YESAYA35
Leklele Osuku
1Ɔfaafuu ku kasɔ kosole kamapɔ́;lɛkpɛnyi kasɔ kamanya suoto lɛyɔɔ kandie atoto.Fɛle slɛlɛ,2kabafukuti ku atoto;kabanya suoto lɛyɔɔ kplɛ kanyiisa kudu ku lɛpɔ́.Babayɔ Lebanon dibu manta ka,Karmel ku Saron sɛlɛ kafɔɔ manta ka;babanya SAATE nwu lɛkpa,ku Yaa loo sɛlɛ.3Bikpee mba di nnɛɛ ntoofee ni osie,biekpee mba di akunkyi nnaa ni ɔnyɛɛ osie;4bitɔkɔ mba nikɔyɛkɛ ni bilɛ,“Bikpee otu, bitanyɛkɛ;Yaa lee kamawa,abawa ku ɔbla okyisa;ku Yaa omu letoko nanfi;abawa amadiki ye.”5Ninfɛ di banumbiɛtɛ anu kamatikitibatokotĩitɛ kafɔɔ atoko kamatikiti nɛ.6Ninfɛ di mba niefefee basi ni kaasɔ kamayefe fɛle kafɛ,mba kafɔɔ ninanfuo ni ɔkakatɛ kamayiisa kudu ku suoto lɛyɔɔ.Diekye ntu kamataa di lɛkpɛnyi kasɔseklenyii kafɔɔ di ɔfaafuu.7Ɔtɛnsia filale kamakple ntu lɛpanta,ntu kamatɔɔtaa di kasɔ kosole nwu.Lɛnwaakɛ ku lɛkpɛnyi ku sifrifa kamayie,di lepoo kamɛ baweewee kasiɛkɔ nfũ mantɛ ni ɔnyɛɛ.8Osuku kplɛ kamate ninfa;babalɛɛ nwu Leklekle Osuku.Mba ninkyɛ ni di Osuku nwu suoto ole kubale;mba ninanklekle ni dilɔbakyɛ nwu di suoto;basiensietɛ babuutɛ bia dilɔbayu ni-nwu suoto.9Kyata kuonwii dilɔbawɛ ninfa,ee bɔkɛɛ yakayaka kuonwii dilɔbakyɛ nwu di suoto;blɔbanya ma ninfa.Kafɔɔ mba beediki ni lete nimakyɛ nwu di suoto,10mba di SAATE nwu lefũ ɛɛya ni nimakple manwa.Bababuo Sion ku sinu ɔsa;suoto lɛyɔɔ le ninaa ni kaloo nimatika ma di asi.Lɛpɔ́ ku suoto lɛyɔɔ nimale ma lele,sɛnyaami obuo ku hũu ɔbla dilɔbasinwɛ.The Seed Company