2 TIMOTEO2
1Yeti mma, yɛ se wɔ adom bɔ ɔwɔ Yesu Kristo nu nanu.2Na bɔ ɛte fili me berɛ, bɔ mmeni pee di ye nwo adanzeɛ ne, fa wura bɛ bɔ bɛdi nahorɛ ne sa, na wamaa bɛ koso bahora bahyire afoforɛ.3Na wɔ koso, nwu amaneɛ kyɛ Yesu Kristo sogyaniɛ pa.4Sogyaniɛ biala nne berɛ bɔ ɔfa ye nwo wuro-wura wiase nanu ɔ, ofikyɛ ɔpena kyɛ ɔsɔ bɔ ɔfale ye adwuma ne nye.5Afei koso, sɛ ebie si akan a, kora bɔ bɛkɔfa abotire ne bɛkɔma ye ne, sana odi ye nwo mmeraa naso.6Kuaniɛ bɔ ɔyɛ adwuma ne, ye yeɛ odikyɛ odi moa di ɛboo nanu aleɛ ne bie ɔ.7Kɔ so dwene bɔ meka nanwo, na Awurade kɔmaa ɛkɔte nikye biala bo.8Kaye kyɛ, bɛtingyele Yesu Kristo bɛfili ewue nu, na ɔte David bosoniɛ, sɔ nzɛmba ne yeɛ meka ne,9ɛhe ati yeɛ menwu amaneɛ, ná bafa me bato prizin kyɛ ebie bɔ wali bɔne ne. Nakoso, Nyameɛ dwirɛ ne de, bɛbbɔle ye panwu. 10Bɛ bɔ baye bɛ nati yeɛ memia me nye menwu amaneɛ he amukoraati ne, kyɛbɔ ɔkɔyɛ a, bɛ koso bekonya daa ngoa wɔ Yesu Kristo nu, na banya ye nwo anuonyam bɔ ɔwɔ berɛ daa ne koso.11Sɔ dwirɛ he te nahorɛ paa:Sɛ ɔte nahorɛ kyɛ yɛne ye wuli a,yɛne ye yeɛ yɛkɔtena ase ɔ;12sɛ yɛmia yɛ nye yɛgyina nu a,yɛne ye koli bia,na sɛ yɛka kyɛ yɛnze ye a,ye koso, ɔkɔha kyɛ ɔnze yɛ;13sɛ yanni nahorɛ a,ye de, odi nahorɛ,ofikyɛ ye de, ɔngora mbo ye nwo.14Kɔ so kaye bɛ sɔ dwirɛ hemɔ, na kyirekyire bɛ wɔ Nyameɛ nyunu kyɛ, nnɛmaa besu edwirɛ nwo aporowaa, ofikyɛ mvasoɛ nne so, na ɔsɛkye bɛbɔ betie ne adwene.15Yɛ bɔ ɛkɔhora biala ma Nyameɛ nwu wɔ kyɛ ebie bɔ ɔfata, ebie bɔ ɔmvɛle ye adwuma nwo, na otira nahorɛ dwirɛ nanu pɛpɛɛpɛ.16Nakoso, twe wɔ nwo fi edwirɛ bɔ ye nwo nhia, na otia bɔ ɔte krongron nanwo, ofikyɛ sɔ dwirɛ ne fa sona kɔ bɔne pee nu,17bɛ dwirɛ ne kɔtrɛ te kyɛ anwonyerɛ tɛɛ. Sɔ mmenia ne biemɔ yeɛ ole Himeneo ne Fileto.18Sɔ mmenia hemɔ ahwe bɛ nwo afi nahorɛ nanwo, na bɛkeka kyɛ awufo tingyelɛ ne awa dadaada, ná bɛfa bɛsɛkye ebiemɔ gyidie.19Ɛhe amukoraati si ne, Nyameɛ fapem ne de, ogyi berɛ pindinn, na ɛhe yeɛ bafa bahyɛ ye nzorɛ ɔ: “Awurade se bɛ bɔ bɛte ye deɛ,” na “Ebiala bɔ ɔbɔ Awurade dumaa ne, ma ɔhwe ye nwo fi nikye biala bɔ ɔndengyɛ nanwo.”20Sɛ ɛkɔ awuro piri nu a, ngyɛnzee pee wɔ berɛ, ebie wɔ berɛ a sikaa kɔkorɛ anaa dwetɛ yeɛ bɛfa bɛyɛle ɔ, na ebie koso te mmakaa ne nnɛterɛ. Bɛfa ebie bɛyɛ nikye bɔ ole anuonyam, na bɛfa ebie koso bɛyɛ nikye bɔ olle anuonyam.21Yeti, sɛ ebie twe ye nwo fi nikye biala bɔ olle anuonyam nanwo a, né waayɛ bɔ bɛfa bɛyɛ nikye bɔ ole anuonyam, nikye bɔ bate ye nwo bɔ ye wura fa yɛ nikye a ɔyɛ yé, ná wasiesie ye nwo wama adwuma pa biala.22Yeti, twe wɔ nwo fi mmrandeɛ nu akɔnnɔ nwo, na di tenenee, gyidie, ɔdɔ ne asomdwie si, ɛne bɛbɔ bɛfi ahone bɔ enu te nu bɛfrɛ Awurade ne.23Afei koso, twe wɔ nwo fi ngwasea aporowaa bɔ mvasoɛ biala nne so nanwo, ofikyɛ ɛse kyɛ ngondii yeɛ ɔfa ba ɔ.24Nnɛmaa Awurade akoaa kõ, mmom odikyɛ odwo ma ebiala, ɔkora kyirekyire, na ɔhyɛ ye nwo so mmerɛ bɔ ebie ayɛ ye bɔne,25ná ofi anwobraseɛ nu dwudwo kyire bɛ bɔ bate atua ne. Ebia ne Nyameɛ amaa basakra b'adwene banya nahorɛ nanwo nimdeɛ bɔ odi mu.26Ɛhene kɔmaa bɛ nye kɔwa bɛ nwo so, na bahwe bɛ nwo bafi Abɔnzam ngaen nwo, ofikyɛ bɛkonwu kyɛ wahye bɛ, ná ɔfa bɛ yɛ bɔ okuro ɔ.
Lexihub