1 Mose Kukũ Nɔnle33
Mose Lata Israel Ana Nwu Lɛtɔtrɔ
1Nnya lɛtɔtrɔ sɛlaa se di Mose, Yaa otii nwu labuɛ ni di Israel batii suoto fiɛ aakpi ni.2Aabuɛ alɛ:“SAATE nwu lakye Sinai Kobokote aawa,ni aatũ fɛle kufĩ aakye Seir aakpete ma di suoto nɛ;aatũ aakye Paran Kobokote.Manko baklekletɛ nkpe, nkpe niawa.Baakye kalakasɔ, di kobokote nɔɔ lɛyɔnsa.3Nwaako afɔ nimbɔmbɔ batii nwu;baklekletɛ nwu bamuu nsi fɔ ninnɛɛ.Nkpaatũ lɛfɔ di bamuu nwakasɔ,ni munfũ asaa otuo di ɔkyɛ lɛfɔ nɛ,4kufiofa ko di Mose lata wo ni,kule ni Yakob banantii asaa finle.5Aale ɔka di Yesurun batii suotodi obe wɔ di batii nwu batunlatɛ lesi ni dikudi,manko Israel batii ana nwu.6“Ta Ruben asiɛ nkpa alɛ ɔlabakpi,ee batii nɔɔ babla kafui.”7Nnya mmle aabuɛ ni di Yuda suoto:“Oo SAATE, nu Yuda kaku;kpaa nwɔ fawako batii nɔɔ.Nnɛɛ nɔɔ mmu an-yɔ ankpɛ anta suoto.Oo, le lɛkyakaako nɔɔ di balo nɔɔ suoto!”8Di Lewi suoto aabuɛ alɛ:“Tumim ku Urim lɛfɔ nleotii wɔ feele ni sibualɛ.Faasɔ nwɔ faanyu di Masa;minko nwɔ biasisikitiko bawo di Meriba ntu katũ.9Aabuɛ di ote ku ɔya suoto alɛ,‘Nnaa dibu kuninwii lɛta ma.’Atayɔ dibu aata babilɛma-suɔtɔbiee amufũ babi nɔɔ bamu aaklee,kafɔɔ aanu fɔ ɔlaaaakyɛ di kanya ninii lɛfɔ osuku suoto.10Antuo Yakob sisuku lɛfɔni antuo Israel batii kufiofa lɛfɔ nɛ.Anfiɛ olufui di anu lɛfɔanta ofiɛ asaaɔta omuu di oleɔta akyikye lɛfɔ suoto.11Oo SAATE, tɔɔ lɛtɔtrɔ di nnɛɛ nɔɔ kamɛ sɛkpɛ simuu suoto,di nnɛɛ nɔɔ ɔkpɛ kubuo fɔ anu.Fefee mba niɛtaka bayɛ nwɔ ni di suoto ntaduu;sasafɔ balo nɔɔ dilaase di obe wɔ manamasinfuo ni ɔtaka.”12Aabuɛ di Benyamin suoto alɛ:“Ta SAATE nwu bɔmbɔtɛ atɛ ɔnyɛɛ buɛɛ di SAATE nwu kamɛ,diekye ntĩtĩi nwɔ di ayi amuu kamɛ,ni otii wɔ di SAATE nwu mbɔmbɔ ni nsiɛ di amuusi nɔɔ suoto.”13Aabuɛ di Yosef suoto alɛ:“SAATE nwu ata kasɔ nɔɔ lɛtɔtrɔku osi kaatoo oblokyi wɔ niefũ ni kɔyaku ntu kyofole be ninte ni kaalɔ;14ku asaa nwaa ya di kufĩ nwako niku abiene ya di kɔwɛntɛ nta ni;15ku saa abokote akyɛsaa finle nwaaku akpenkpe alɛsaa nwu ninaa ni kaloo;16ku kasɔ nwu akyɛsaa nwaa ku lɛpɔ ninya kamɛdi nnwɔ ninsiɛ ni di owuufa nikofiɛ ni sibualɛ kamɛ.Ta n-ya mmle amuu atika di