2 KORINTOFOƐ6
1Ɔnate kyɛ yɛne Nyameɛ yɛ adwuma nati, yɛsrɛ ɛmɔ, Nyameɛ adom bɔ ɛmɔ anya ye ne, nnɛmɔ maa ɔyɛ mbaen.2Ofikyɛ waha kyɛ:“Mmerɛ pa nu ne, ndiele wɔ,na kyẽa bɔ bedɛ ngoa ne, mmokale wɔ.”Nea, ɛnɛ yeɛ ole mmerɛ pa ne. Nea, ɛnɛ yeɛ ole kyẽa bɔ bedɛ ngoa ne.3Yɛndo sintidua wɔ nikye biala nu, ná bannya yɛ som adwuma nanwo dwirɛ biala banga,4mmom nikye biala nu ne, yɛmaa bɛnwu yɛ kyɛ yɛte Nyameɛ asomvoɛ: Wɔ animia pee nu, amanehunu nu, ehiaa nu, ahokyere nu,5mmerɛ bɔ bɛbo yɛ, prizin nnaa nu, mmerɛ bɔ bɛyɛ yɛ basabasa, ɛfɛɛ nu, asiripɛ nu, ɛhɔen nu,6ahoteɛ nu, nimdeɛ nu, aboterɛ nu, paayɛlɛ nu, honhom krongron nu, ɔdɔ kaenn nu,7nahorɛ dwirɛ bɔ yɛka nu, ɔne Nyameɛ tumi nu; nate tenenee akodeɛ bɔ ɔwɔ yɛ sa bɛen ne yɛ sa famaa nu,8nate anuonyam ne animguaseɛ, edwirɛ pa ne edwirɛ tɛɛ so. Bɛnwu yɛ kyɛ yɛlaka-laka mmenia, nakoso yɛka nahorɛ,9bayɛ kyɛ bɛnze yɛ, nakoso bɛse yɛ paa, bɛnwu yɛ kyɛ yawu yayie, nakoso yɛte ase; bɛnwu yɛ kyɛ mmenia bɔ bahwe bɛ so ne, nakoso, bɛhunni yɛ,10bɛnwu yɛ kyɛ yɛ wora abɔ, nakoso yɛ nye gye daa, bɛnwu yɛ kyɛ ahiafoɛ, nakoso yamaa mmeni pee anya bɛ nwo, bɛnwu yɛ kyɛ yɛlle hwee, nakoso yɛle nikye biala.11O Korintofoɛ, yaha nahorɛ bɔ ɔwɔ nu ne yahyire ɛmɔ, na yabukye y'ahone nu hoo yama ɛmɔ.12Yamaa ɛmɔ anwu ye kyɛ yɛdɔ ɛmɔ, nakoso ɛmɔ de, ɛmɔ lalle ɛmɔ dɔ ali bɛhyirelle yɛ.13Yeti, medwudwo mekyire ɛmɔ kyɛ me mmaa mɔ, ɛmɔ koso, ɛmɔ bukye ɛmɔ ahone nu hoo.14Bɛ bɔ bɛtte gyidifoɛ ne, nnɛmɔ ne bɛ twe kɔnnua kõ. Ofikyɛ abusuabɔ beni yeɛ ɔla tenenee ne amumuyɛɛ afia ɔ? Na kyɛfa beni yeɛ kanea ne awosii le ye ɔ?15Afei koso, nzu yeɛ ɔwɔ Kristo ne Belial afia ɔ? Anaa abusuabɔ beni yeɛ gyidiniɛ ne bɔ ɔtte gyidiniɛ ne lɛ ye ɔ?16Ná twakã beni yeɛ ɔwɔ Nyameɛ asɔre awuro ne bosoen afia ɔ? Ofikyɛ, yɛte Nyameɛ teasefoɛ né asɔre awuro; na Nyameɛ aha kyɛ:“Mene bɛ kɔtena,na mene bɛ kɔnate,ngɔyɛ bɛ Nyameɛ,ná bɛ koso, bayɛ me maen.”17“‘Yeti, ɛmɔfi bɛ nuna ɛmɔhwe ɛmɔ nwo,’ Awurade yeɛ waha ɔ.‘Nnɛmɔfa ɛmɔ sa bɛka nikye biala bɔ ye nwo nde,na ngole ɛmɔ.’”18“‘Na ngɔyɛ ɛmɔ Baba,na ɛmɔ koso, ɛmɔ ayɛ me mmaa mmrienzua ne me mmaa mmrasua,’Awurade, bɔ ole Tumi wɔ nikye biala so ne yeɛ waha ɔ.”
Lexihub