GALATIFOƐ1
1Me Paul yeɛ metworɔ krataa he ɔ. Nde somafoɛ, nakoso nná sona yeɛ ɔyele me kyɛ mmanyɛ somafoɛ ɔ, na ɔnnate sona biala so koso, mmom Yesu Kristo ne Baba Nyameɛ bɔ otingyele ye fili ewue nu ne yeɛ bɛyele me ɔ.2Mene aliemaa mɔ bɔ bɛwɔ me nwo wa namukoraati, yɛfa krataa he yɛkɔma asafo ahoroɛ bɔ ɔwɔ Galatia ne:3Adom ne asomdwie bɔ ofi yɛ Baba Nyameɛ ne Awurade Yesu Kristo berɛ ha ɛmɔ.4Ye yeɛ ɔfale ye ngoa tole berɛ mane yɛ bɔne, kyɛbɔ ɔkɔyɛ a, okole yɛ kofi wiase bɔne bɔ ɔwɔ berɛ kesaalae nanu, kyɛbɔ yɛ Nyameɛ ne yɛ Baba ne pɛ te ne,5ye yeɛ anuonyam ha ye daa, daa. Amen.6Ɔyɛ me nwanwa kyɛ ɛmɔtwe ɛmɔ nwo ndɛ bɛfi Bɔ ɔnate Kristo adom so frɛle ɛmɔ nanwo, ná ɛmɔkɔ nzɛmba foforɛ nwo ɔ.7Ɛhene po de, ɔtte nzɛmba. Bɔ ɔte yeɛ ole kyɛ, ebiemɔ ha ɛmɔ, na bɛpena kyɛ bɛsesã Kristo nzɛmba ne.8Nakoso, sɛ yɛ, anaa abɔfo po fi anwuro baka nzɛmba foforɛ, bɔ ɔne bɔ yɛha yɛhyirele ɛmɔ ne nyia a, ye yaakɔ! 9Kyɛbɔ yali moa yaha ne, mesa meka ye bieku, nzɛmba he si ne, sɛ ebie baka nzɛmba foforɛ biala kyire ɛmɔ a, ye yaakɔ! 10Aso, sona yeɛ mepena kyɛ odɛ́ me to nu, anaa Nyameɛ? Anaa sona yeɛ mepena kyɛ mesɔ ye nye ɔ? Sɛ sona yeɛ mepena kyɛ mesɔ ye nye de a, ahaa mengɔyɛ Kristo akoaa.11Aliemaa mɔ, mepena kyɛ ɛmɔnwu ye kyɛ, nzɛmba bɔ nga ngyirele ɛmɔ ne, ɔtte sona deɛ,12na nná sona yeɛ ɔfa mane me ɔ, yeɛ bangyire me koso. Mmom Yesu Kristo bɔbɔ yeɛ ɔyele ye ali hyirele me ɔ.13Medɛ́ medi kyɛ ɛmɔ ate bra bɔ mmɔle, mmerɛ bɔ ne nwɔ Yuda som nu ne, kyɛbɔ nduli me nye nziele Nyameɛ asafo naso, bɔ ne mepena kyɛ megu ye ne.14Né mahɔ me nyunu wɔ Yuda som nu matra bɛ bɔ mene bɛ sili so wɔ me maen nanu namu, ofikyɛ né me baba mɔ amammerɛ nwo hia me paa. 15Nakoso, mmerɛ bɔ Nyameɛ bɔ ɔyele me fili me maame kunu, na ɔnate ye adom so frɛle me ne nwuni kyɛ, ɔte pa kyɛ16ɔfa me so da ɔwa né ali, ná wamaa maha ye nwo dwirɛ mahyire maen-maen ne, mambere me nwo manzusu ye nwo mangyire dasaniɛ biala,17na sɔ ala yeɛ manngɔ bɛ bɔ bɛli moa bɛyɛle asomafoɛ kora yeɛ mebaayɛ bie ne berɛ wɔ Yerusalem, mmom ngɔle Arabia, yesi ne, nza ngɔle Damasko.18Afoɛ nza si kora yeɛ mekɔ Yerusalem mekɔsra Kefa ɔ, na nnili ye berɛ ngyẽa buru-ne-nnu.19Asomafoɛ ngaa ne de, mannwu bɛ, sana Awurade aliema Yakobo ngome.20Na edwirɛ bɔ metworɔ mebrɛ ɛmɔ ne, Nyameɛ nyunu ɛhe, membɛ anoanu.21Ye si ne, ngɔle Siria ne Kilikia mandanu dɔ,22nakoso Kristo asafo bɔ ne ɔwɔ Yudea nemɔ de, né bɛnwuni me nyunu lle.23Edwirɛ bɔ ne bate ala yeɛ ole kyɛ: “Biaa bie bɔ daa ne, né ɔtane yɛ nye ne, afei de, ɔbɔ gyidie bɔ ahaa ɔpena kyɛ ɔsɛkye ye nanwo dawure.”24Ná me ti, bɛhyɛ Nyameɛ anuonyam paa.
Lexihub