Yosef disi,ale ni tunletɛ wɔ ninsi ni di babilɛma-suɔtɔbi kamɛ.17Di dibu kanya ate fɛle nankyue dibi-suɔtɔ le ninle ni lelofo kasale;akya nɔɔ ninle ɔtrɔmu akya.Akya nwu abayɔ antutukusa nnle an-yu nɛ,bia mba ninsi ni di kasɔ kayɛntɛkɔ.Fɛle Efraim batii nkpe lefosi;fɛle Manase batii nkpe, nkpe.”18Aabuɛ di Sebulon suoto alɛ:“Sebulon, nya suoto lɛyɔɔ di odie lɛfɔ kamɛ,afɔ Isakar kafɔɔ, nya suoto lɛyɔɔ di akpanta lɛfɔ kamɛ.19Babalɛɛ batii manwako kobokote nwu,ni nfa babata ɔsaabla tinini oleɔta nɛ;babawɛ lɛkpo kamɛ lɛsaawɛ kpinwu,di asaa nwaa ya beewofasa ni di ɔtɛnsia kamɛ.”20Aabuɛ di Gad suoto alɛ:“Bɛɛta lɛtɔtrɔ otii wɔ niɛkpɛnsa ni Gad kasɔ ɛɛkyakaa nii!Gad nsiɛ ninfa fɛle kyata,ambɛbɛɛ ni kɔnɛɛ ee disi.21Eediki kasɔ nwaa ɛɛta suoto nɔɔ;baayɔ batunletɛ kalekɔ baatɛ nwɔ.Nse batii nwu asiasi lesi yi,ambla di SAATE nwu dibiesaa tinini nwu kanya,ku lɛkanko nɔɔ le niɛyɔ nwu ni ole di Israel suoto.”22Aabuɛ di Dan suoto alɛ:“Kyata dibi di Dan nle,ooyefe andie di Basan.”23Abuɛ di Naftali suoto alɛ:“Naftali asaa mapɔ diefe ni di SAATE nwu sibualɛ suotolɛtɔtrɔ nɔɔ kafɔɔ leyii nwɔ kamɛ pɔ;atesaa nɔɔ ninle kalakasɔ diesifi ni lɛpanta.”24Aabuɛ di Aser suoto alɛ:“Aser ninle nnwɔ bɛɛta ni lɛtɔtrɔ balenke ni di babisuɔtɔbi kamɛ nɛ;ta abuo babilɛma-suɔtɔbi anu,baatɔɔ afoto nkpaa nɔɔ di nnɔnyi kamɛ.25Kayoko lɛfɔ sibuɛ kamale abɔɔsaa wɛɛfɛɛ ku abɔɔsaa sɛɛle,fabawɛ osie di nkpa lɛfɔ ayi amuu osiɛ kamɛ.26“Otii kuonwii nnaa fɛle Yesurun Yaa,an-fe ni di osi ankyakaako fɔ nii,ankyɛ di sɛka kanya di alokonkyɛ kamɛ.27Katanikokɔ lɛfɔ ninle Yaa wɔ ninaa ni kaloo nɛ,kalɔ kafɔɔ nle nnɛɛ be ninaa ni kaloo.Abatososa balo lɛfɔ andiki di anu lɛfɔ,ambuɛ alɛ, ‘Wɔɔsa nwɔ!’28Nioso Israel batii kamasiɛ lete lɛma di difu dilɔbawɛ nii;Yakob ditubiɔ nte di ole kuonwii nnaa nii,di atitabi ku nta fɔle kasɔ suoto,di nfũ di osi nsoosa ni oblokyi.29Oo Israel, bɛɛta fɔ lɛtɔtrɔ!Owe ninte fɛle afɔ,batii ba di SAATE nwu lefũ ni nkpa?Nnwɔɔ ninle fɔ kubidifunsaa ku kyakaakotɛ,ku lelenkee lɛfɔ kapamii nɛ.Balo lɛfɔ kamawa mamase akunkyi di katũ lɛfɔ,ni afɔ fabananafu ntakalekɔ lɛma nwu fantɛ kaasɔ.”The Seed Company