GALATIFOƐ5
1Sɔ ahofadie nati yeɛ Kristo amaa yale yɛ nwo ne. Yeti ɛmɔgyina pindinn, na ɛmɔnea kyɛ ɛmɔ ngɔfa ɛmɔ nwo bengowura ngoasom nu kõ.2Ɛmɔnea, me Paul, meka mekyire ɛmɔ kyɛ, sɛ ɛmɔma bɛpɛ ɛmɔ toa a, bɔ Kristo ayɛ ne, ɛmɔ nngonya mvasoɛ biala wɔ so.3Mesa meka mekyire ɛmɔ kyɛ, sona biala bɔ ɔkɔmaa bɛkɔpɛ ye toa ne, mmeraa ne akyekye ye, na odikyɛ odi ye mukoraati so.4Ná ɛmɔ nu biala bɔ ɔpena kyɛ ɔfa mmeraa ne bu ye nwo bem ne, ɔne Kristo afia atete, wahwe ye nwo wafi ye adom nanwo.5Na yɛ de, tenenee bɔ yɛ gyidie ti yekonya ye ne, yɛnate honhom naso yɛnea ye atee paa.6Ofikyɛ Kristo Yesu nu de, sɛ bapɛ wɔ toa oo, bɛpɛlle wɔ toa oo, ɔnga hwee. Bɔ ohia yeɛ ole gyidie bɔ ofi ɔdɔ nu.7Né ɛmɔtu mirika ne kama. Afei de nwa yeɛ wasi ɛmɔ atee bɔ ɔmma ɛmɔ ndie nahorɛ ne kõ ne?8Bɔ ɔfrɛle ɛmɔ ne, nná sɔ yeɛ ohyirele ɛmɔ ɔ.9Yiste kaa bie yeɛ ɔmaa esam namukoraati tu ɔ.10Nne ɛmɔ nu gyidie wɔ Awurade nu kyɛ, ɛmɔngonya adwene foforɛ biala. Na bɔ ɔha ɛmɔ ne, sɛ ɔte nzu sona po a, okonya ye nwo atemmuo.11Aliemaa mɔ, afei koso sɛ toa pɛlɛ nwo dwirɛ yeɛ metɛ́ ka a, ye de nzuati yeɛ bɛtane me nye sɔ ne? Sɛ sɔ yeɛ ɔte a, ahaa asɛnnua nanwo sintidua nne berɛ kõ.12Ɔhale me ngome a, ahaa basa mmrienzua bɔ bɛha ɛmɔ adwene namu.13Aliemaa mɔ, bafrɛ ɛmɔ bawa ahofadie nu, nakoso nnɛmɔfa ɛmɔ ahofadie ne bɛyɛ bɔ anwoɔnaen ne kuro ɔ. Mmom ɛmɔfa bɛsõ ɛmɔ nwo wɔ ɔdɔ nu.14Ofikyɛ mmeraa namukoraati gyi edwirɛ komapɛ so, yeɛ ole, “Dɔ wɔ mmango kyɛ wɔ nwo.”15Nakoso, sɛ ɛmɔkɔ so bɛkeka ɛmɔ nwo, na ɛmɔ pire-pira ɛmɔ nwo a, ye de annea a, né ɛmɔ asɛkye ɛmɔ nwo.16Bɔ meka yeɛ ole kyɛ, ɛmɔhɔ so bɛnate honhom nu, na ɔngɔma ɛmɔ nngoli anwoɔnaen akɔnnɔ si.17Ofikyɛ bɔ anwoɔnaen ne kuro ne, ɔne honhom ne nyia, na bɔ honhom ne kuro ne, ɔne anwoɔnaen ne nyia, ebiala kõ tia ye mmango. Yeti ɛhene nngɔma ɛmɔngɔyɛ bɔ ɛmɔ kuro ɔ.18Na sɛ ɛmɔma honhom ne kyire ɛmɔ atee a, ye de, ɛmɔnne mmeraa nabo.19Nningyein bɔ anwoɔnaen ne yɛ ne, wala ali pefee, yeɛ ole: adwamammɔ, bra-bɔne, ahohwibra,20abosonsom, honhonsɛm, ɔtaen, manzoin, ahoɔyaa, ɛyaa, ɛyakalɛ, mbakye-mbakye-muɛ, bɛ bɔ bɛte bɛ nwo,21anyeborolɛ, nzãa bolɛ, paati bɔ yebo gye-gyee-gye, ɔne nningyein bɔ ɔtete sɔ ne. Ɛhemɔ nwo yeɛ mebɔ ɛmɔ kɔkɔ, kyɛbɔ nni moa mmɔle ɛmɔ kɔkɔ ne, kyɛ bɛ bɔ bɛyɛ sɔ nningyein ne nngɔhɔ Nyameɛ Ahennie nanu.22Na aba bɔ honhom ne su yeɛ ole ɔdɔ, anigye, asomdwie, aboterɛ, adɔyɛ, pa yɛlɛ, gyidie,23anwobraseɛ, ɔne ahohyɛsoɛ; mmeraa biala nne berɛ bɔ otia ɛhemɔ ɔ.24Bɛ bɔ bɛte Kristo Yesu deɛ ne de, babɔ anwoɔnaen ne, ye akɔnnɔ ne, ɔne bɔ okuro namukoraati asɛnnua nu.25Sɛ yɛte honhom nu de a, ɛmɔma yɛli honhom ne gyasi pɛɛ.26Nnɛmaa yɛ nu biala ma ye nwo so, yɛne yɛ nwo si akan, na yɛmaa yɛ nye boro yɛ nwo.
Lexihub