YESAYA29
Lɛsaa Le Nimawa Ni Di Yerusalem Suoto
1Oo, Ariel, Ariel, yɔɔsa,okpoo kplɛ wɔ di Dawid nsi ni!Bikyakaa lɛlɛɛ di lɛlɛɛ suotobiɛta ayi ole lee kafɔɔ akyi atɔɔwa.2Kafɔɔ kamamana Ariel nkyi;abawi kaku ku sɛnyaami,abate fɛle oleɔta akyikye antɛɛ.3Kamasi mmana fɔ omuu nkyi;kamakpee lɛkpankyila nkyi fɔ ku aba takalekamata bakpɛtɛ nii kafɔɔ ntaka fɔ di suoto.4Bɛɛwakosa fɔ kasɔ, kasɔ kamɛ fabakakatɛ;lɛkakatɛ lɛfɔ kamadie biibii di kudu kamɛ.Sɛlɔ lɛfɔ kamadie fɛle kpi sele di kasɔ kamɛ;sɛwɛɛwɛɛ di lɛkakatɛ lɛfɔ kamadie di kudu kamɛ.5Kafɔɔ balo lɛfɔ nwu nimpɔ nii kamate fɛle kudu muɛmuɛ,basiensietɛ kudú bakpeetɛ nwu fɛle sɛsɔ bɛɛfɛ beesifiko.Nkyenkye, di difua kamɛ,6SAATE wɔ Ninlenke ni kamawaku kanto dikpududuu ku kasɔ otũkũ ku sɛlɔ kplɛ,ku afɛɛfɔ siene ku ɔblɔ ku ɔtɔ bembe nimafiɛ ni.7Nse nnle nwu mmuu kudú bakpeetɛ ba ninkɔkpɛko ni Ariel,bɛɛtaka nwɔ ni di suoto ku katanikokɔ nɔɔ bɛɛmana nwɔ kafɔɔ beekyi nii,dibate fɛ kɔlaafɔ kule,ku kakyɛ odiki otuo-8fɛ nse kɔka nkle otii ɛɛsɛ kɔlaafɔ alɛ ookonko ni,kafɔɔ ɛɛsɛnkɛ, kɔka nwu nklee nwɔ ni;fɛ nse otukɔnsɔ nkle otii ɛɛsɛ kɔlaafɔ alɛ oonyi ntu,kafɔɔ ɛɛsɛnkɛ, otukɔnsɔ nɔɔ nlo nwɔ ni nɛ.Nkpo dibate ninta nnle nwu mmuu kudú bakpeetɛba nikɔkpɛko di Sion Kobokote nɛ.9Biyila tribaa, diɛbla ye ɔkpɛ kafɔɔ,bitĩi anu lee biekple banumbiɛtɛ kafɔɔ;bisiɛ, kafɔɔ diele nta bienyibikpankpa kafɔɔ diele nta siene bienyi.10SAATE nwu ntɔɔta ye biebuo di sɛkyɔsĩ kplɛ kamɛ:Eetĩi ye anu (Yaa ɔlaa babuɛtɛtɛ);eetĩi ye asi (asaa banyatɛ).11Aye yi, odiki otuo wɔ mmle omuu diele lɛsalɛsa, kafɔɔ fɛ kukũ ko kamɛ sɛlaa beetĩi nii. Kafɔɔ nse biɛyɔ kukũ nwu biɛta otii wɔ nimafuo ni ɔka, biɛtɔkɔ nwɔ bilɛ, “Lekoto ka nle mmle” yi, abadiki kanya alɛ, “Namafuo ɔka, beetĩi kũ kanya.”12Ee, nse biɛyɔ kukũ nwu biɛta otii wɔ ninamafuo ni ɔka, biebuɛ bilɛ, “Lekoto ka nle mmle ” yi, abadiki kanya alɛ, “Nin-ye mmle manka nii.”13SAATE nwu lebuɛ alɛ:“Batii ba mmle nwa ɔkyɛ nii ku nnya lɛmamankpee mi dibu kafɔɔ ku anyasibi lɛma,kafɔɔ situ lɛma lekyo di ɔkyɛ nii.Batii afiofa ya beetuo ni lete ninlekasumu lɛma ka bɔɔtɛɛ ni nɛ.14Nkpo oso kamakple mfuasa batii ba mmleku ɔkpɛ wɔ niɛbla ni ɔkpɛ diekple diɛbla ni ɔkpɛ;banumbentɛ ninumbe kamawɔɔ,lɛsɔnu kamayu otii wɔ ninkpe ni lɛsɔnu.”15Mba ninsifi ni nwofakɔ kplɛ bayɔɔsaalɛ boowofasa ni asibu lɛma di Saate nwu suoto,mambla ni sɛkpɛ lɛma di ditunu kamɛ mambu ni kafɔɔ alɛ,“Owe nikɔnya wo? Owe kafɔɔ nimatofo?”16Biemunikĩisa asaa biefuusa,fɛ nse dibukii blatɛ nte fɛle kɔtɔ!Lɛsaa le bɛɛbla ni katɔkɔ blatɛ nɔɔ alɛ,“Diele afɔ niɛbla mi”?Dibukii kafuo dibukii blatɛ ɔtɔkɔ alɛ,“Aaye lɛsalɛsaa”?17Di obe kakuu kamɛ, Lebanon dilɔbakple kofe ko kasɔ ninsi ni lɛladi kofe nwu kasɔ ninsi ni lɛla kafɔɔ kubate fɛle lepoo?18Di dii nwu nkpo batokotĩitɛ kamanu kukũ nwu kamɛ sɛlaa,di obe wɔ diɛbla ni tutufuu ku ditunu yibanumbiɛtɛ anu kamanya asaa.19Mba niɛwakosa ni suoto kasɔ kamakple man-nya suoto lɛyɔɔ di SAATE nwu kamɛ;mba diefĩ ni kamanya suoto lɛyɔɔ di Israel Klekletɛ nwu suoto.20Basiensietɛ kamayu,batii bamantɛ kamayɛ,mba kafɔɔ bamuu ninkpe ni anu bɛɛta ni dikpile yi, bababudi ma man-yu-21mba nin-yɔ ɔlaa mankpa otii ankpi ni lɛpɔɔ,ankyɔɔ ni otii wɔ suoto ɛɛyɔ ni ɔlaa okũku sɛlaa ku afunu kamaa oyila mansĩ ni otii wɔ ninan-ye nwu ni ole lɛbɛ ɔta.22Nkpo oso nnya ɔlaa wɔ di SAATE nwu, nwɔ niadiki ni Abraham, kobuɛ antɔkɔ ni Yakob leyo alɛ:“Sinunsɔ dilɔbasinkpɛ Yakob;anu lɛma kafɔɔ dilɔbasinwlo.23Nse bɛɛnya babi lɛma di kamɛ lɛma,nnɛɛ nii ɔkpɛ ɔbla,babakleklesa leyooto nii;babatofo Yakob Klekletɛ Nwu leklekle,manyɛkɛ kafɔɔ Israel Yaa nwu.24Mba nieyu ni di ninwuna kamɛ kamawɛ lɛsɔnu;mba nikobubuɛ ni sɛlaa kamafũ ɔlaa mankpee.”The Seed Company