto.4Ta kpɛmblatɛ nii Yakob,ku Israel wɔ lediki ni oso,lɛlɛɛ fɔ ku leyootolɛyɔ dibu leyooto kafɔɔ lɛta fɔ,nu, fanaditofo mi.5Ami ninle SAATE nwu, kuonwii nsinnaa;ami kamaa, Yaa kuonwii nsinnaa.Kamakpee fɔ osie,nu, fanaditofo mi,6alɛ diɛyɔ ni di kufĩ katunkɔdiɛlaase ni kaamɛɛkɔbatii katofo alɛ, kuonwii nsinnaa akyaka ni di ami.Ami ninle SAATE nwu, kuonwii kafɔɔ nsinnaa.7Ami niɛbla lɛkpa ku ditunuami niɛwako lɛlɛ, ni lɛbla dibuo obe nɛ;Ami, SAATE nwu, niɛbla asaa ya mmle amuu.8“Afɔ osi kaatoo, nyɛɛnɛ ɔsaabla tinini fakpete kaasɔ;faata alokonkyɛ anyɛɛnɛ nwu akpete kaasɔ.Ta kasɔ kasɛkɛtɛ yaaa,faata didiki didie diwa,diɛta ɔsaabla tinini dimuɔ ku nni;Ami, SAATE nwu, niɛbla ni.9“Otii wɔ nikɔlɔ ni ku Blatɛ nɔɔ ayɔɔsa,kɔtɛ ko ale di dibukii blatɛ nnɛɛ kamɛ.Kɔtɛ nkaalɛ dibukii blatɛ alɛ,‘Be fɔɔbla nɛ?’Sɛɛ, ɔkpɛ lɛfɔ nkaalɛ fɔ alɛ,‘Nnɛɛ nnaa fɔɛ’?10Otii wɔ nimatɔkɔ ote alɛ,‘Obe oso feelofo mi?’ee ɔya alɛ,‘Obe oso faakɔɔsĩ mi faadiki?’ ayɔɔsa.11“Nnya ɔlaa wɔ di SAATE nwu kobuɛ ni-Israel Klekletɛ Nwu, ku Blatɛ nɔɔ:Di asaa ya nimawa ni suoto,biɔkaalɛ mi sɛlaa di babi nii suotoee biɔtɛɛ afiofa di kɔnɛɛ ni okpɛ ɔbla suoto?12Ami niɛbla kayini lɛbla otii lekpee kaamɛ nɛ.Ami omu nnɛɛ niɛnanfi kolo;ni ladiki kanya ni di osi asaa ladie nɛ.13Kamatakatɛsa Kores di ɔsaabla tinini nii suoto:Kamabla sisuku nɔɔ simuu sinyila.Abase okpoo kplɛ nii nwu letofoanta kafɔɔ batii nii ba beemufũ ni sɛlanle suoto osiɛko,di letota ee lɛsaa ɔta nnaa nii,SAATE wɔ Ninlenke ni niebuɛ.”14Nnya ɔlaa wɔ di SAATE nwu kobuɛ ni:“Egipte lɛsaawɛ ku Kus asaa sunsũleku Seba batii nwu nieyefe ni kasɔ-babawa fɔ ɔkyɛmankple fɔ bale kafɔɔ;babatikanko fɔ sɛɛmaa,manwa ɔkyɛ lɛfɔ di akpo kamɛ.Babapɛ akunkyi kaatũ lɛfɔmantikiti fɔ lekoto kafɔɔ mambuɛ alɛ,‘Nwaako Yaa nsiko fɔ, kuonwii kafɔɔ nsinnaa;yaa bamba kuonwii nsinnaa.’ ”15Nwaako Yaa wɔ ninwofasa ni suoto fale,Oo Yaa ku Israel Dikitɛ.16Babakpee afiɔ bablatɛ bamuu sinunsɔ, mankpee asi kaasɔ;babakyɛ dikudi mansifi di sinunsɔ kamɛ.17Kafɔɔ SAATE nwu kamadiki Israelku didiki le ninnaa ni kaloo;bɔlɔbakpee fɔ sinunsɔ ee fakpee anu kaasɔ,diesifi ni dinaa kaloo.18Diekye nnya ɔlaa wɔ di SAATE nwu kobuɛ ni-nnwɔ niɛbla ni osi,ninle Yaa;nnwɔ niabla ni kayi, ni aadiki ka letembiaabla ka nɛ;atabla ka alɛ kate kafukuti,kafɔɔ aabla ka alɛ batii kasiɛ ka kaamɛ-aabuɛ alɛ,“Ami ninle SAATE nwu,kuonwii kafɔɔ nsinnaa.19Ntakakatɛ di lewofa kamɛ,di kasɔ lɛba lewo di ditunu kamɛ;ntatɔkɔ Yakob banantii nlɛ,‘Biwolaa mi kasakasa.’Ami, SAATE nwu, mbuɛ onukwale;mbuɛ ɔlaa wɔ ninte ni nkpo.SAATENwu Lelenkee Nnle Ku Babilon Afiɔ
20“Bisiisa bawo biɛwa;bisi, aye nnle be niɛka ni sɛɛfɔɔkpoo.Aye ba nintuka awosokuu afiɔ biokyiko ni bieye lɛsalɛsaa,biɔpɛ ɔlaa minta yaa wɔ ninanfuo ni otii odiki.21Biwa biɛbadiki ɔlaa lee bibuɛ-bita ma basi baakpee asi baawo.Owe niabuɛ ɔlaa wɔ mmle aatɛ kofokofoko,owe niabuɛ nwu aatɛ saa?Diele Ami SAATE nwu?Ami kamaa Yaa kuonwii kafɔɔ nsinnaa,Yaa tinintɛ ku dikitɛ;kuonwii nsinnaa akyakaa di ami.22“Bimunikĩi biwa ɔkyɛ nii biɛwɛ didiki,aye kasɔ nyɛntɛlekɔ mmuu;diekye Ami ninle Yaa, kuonwii kafɔɔ nsinnaa.23Lɛka di suoto nii,kanya nii ntoobuɛ ɔlaa wɔ ninte ni nkpoɔlaa wɔ ninɔmakyi ni diidii:Dikunkyi biala kamawa kasɔ di anu nii;ɔkplalomii biala kamaka ntam antɛɛ.24Bababuɛ di suoto nii alɛ, ‘Di SAATE nwu lete kamɛdi ɔsaabla tinini ku osie nsi.’ ”Batii ba bamuu niɛnya ɔblɔ beekpee ko nwɔ niikamawa ɔkyɛ nɔɔ, sinunsɔ kafɔɔ kamakpɛ ma.25Kafɔɔ di SAATE nwu kamɛ, Israel banantii bamuubabanya ma batii tinini, mantakatɛsa ma katoo kafɔɔ.The Seed Company