2 KORINTOFOƐ7
1Aliemaa mɔ, ɔnate kyɛ yanya sɔ bɔhyɛ hemɔ nati, ɛmɔma yɛnwunzi yɛ nwo yɛfi anwoɔnaen ne honhom nu fiɛ biala nwo, na wamaa yɛ ahoteɛ ali mu wɔ Nyameɛ suronyi nu.2Ɛmɔ bukye ɛmɔ ahone nu bɛma yɛ. Yɛyɛlle ebiala bɔne, yɛsɛkyelle ebiala, na yɛbulli ebiala yɛfalle so. 3Nná kyɛ meka ɛhe mefa mebu ɛmɔ fɔ, ofikyɛ mali moa maha ye dada kyɛ, ɛmɔla y'ahone so, na ewue nu oo, ngoa nu oo, yɛne ɛmɔ ala.4Mekora mefa akukuduro medwudwo mekyire ɛmɔ. Mefa ɛmɔ mehoɔhoa me nwo paa. M'ahone atɔ me kunu paa, ɔwɔ nu kyɛ yɛnwu amaneɛ, nakoso me nye agye abo so.5Na mmerɛ bɔ yɛwale Makedonia ne, yannya ahotɔ wɔ yɛ nwonaen nu koraa, nekaa biala bɔ yɛkɔfa ne, né yɛnwu amaneɛ; né ngondii apɛ yɛ nwo ayia, na yɛ nu koso, né esuronyi aha yɛ.6Nakoso, Nyameɛ bɔ ɔkyekye bɛ bɔ b'ahone abubu ne wora ne, ɔnate Tito bɔ ɔwale naso kyekyele yɛ wora,7nná ɛwalɛ bɔ ɔwale ne ngome yeɛ ɔkyekyele yɛ wora ɔ, mmom awerɛkyekye bɔ ɛmɔ ti onyane ye ne ti ɔ. Ofikyɛ ɔwale ne, ɔmaa yɛnwuni kyɛ ɛmɔ afe me, ɛmɔ wora abɔ paa, na ɛmɔdwene me nwo, ɛhene maa me nye gyele paa.8Na sɛ me krataa ne maa ɛmɔ wora bɔle po a, nnnuni me nwo. Sɛ ahyɛaseɛ ne, nnuni me nwo po a (ofikyɛ nwuni kyɛ krataa ne maa ɛmɔ wora bɔle mmerɛ kaa bie),9kesaalae de me nye agye, nakoso nná ɛmɔ wora bɔ ɔbɔle nati yeɛ wamaa me nye agye ɔ, mmom aworaborɛ ne maa ɛmɔ sakrale ɛmɔ adwene, ofikyɛ ɛmɔ aworaborɛ ne, né ɔte bɔ Nyameɛ kuro ɔ, na yamma nikye tɛɛ biala ando ɛmɔ.10Sɛ Nyameɛ ti, ebie wora bɔ a, ɔmaa ɔsakra ye adwene nya ngoa, na ɔnyɛ ye yea kyɛ ɔsakrale y'adwene ɔ. Nakoso wiase nanu aworaborɛ de, ɔfa ewue ba.11Ɛmɔ wora bɔ ɔbɔle, ɔnate kyɛ né ɛmɔpena kyɛ ɛmɔyɛ bɔ Nyameɛ kuro nati, ɛmɔnea nikye pa bɔ wafi nu wawa ɔ: Ɔyele bɔ ne ɔla ɛmɔ so ne fili berɛ, ɔmaa ɛmɔ fɛle yaa, esuronyi hane ɛmɔ, ɛmɔ fele yɛ, ɛmɔ bɔle ɛmɔ nwo mmɔden, osiesiele mvomsoɛ ne. Na nikye biala nu, ɛmɔ ahyire kyɛ edwirɛ biala nne ɛmɔ nwo wɔ edwirɛ he nu.12Ɔwɔ nu kyɛ ndworɔle krataa mmerɛle ɛmɔ, nakoso nná bɔ ɔyɛle bɔne nati yeɛ ndworɔle ɔ, yeɛ mandworɔ mammerɛ bɔ bɛyɛle ye bɔne ne, mmom kyɛbɔ ɔkɔyɛ a mmɔden bɔ ɛmɔbɔ wɔ yɛ nwo ne kɔla ali wɔ ɛmɔ nu, wɔ Nyameɛ nyunu.13Ɛhene ati yeɛ yɛ wora akyekye ne.
Nakoso, nná ɛhene angome, mmom anigye bɔ Tito anya ye ne, wamaa yɛ koso yɛ nye agye paa, ofikyɛ ɛmɔ mukoraati, ɛmɔ maa ye ahone tɔle ye kunu.14Na sɛ mvale ɛmɔ nhoɔhoale me nwo ngyirele ye a, ɛmɔ amma me nyunu angua ase. Na kyɛbɔ edwirɛ biala bɔ yɛha yɛhyirele ɛmɔ ne te nahorɛ ne, sɔ ala yeɛ ɛmɔ bɔ yɛfale ɛmɔ yɛhoɔhoale yɛ nwo yɛhyirele Tito ne koso ayɛ nahorɛ ɔ.15Na sɛ ɔkaye sotie bɔ ɛmɔ mukoraati ɛmɔ yɛle, ɔne kyɛbɔ ɛmɔ fale esuronyi ne ahopopo bɛlɛle ye kama ne a, ɔmaa ɔdɔ bɔ ole ye ma ɛmɔ ne yɛ piri.16Me nye agye paa, ofikyɛ nikye biala nu ne, nne gyidie wɔ ɛmɔ nu.
Nakoso, nná ɛhene angome, mmom anigye bɔ Tito anya ye ne, wamaa yɛ koso yɛ nye agye paa, ofikyɛ ɛmɔ mukoraati, ɛmɔ maa ye ahone tɔle ye kunu.14Na sɛ mvale ɛmɔ nhoɔhoale me nwo ngyirele ye a, ɛmɔ amma me nyunu angua ase. Na kyɛbɔ edwirɛ biala bɔ yɛha yɛhyirele ɛmɔ ne te nahorɛ ne, sɔ ala yeɛ ɛmɔ bɔ yɛfale ɛmɔ yɛhoɔhoale yɛ nwo yɛhyirele Tito ne koso ayɛ nahorɛ ɔ.15Na sɛ ɔkaye sotie bɔ ɛmɔ mukoraati ɛmɔ yɛle, ɔne kyɛbɔ ɛmɔ fale esuronyi ne ahopopo bɛlɛle ye kama ne a, ɔmaa ɔdɔ bɔ ole ye ma ɛmɔ ne yɛ piri.16Me nye agye paa, ofikyɛ nikye biala nu ne, nne gyidie wɔ ɛmɔ nu.
Lexihub